الله يبشر اللي تساعدني باامنيه تتمناها او خبر سار @@

[فديت أبوي وأمي]

السلام عليكم ....

اخواتي انا مبتدئه بالطبخ ومااعرف فيه كثير وانحرج مرررره من الناس ......:eh_s(2):

انا وعائلتي نحب العشاء الخفيف بس داااايما احتار شنو ممكن اسوي لهم عشاء ...:bbbiu:

مااعرف غير البيض والتونه والجبن ......

ساعدوني ....

يعني اش المعلبات اللي تكون موجوده في الجمعيه ممكن اشتريها .......تكون جاهزه او ممكن احط لها كشنه ....او اطبخها

اش النواشف اللي ممكن اشتريها جاهزه وماتاخذ وقت ........اللي مثلا تكون بالكيلو مثل حق اهل الشام مااعرف اش هي؟؟؟؟

او اش الخضروات الللي ممكن اسويها .........

ساعدوني بااكلات خفيفه سهله للعشاء ربي يسعدكم ......

 

[ملامح بريئة]

هلا الله يحفظ لك عايلتك باعطيك كم صنف خفايف للعشا وانشالله يعجبونك حمسة الفاصوليا علبة فاصوليا تحمسين بصله وتضيفين الفاصوليا والبقدونس وزيت الزيتون وشوية طماطة ووحمسة البزاليا ممكن تضيفيلها طرشي بزاليا نوع سميدلي ونفس الطريقة تحمسين بصل بزيت الزيتون وطماط مفروم وتضيفين جزر مبروش وشوية طماط معجون وخوش حمسة وعندك الزهرة اذا تحبونها تقطعينها وردات وتسلقينها ٥ دقايق وتنقعينها بالجبن اللي تحبين او لبنه وبعدين تغلفينها ببيض وبقسماط وتقلينها وممكن تبشرين الباذنجان والزهرة صغار والجزر وتحمسينهم بشوية دهن لما يتسبكون واسرع منها مافي وعندك حمسة البطاط والخضار اللي تحبين مجدر تقلين الخضار بعد ماتقطعينها وتحمسينها مع بصل وحبة ماجي وتضيفين كزبرة وطماط معجون واذا تبين متبل سريع شغل بيت تفوحين باذنجان او تقلينه وبعدين بالخلاط مع روب وهردة وثوم وليمون وتزينينه بالللي تبين والحمص نفس الطريقة تاخذين من راعي النخي حمص او قوطي حمص حب وبالخلاط مع ليمون وروب وهردة ويطلع احلى حمص وهذا قليل من كثير وصدقيني كل ماسويتي طبخة تكتشفين نكهات اكثر

 

[فديت أبوي وأمي]

جزاك الله خير وين باقي البنات؟؟؟؟

 

[رحيل المرافيء]

عندج بزاليا معلبة او مثلجة وتحمسين معاها بصل ومعجون طماط وحطي بهاراتج معاها ممكن تضيفين مكعبات بطاط مقلية معاها
ونفس الشي الفطر المعلبات والفاصوليا المعلبات سواء البيضة او الحمرة
عندج عجة طبعا بيض وبقدونس وشوية طحين
عندج باذنجان وزهرة وبطاط تقلينهم وتسوينهم سندويشات مع طحينة اللي هي عبارة عن هردة وليمون وشوية روب
همبرغر جاهز بس تقلينه واشتري صمون همبرغر وكتشب وميونيز
عندج الدجاج بالبقسماط الجاهز سوي عليه سلطة سيزر خس بأنواعه وقطعي عليه الدجاج مع جبن بارميزان
فول معلبات سخنيه وهرسيه شوي وحطي معاه كمون وليمون ووزعي فوقه طماط يطلع احلى فول
التونة سوي سلطة تونة مع الخس والبصل الاخصر والزيتون
سوي جبن حلوم مع الخبز العادي وحطي زعتر وزيت وطماط وحطيه بالشواية الكهربا
شاورما امريكانا اللحم حمسي بصل وبعدين حطي الشاورما مع طماط وجزر والبقدونس او اي خضار عندج وحطي فلفل اسود وكمون وشوي كزبرة واحلى شاورما

 

[مدّهره !]

إن شااء الله يفيدوونج السنعاااات ...’

 

[شندوخه]

تقدريين تسوين شوربات وخاصه ان الشتا داخل علينا ان شاءالله
اشتري مكدوس واجبان ومش اللي ينباع بالكيلو وقدميه مع سلطه خضار او سيزر

 

[فديت أبوي وأمي]

جزاكم الله خير وين باقي الاخوات؟؟؟؟

 

[فنتاستك 22]

رفع لعيونج

 

[oshi_q88]

سلطات منووعه + بطاط مهروس مع خضروات
نقانق مع ملعقتين جبن و حمسة بصل وطماط

 

[F.Strawberry]

روحي مركز سلطان و اكو قسم خاص بالاكلات الجاهزة غرايب و عجايب كل شي تحصلين
نظام اللي تحطين زيت و ماي ولا حليب و لا اللي اهو على حسب العلبه بس اقري التعليمات و سويهم