الله اكبر بعد خمس سنوات اطلع حامل بنات مافرحت طلع خاين

[خمريه حلوه]

:eh_s(2)::eh_s(2):مادري شلون ابدي بنات ماعندي شي اقوله والله بموت من البجي بموت بموت بموت الله بنات صارلي خمس سنوات والله ماعطاني حمل وسبب زوجي لان هو عنده قله السائل الموني لكن الله شاء اني اكون حامل بس بنات كثر ماتمنيته وشكثر محاولات وتعب وادويه وفي بنات واايد يعرفوني هني ويعرفون انا شكثر تعبت والله عطاني ماقصر وزوجي المصون ثلاث مرات اطيح عليه ويقولي نزوه او قص علي الشيطان واخر مره قالي والله وحلف علي القران انه مايخوني لكن صارلي اسبوع شاكه في وتعبثت بتليونه ولقيت رقم دايم يحوله رصيد قلت راح اخذه ودق من تليفون ثاني اتاكد ودقيت ورد هو لكن الرقم مال امه اول ولكن اللحين عنده وتدرون وين يخليه عشان ماصيده مخليه عند رفيجه والمصيبه انه اليوم رحت احلل وطلعت حامل وبنفس اليوم دقيت علي الرقم بتاكد انه له ولا وطلع له ويطرشلي مسجات عباله بنت ويتغزل فيهاا بنات شسوي قولولي امي تقولي طنشي بنات امي مو حاسه باللي فيني بنات انا عشان صبرت من غير عيال وحرمت نفسي من العيال عشانه للعلم اني انا الحمدالله سليمه من كل شي بنات شسوي شلون ابي امسك التليفون ماقدر افتح معاه الموضوع الحين راح ينكر ومايجيبه انا ابي التليفون شلون احصله اذا هوه يخليه عند رفيجه شلون شسوي بنات عفيه انقذوني وحالفه اشرب دارسين والله والله والله ولا نتحر بس تعبت والله يابنات انا ملكه جمال الحمدالله ومو مقصره معاه:eh_s(2):

 

[مربى و قيمر]

الف الف مبرووك والله يتمم عليج يارب
الحين اهم شئ ألراحه وصبرى على زوجج علشان الى فى بطنج وعلمى زوجج بحملج راح يستانس ويمكن يعقل وتعوذى من الشيطان وفكرة الانتحار وانتى مسلمه الله لايغضب عليج
واكثرى من الاستغفار

 

[سمو النفس]

الف مبرووك حبيبتي
وتعوذي من ابليس شنو تنتحرين ... ادعي ربج انه يثبت البيبي
وقولي لزوجج يمكن يعقل انشالله ياارب ويهديه

 

[ابدا يالغالي مانساك]

مبرووووووووووووووووووووووووووووك حبيبتي فرحت لج حيل
وهذي انتي اللي معاها بالخاااااص والمسن ودايمن تشكي لي وتقول متي احمل وشيل ضناااااي
ورزقج الله وتقولي اشرب دارسين ماتوقعت هالكلمه منج
زعلتيني منج وبخصووووووص زوجج
بمعاملتج يقدر يرد لج ان شالله والدعااء لله
ذكري ربج وحافضي علي اللي ببطنج

 

[خمريه حلوه]

بنات انتو قاعدين تقولولي مبرووك واناموحاسه فيهااا بنات انا بموت انا مليت هوه اللحين مايدري اني حامل عباله علي الدوره بس ماني قادره ثلاث مرات وهاذي الرابعه بنات المشكله اخر مره حلف علي القران انه ماراح يكلم معقوله جذب علي وهوه حالف بكتاب الله انا اللحين ابي اطله التليفون ابي اجيبه عندي هذا كل اللي يهمني شلون هوه يخليه عند رفيجه شلون اخليه يجيبه لو قلتله انه انت التليفون عندك راح ينكر

 

[ابدا يالغالي مانساك]

طيب حبيبتي يجوز داام التلفون عند رفيجه يجوز
ان رفيجه هو اللي كتب هالمسجااااات
انا اقول تعوذي من الشيطان وفرحيه وبشريه وان شالله ينسي
هالاشياء ويرد لج
وانتي حاااامل يعني لاتخلي ربي يغضب عليج وانتي خمس سنوات تنطري هالحمااااااال
فرحي وعيشي لحضة حماااااالج
حيل فرحت لج

 

[بنت ابو متعب205]

لا تحرين قلبي انتي والله جنج وحده من خواتي اصبري والله مع الصابرين لاتهورين حطي بين عيونج الله ولاتنتحرين نار جهنم سيده
خانج صح مرده يحس يوم يدري انج حامل يمه يابعد زولي تصبري وولا تتهورين ابقولج كل ماضاقت تفرج لاتشكين لحد اشكي للي ماتنام عينه
اسمعي بينج وبينه تفاهمي
وقوليله شنو موقفك يوم اخونك صح صعبه عليك حط نفسك بمكاني فهميه صيري حرمه سنعه والله الله ماراح يضيعج
وتقبلي مروري

 

[ثنايا الورد]

انا اتوقع انه مجرد مايسمع انج حامل وراح يكون اب صدقيني راح يكون شخص ثاني

والحاله اللي هو فيها من احساسه بالنقص وعدم القدرة على الانجاب
يبي يثبت لنفسه انه رجل بكل المقايسس من خلال تكوين علاقات

خارج البيت الحين حبيبتي فرصتج تردينه لبيته ولحضنج خصوصا اذا كان ماهو خاين بالاساس
يعني شي جديد بعد زواجكم اكيد راح يرد وبالعكس اتوقع راح يندم وبتشوفي تغيير كبير
بس انتي توكلي على الله وخبريه بالحمل ويارب يكون قدم البيبي خيرعليكم ومبارك

