الله اذا أحـــــب العبد ابتلاه

[lonelya-w7danya]

السلام عليكم كويتيات

​

الموضوع واضح من العنوان, بس انتي برأيج الشخصي شنو اهو الابتلاء بالنسبة لج؟
هل اهو اهل سلبيين او صحبه سوء او ضعف الدراسه او الصحه؟
يا ريت كل وحده تقول شنو اهي الابتلاءات اللي الله يبتليها بالانسان من وجهه نظرها.....:eh_s(7):​

 

[مس بروكلي]

أختي ان الله اذا احب احدا ابتلاه
ممكن بالمال او العيال او الصحه.....الخ وكله له الأجر
انا ربي بلاني بالصحه والحمد لله ورفع عني البلاء

 

[ام غازي 2012]

الله سبحانه وتعالي
يبتلي بالمؤمن
علشان يتقرب من ربه
بدعاء وبصلاه

ويضعاف له من حسناته
الابتلاء من رب العالمين
له فوايد وايد

 

[lonelya-w7danya]

تسلموون على المرووور

 

[ماتغير شي]

ااااب

 

[أنثى نادرة]

من واقع تجربتي
احس انه الابتلاء لما تكونين بعيدة عن ربج ، وبعدين الله يبتليج بشي
اي شي ممكن يعكر صفو حياتج ونفسيتج خاصة،
وتتحرين حلّج عن البشر بس فالنهاية توضحلج الصورة انه الله ابتلاج فيه عشان يذكرج فيه
مب بس عشان تتذكرينه ، عشان تلجأين له في كل حالاتج في النعم والابتلاءات،
يعني اذا عندج نعمه تدعين ربج انه يدميها عليج، واذا في ابتلاء تدعينه يفرجها عليج
اسمحيلي لدموعي لانه موضوعج يا في وقته، واسمحيلي اقولج . .
اني امر بابتلاء كسر ظهري، بكيت بسببه دموع ماعمري ذرفتها
وشهقت شهقات القهر لياااالي، تخيلي انج مضايجه لحد انج على سريرج
وتصيحين صيااح ماعمرج صحتيه
تظلين تصيحين لمدة ساعة تقريبا وبعدين من كثر الصياح تحسين بدوخه وتنامين
وفجأة بدون سابق انذار تفزين من نومج اللي نساج همج ولو لساعة
تفزين من نومج بشهقه! يعني كانج كنتي غرقانه وفجاة احد نقذج وجان تشهقين
جذي بالضبط، كنتي نايمه وفجأة تفزين من نومج بشهقة قويه تخليج تنفجرين صياااح بعد مره
تحاولين تستوعبين هل هذا حلم؟ ولا واقع مر. . وتستمرين بالصياح،
لحد ماتدوخين بعد مره، وتناااميين، وبعد شهقه ثانيه تخليج تفزين من نومج بهاي الشهقه
وتنفجرين صياح
وعلى هالموال لمدة ايااام، الاكل تاكلينه بس اذا وصلتي لليوع المميت،
والماي تشربينه اذا قربتي للجفاف، وحتى يوم تاكلين وتشربين، كلهم نفس الطعم ، طعم مرّ
ومهما لجأتي للبشر ، بالنهاية الحل عند الله
وفعلا تنهارين ساجدة لربج تترجينه يفرج عنج
وتقولين اللي بخاطرج كانج طفله ماعندها قوه تساعد نفسها
.
هذا بالنسبة لي ابتلاء ، ويمكن ابتلاء عظيم



يارب فرج على أنثى نادرة عاجلا غير آجلاً
دعوة منج في ظهر الغيب ممكن تفرج عني البلاء هذا
يمكن الحين!!
​

 

[غصون ق]

اب
اب
اب

 

[نوف الصقعبي]

الله يفرج همج انثى ويشافيج اخيتي​

 

[المد الجميل]

المسام مبتلى ويجب على الانسان المسلم الصبر والدعاء

 

[عاشقة الككاو]

البلاء في الصحة والولد والتوفيق والبعد عن الله وقساوة القلب



وكله في اجرة اهم شي تحتسبين الاجر عند الله واكثري استغفار بكل ثانية



انثى نادرة

عسى الله يفرج همج يا اختي ويرفع عنج الضر والبلاء وييسر امرج .. لا تصيحيين حبيبتي بس عليج بالتقرب الى الله بالصدقات وقيام الليل وتحري الاعمال الصالحة وربي ما رح يضيع لج عمل ..





ربي يسلمكم من كل مكروه

 

[M!SS.LOBY]

الأبتلاء سبحانه من عند رب العالمين وهذا اختبار من عند الله سبحانه يشوف الانسان الصبور والمؤمن فالابتلاء بالمال بالصحة بالاولاد .

 

[lonelya-w7danya]

اي والله انا اتفق معااكم

 

[noofal]

الصحه>>المرض

 

[Vous jamais]

الإبتلاء ممكن يكون بالزوج - تضييق الرزق - عقوق الأبناء - و إلخ

الاهم إن الانسان يصبر لأن بعد الصبر الفرج