الله يالمعاق والله الكل يحبك

[الصابرة المحتسبة]

السلام عليكم


دعوة للنقاش حول الأمور التي ظهرت مع ظهور قانون المعاقين الجديد وامتيازاته.


البعض إذا مو الكل يتسابق للحصول على شهادة اثبات الإعاقة


والإعتراف بإعاقات أبنائهم أو أهاليهم .


نتمنى نحن أمهات التحدي والصبر أن يمن ربنا على أبنائنا الشفاء العاجل والإعتماد على نفسهم ولا يكونوا بحاجة أحد لمساعدتهم.


أنا لا أمنع أحد من التمتع بحقوقهم ولكن يحز بخاطري ويعتصر

قلبي ألم لما أشوف الكل فجأة ومن غير سابق إنذار يحب المعاق

والإعاقة.


أتمنى التفاعل مع الموضوع وابداء الرأي ولكن إحترام الرأي والرأي الآخر.​

 

[هرانية وأفتخر]

رد : الله يالمعاق والله الكل يحبك


أنا مع الاعتراف لأن هالشي ماهو عيب .. وهذا من حقوقة ان ياخذ المعاش والمميزات
بس ...ضد الناس اللي تألف وتحط ان عندها اعاقة عشان فلوس


هرانية وأفتخر

 

[لولو-الصغيره]

رد : الله يالمعاق والله الكل يحبك

الله لو ياخذون شهادة الاعاااقه والمعاااش خليهم يعطوني الصحه والعافيه
والله هالناس ما ندري شنو تبي من هالدنيا ​

​

 

[HearT ChocolaTe]

فعلا وللأسف الشديد ،، ان الكل قام يعترف عشان شهادة الأمل
تنام عيون الناس وعين الله ما تنام

وأنا أقول الله يا المعاق الكل صــــــــــار يحبك
الفلوووس عمت قلوبهم وغيرت نظرتهم !!

بصراحه انصدمت ان في ناس مصوته على أنها مع ؟!
هل أنا فاهمه غلط سؤالج !!

تم التصويت بضد

 

[حوري2004]

رد : رد: الله يالمعاق والله الكل يحبك

الله وكبر صار هالزمن خايس حسيت ان كم بنت بالدوام يحسدوني علشان عندي طفل معاق والله
وحده اشكره تقول شلون سويتي تخفيف عمل (واسطه ) قتلها اخذي مخ ولدي وعطيني مخ ولدج واعطيج التخفيف
صح ردي كان قاسي بس والله اسلوبها وطريقتها كانت استفزازيه لاني ما قلتلهم ان عندي طفل معاق ولا علمتهم باعاقته لاني ضد اني اقعد اتشكى للي يسوى واللي مايسوى

 

[أميرة-]

رد : الله يالمعاق والله الكل يحبك

ماعتقد فيه انسان يتمنى الاعاقة او المرض له او لاحد من اهله

لكن اللي عنده معاق بعد شنو يسوي هذا اللي الله كاتبه له لازم يطلع اثبات اعاقة ويستفيد من الامتيازات وماعتقد احد بيحسده عليها بس فيه ناس عندهم حساسية من هالموضوع

يعني انا بعلق على رد الاخت حوري .. مسكينة اللي معاج بالدوام ماتدري كان سؤالها بريء وانتي تقولين محد بالدوام يدري انه عندج طفل معاق عشان جذي على بالها انه التخفيف انتي ماخذته واسطه .. اسمحيلي بس ردج كان قاسي مافيها شي لو تقولين خذت تخفيف عشان ولدي مريض

 

[مباركيه]

الحمد الله على كل حال

ولا اعتراض على حكم الله سبحانه ...

وأكيد كل شي من الله فيه حكمة ...فيه خيره ...فيه اختبار من رب العالمين

أما من ناحية التسابق على اصدار شهادة اعاقة للحصول على الامتيازات هذا شي يحز بالنفس ويضيق الخلق

لأن فيه كثير من الناس كانو يخجلون بالاعتراف باعاقتهم او اعاقة احد ابنائهم

لكن مع صدور القرار الكل بدا يعترف بالاعاقة للحصول على الامتيازات الجديدة


الحمد الله الدولة ما قصرت من زمان مو بس مع صدور القانون الجديد

وردا على الاستبيان انا مع الاعتراف بالاعاقة بما اني استحقها

 

[أم عبووووود]

ان كان الشخص معاق بمعنى كلمة معاق من حقه يعترف بالاعاقه وياخذ الامتيازات وعليه بستين عافيه هذا حق من حقوقه والدوله حطتها له لكن ضد وبشدة اللي مافيهم شي واييبون الاعاقه لنفسهم علشان هالامتيازات الله يهديهم ويصلحهم نسوا انهم راح يتحاسبون على كل ذرة بالاخرة

 

[مشاعل الشمري]

الحمدلله اللي عافانا مما ابتلاهم به وفضلنا على كثير من خلقه
هي نفوس دنيه وادور اي طريقه اوسبيل لجمع المال حتى وان كان على حساب عيالهم اوامهاتهم او انفسهم

الاعاقه مو عيب ولا خزي بالنسبه لي ولبيتي ولاهي سبيل لجمع كل ماقدر من المال من الحكومه:eh_s(10)::eh_s(10):

بالنسبه لي هو شرف وقلادة وسام من ربي عشان افوز بميداليه ورفعه وثواب من الله
هي تحدي ويطلع من وراه نور يضوي طريج ولدي :hearting:
اما النفوس الضعيفه فهي حسبنا الله ونعم الوكيل

 

[@شمس الضحى@]

وأنا أقول الله يا المعاق الكل صــــــــــار يحبك
الفلوووس عمت قلوبهم وغيرت نظرتهم !!
تم التصوييييييت'طبعااا " ضد مدعين الإعااااقه "

 

[الصابرة المحتسبة]

للنقاش