الله لا يحطكم باللي قاعد اعانيه الحين

[ملوكه النزغه]

والله يا بنات مدري شقوول لكم ويمكن لما اقول لكم ماتصدقووني او بالاصح ماتحسوون بالالم اللي قاعد احس فيبيه انا من فتره تقريبا حضرت عزيمه وكشخت حيييييييييييل ولما رجعت البيت مسكني عوار ظهري مع بطني مع معدتي والله تخيلوا مااقدر امشي من شدة الالم وبعدين اخذوني اهلي على المستشفى عطوني ابره وقالتلي الدكتوره عادي مافيج شئ وبعد شهر هم طحت ونفس العوار وعطتني الدكتوره ابره وقمت كل شهر اطيح تعبانه حييييييل وويهي يصير اسود وضعفت حييييييييييل المهم صارت هذي الحاله تجيني قبل الدوره بعشر ايام ومرات تجيني مرتين بالشهر وكله ارجع الاكل اللي اكله اظل ارجع ثلاث مرات او اربعه والمشكله انا مو عارفه شنوو فيني .وغير الغازات عزكم الله عندي بكثره واستحي من عندها وخذيت مضادات وحبوب ماكو فايده
ياليت اللي تشوف موضوعي تدعيلي بان الله يشفيني ويغفر لي اذا كنت مسويه شئ مو زين بحياتي

 

[وردة بوظبي]

رد : الله لا يحطكم باللي قاعد اعانيه الحين

الله يشفيج

 

[جوري الدوسري]

رد : الله لا يحطكم باللي قاعد اعانيه الحين

الله يشفيكـ يغفرلكـ ...

مآآجوره انشاء الله

 

[om deaj]

ارقي نفسج العين حق
ومافي احلى وال احسن من كلام الله

 

[ملوكه النزغه]

رد : الله لا يحطكم باللي قاعد اعانيه الحين

اي والله صح مافيه احسن من كلام الله مشكوورين وجزاكم الله خيير وميزان حسناتكم انشالله

 

[بنت الاحلام]

اقري سوره البقره 40 يوم ورا بعض

واحتمال يكون حاشج غالون عصبي لان هذول اعراضه

حياتي

وانا يصير فيني نفسج دايم واحمد ربي واحتسب اجري

 

[Queen of Arabia]

رد : الله لا يحطكم باللي قاعد اعانيه الحين

اختي اذا كانت تجيك حول وقت الدورة الشهريه مثل ما تقولين فالاحتمال كبير انها اعراض ما قبل الدوره وهي ممكن تكون شديده للدرجة الي توصفينها واكثر بعد عند بعض البنات..

انصحك تزورين طبيبة نساء تكون ثقه تسويلك فحوص عامه خصوص انك تقولين نزل وزنك وهي ممكن تعطيك ادويه تساعد
ولا تخافين كثثثيررر بنات يمرون بهذا الشي...الله يكتبلك الصحه والعافيه وتذكري المؤمن ماجور على كل ساعة الم.

 

[سويره توتا]

رد : الله لا يحطكم باللي قاعد اعانيه الحين

عسسى الله يشافيج ياا رب

ورقي نفسسج

 

[سويره توتا]

رد : الله لا يحطكم باللي قاعد اعانيه الحين

عسسى الله يشافيج ياا رب

ورقي نفسسج

 

[ii DareeN ii]

رد : الله لا يحطكم باللي قاعد اعانيه الحين

اختي الرقية زينة لكن هم لازم تسعين تعرفين السبب تروحين حق طبيب يحولج لطبيب مختص يسويلج سونار منظار يعرفون شنو المشكلة وعقبها يسهل العلاج انا طحت طيحة الله يعلم فيها وعقب الفحص والله كان علاجي حبوب سعرهم دينار ونص وصناعه مصرية بعد لاتهملين حالج

 

[zain-alq8]

سويلج جك اب حبيبتي لاتسكتيين علا رووحج سوي تحاليل وسونار ومنظار وكل شي وان شالله ماتشووفيين شر واجر عافيه حبيبتي ..ان شالله كل شي له علاج

 

[Turquoiseya]

الله يشفيج ان شالله
وارقي نفسج دايما

 

[كويتية و لكن]

اللهم اشفها وعافها واعفو عنها يارب

 

[ملوكه النزغه]

رد : الله لا يحطكم باللي قاعد اعانيه الحين

ومشكووورين ماقصرتوا الله يحفظكم وانشالله باخذ بنصايحكم

 

[@كنده@]

أسأل الله العظيم رب العرش العظيم أن يشفيك

 

[مشتاقه لك يبا]

رد : الله لا يحطكم باللي قاعد اعانيه الحين

الله يشفييييييج ان شاء الله ويبعد عنج شر العييين

 

[فديت منورة]

أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك

 

[أم التباشير]

اكيد ضعف بالدم ونقص حديد وفيتامين

 

[LaLi chocolate]

أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك

​

 

[شندوخه]

رد : الله لا يحطكم باللي قاعد اعانيه الحين

اسال الله العظيم رب العرش العظيم ان يشفيييج

اختي انا اقترح عليج تروحين طبيب مختص بامراض الجهاز الهضمي وامراض النساء يسونلج تحاليل وفحوص شامله
لاتروحين طوارئ مستشفيات الحكومه لان ماعندهم غير مسكنات الالم وماراح يتعاملون معاج بشكل جدي
اتصلي على عياده خاصه واخذي موعد
وانا ارشحلج طبيب جهاز هضمي محمد الشمالي
ودكتوره امراض نساء سألي منو احسن طبيبه وروحي

ويارب نسمع الاخبار الزينه عنج