 

[سعودية بالكويت]

ألف ألف ألف مبرووك ربي يتمم فرحتج بزوجج

حبيبتي لاتعبين عمرج بالتفكير أو شيء لا تسيئين الظن فيه

يمكن رفيجه هو اللي يرسل المسجات هذي شغلة الشغلة الثانية حتى

لو كان هو قولي له إنج حامل أكيد بيتغير ويبطل هالحركات ولاتحطين

فبالج حتى لو صج دامج ماتأكدتي عيشي حياتج ولاتعيشين أوهام وشيء

أنتي مو متأكدة منه وبالأخير ربي يهدي لج زوجج ولا يفرق بينكم يارب

ويفرحكم بحملج اللهم آمين​

 

[شوبارد قطر]

مبروك الحمال
انا بقولج ليش حملتي يوم لهيتي بخيانته لان التفكير بالحمل ماااااااااااااااااانع
والله رايد يلهيج عسى ان تكرهوا شيء وهو خير لكم
اخذي هذي الخطوه خير بان الله رزقج هذا وااااااااحد
ثاني شي انا حاسه بحرقه قلبج الخيانه مو شي بسيط واعتقد الكل مر بتجربتج
الخيانه يبغي لها ذكااااااااااااء و هدوووووووء حتى تستعيدين زوجج
وهذي فرصتج انج حملتي قربي زوجج من البيبي
كله سولفي له
ولهيه بمواعيدج و مشترياتج للبيبي هناك طرق كثيره تتقربين من زوجج وتقربين زوجج منج في هذي الفتره
وادعي في هذي الايام الله يسخره ويبعد عنه بنات الحلال و الحرااااااام

 

[Dodo80]

الف الف مبروووك والله ونستيني والله يثبته يارب

سمعي حبيبتي قعديه جدامج وقوليله الي بقلبج كله واخر كلام تختمينه (وانا مابي اعور قلبي بهالموضوع لاني حامل وراح اليأثر علي ولدي) صدقيني بيصحي جنه احد طاقه طراق اولا راح يفرح انج حامل وبنفس الوقت راح يخاف علي ولده صدقيني راح يصحي من سوالفه خاصتا انج حامل ودريتي بسوالفه وراح يستحي علي دمه

 

[برنسيسة2007]

ادعي الله

 

[| تفاصيل |]

ليش تاكلين بعمرج ؟؟
كلميه وقوليله كيت وكيت
وشوفي رده
له حق يرد ويدافع

الف مبروك الحمل والله يثبته لج

 

[أو عبوش]

استغفر الله

الحين ربي عطاج رزقه كنتي تتمنينها وتبين تردين لربي هالرزقه وتشربين دارسين

يختي يمكن رجلج حاس حياته فيها شي ناقص انه من غير اطفال وحنه وقص عليه الشيطان باجر لين يجيه ضنا يتغير يصير ماله وقت حق ام رصيد اللي كل شوي يطرش لها رصيد هذي

انتي وشطارتج عاد الحين تعلمينه الخبر وتخلين كل وقته لج............... اشغليه بوحامج بسونارات شكل البيبي خليه يوديج للمراجعات كوني معاه كل لحظه واستمتعي باللي ربي كته لج وسجدي سجود شكر وصلي ركعتين حمدا وشكرا لله 5 سنين مو شويه عشان تفكرين هالتفكير


وبعدين في بنات اجهضو وصار معاهم عقم على فكره يعني شيلي هالتفكير من راسج وادعي ربي يحفظ لج زوجج ويتمم عليكم

 

[cute_batoota]

الف الف مبروووك والله ونستيني والله يثبته يارب

سمعي حبيبتي قعديه جدامج وقوليله الي بقلبج كله واخر كلام تختمينه (وانا مابي اعور قلبي بهالموضوع لاني حامل وراح اليأثر علي ولدي) صدقيني بيصحي جنه احد طاقه طراق اولا راح يفرح انج حامل وبنفس الوقت راح يخاف علي ولده صدقيني راح يصحي من سوالفه خاصتا انج حامل ودريتي بسوالفه وراح يستحي علي دمه

أنا معاج هذا احسن حل :eh_s(15):

 

[زين ودلال]

مبروووك الله يتمم عليج ان شاء الله

حبيبتي يمكن يكون الحمل خيره عشان يهد هالسوالف لاتقولين بشرب دارسين ومادري شنو حمدي ربج ان الله رزقج عقب سنين وتعب

انتي قوليله انج حامل وان شاء الله اهو راح يتغير

 

[غير كل الناس]

الف مبروك وانشالله يتغير والله يهديه ويسخره

 

[الريشة]

تدرين ليش زوجك يخونك؟
لأنه يحس بنقص لأنه عنده ضعف بالإنجاب.
و الحين الحمدلله انتي حامل
و لازم على طول تروحين تقولين له عشان يفرح و إن شاءالله يتوب من الخيانة
و أهم شيء لازم تكون نفسيتك مرتاحة عشان الحمل يثبت بقدرة الله.
صدقيني روحي بشريه و شوفي ردة فعله .
و ادعي ربك إن الله يهدي زوجك.
و لا تفكرين تشربين دارسين أبد.
و الله في حريم بعايلتنا كانوا أزواجهم يخونونهم و صبروا و بعد الصبر الحين أزواجهم صاروا مثل الخاتم بإيدهم.

 

[aloooya]

الف مبروك ولا حول ولا قوة الا بالله يمكن الحين عقب مايدري انج حامل يعقل و يهد هالسوالف

 

[om-3azo-83z]

انا مع ثنايا الورد بالضبط