الله يبلغنا رمضان .... شنو تجيهزاتكم للشهر الكريم؟؟

[نارنجه]

جربتها بالبيض والبقسماط يسييح

لازم عجينة


وتسلمين حبيبتي ^^

 

[شهرزاد الحكاية]

اطياب طيبة
يعطيج العافية اختي والله يبلغج برمضان وانتي وحبايبج بصحة وعافية

شهرزاد

لانه يسونه طريقة حلو القهوة
كل حبة ملفوفة بسوليفان و فيها شوكة وحجمها كبير
اذا اخذت منهم بصور لج



القلب الطيب
عليكم بالعافية حبيبتي

اي والله ياريت توريني صورتهم شكلهم يشهي عليج بالعافية مقدما ​

 

[زعفرانة_73]

^^^
قلبى والله انتى نارنجه الله يحفظج
ما كو فايده هالعيين ورانا ورانا:eh_s(16):​

 

[زعفرانة_73]

بنات أحد يعرف وين أحصل القصدير الملون للمسحب والسنويشات ؟؟؟؟
شكله حلو بالتقديم​

 

[شهرزاد الحكاية]

عليكم بالعافية جميعا والله يبلغنا وياكم الشهر الفضيل ويقدرنا على صيامه وقيامه اللهم امميييين
هذي صور الشغلات اللي شريتها من ترو فاليو
مطحانة الفلفل على الباتري



وهذي قطع تنحط تحت القواري والجدور الحارة حق الجاي الاخضر :eh_s(9):


وهذي عجبتني تسوي الجرز شرايط


وهذي اللي تقصص الذرة


وهذي سجينه صغيرة تقصص الجبن مثل البارميزان القطع

​

 

[شهرزاد الحكاية]

امس سهرانة لي الفيرر الف بهالشغلات ^^

سمبوسة خبز الصاج / بالشاورما
حلوة و حجمها كبير
امسحها بزيت الزيتون و ادخلها الفرن تتحمر و تصير مقرمشة اشحلاتها

الله يعطيج الف عافية يارب .. اذا مسويه الشاورما انتي ممكن طريقتها وبعدين اقدر اسويها حزت الحزة ؟؟ ولا لازم تتفرزن قبلها بمدة ؟​

واصابع الموزاريلا نفس الشي لفيتهم بخبز الصاج و غمستهم بالبيض و البقسماط < جربوا بقسماط التاوة تهبل مثل طعم بروست كنور

وسمبوسة شاورما الدياي والذرة مع جبن تشدر << طلبت شاورما جاهزة و زدتها سماق و دارسين

والي زاد من عيينة السمبوسة
فججته وقصصته مربعات وثلجتهم
ينفعون حق المرقوق السريع ^^

وسلامتكم ^^

تسلم ايدياتج ...والله يعطيج العافية
خلطتج روووعه ....
يصير استخدمها نفس الطريقه اللي فوق يعني احط شاورما الدياي والذرة والشيدة بالصاج وادخلهم بالفرن ولا مايصير ..

​

 

[زعفرانة_73]

شهرازد حياتي تتهنين بمشترواتج حلوه وعمليه بالعافيه عليكم​

 

[شهرزاد الحكاية]

اناااا بديت من اخر شهر رجب كانت اشتري الطماط واخلطة مع الثوم والفلفل الاخضر واخلطهم في الخلاط واحطهم في اكياس وعلى الفريزر
وخزنت الشبت والبقدونس والجلجلان وجففت الريحان والنعناع
وشريت اوراق سمبوسه لوزين جميع الاحجمام ولفينها الجبن العادي والمالح والدجاج مع الصماغ والبيزا وكبة الدجاج والميني حشيتها بالمكسرات وبعد جبن علشان لين قليتها اصب عليها شيرة
وشريت البهارات ونظفتها وطحنتها حوال 9 كيلو
واحب في رمضان يكون كل شي جديد ورحت مع البنات الاحساء وخذت كل ملابسهم حق العيد في رمضان مااحب اروح السوق
والجلابيات خذتهم من لكويت (انا قطرية ) حق القرنقعوة واول رمضان
باقي اغراض الجمعية بس باخذ الاشياء الاساسيه
وكل سنة وانتوا طيبين
والله يبلغنا رمضان

الله يعطيج العافية
وعليج بالف عافية اغراضج ...تتهنين يارب ​

 

[شهرزاد الحكاية]

خوش موضوع

بالنسبه لى تونى باديه بتجهيزاتى لرمضان الله يعينا واياكم على صيامه وقيامه وحسن عبادتى فيه



جربت المينى بسبوسه تنفع حق جم يوم

ولفيت سمبوسه بيتزا يحبونها اليهال

وسويت شيره منزليه ان شاءالله بصورها لكم

لى عوده ان شاءالله

عليج بالف عافية وتسلم ايدج ياارب ​

 

[شهرزاد الحكاية]

يعافيج حياتي شهرزاد


وعليج بالعافيه المطحنه​

الله يعافيج يارب :eh_s(7):​

 

[شهرزاد الحكاية]

زعفرانة

حبيبتي انتي تسلمين على كلامج الحلوووو :****

اصابع الموزريلا هذي من ماركة هيريتج اذا الصورة مو واضحة اصورلج مرة ثانية
ترا الحبة ب ١٠٠ فلس على ما اعتقد
شركة امريكية والحلو فيها ان اجبانهم قليلة الدسم
وانواع الجبن ملوتهم حلووة خاصة التشدر

اذا قصدج عن الرولات انا اقليهم بالزيت عادي
بس المهم اتسكرين العجينة عدل
او لفيها بخبز الصاج مثل طريقتي واقليها ترا جنها افخاذ الدياي الكذابة بس محشية جبنة ^^
وحطي يمها تغميسة صلصلة البيتزا او الرانش
انصحج تجربينهااا وايد لذيذة

انزين سؤال العجينة شلون تتسكر مالت الصاج ؟؟
ماتفتج بالقلاي ؟؟​

 

[شهرزاد الحكاية]

اليوم كنت في سيتي سنتر
مريت دومو

خذت منه مطارات الزجاج حق القهوة و الچاي

و قلاصات عصير للضيوف يناسبون طقم القهوة والچاي الي عندي

و طقم سفرة يهبل ماقدرت اقاومة شرح ويفتح النفس
مثل مايقولون حبيته من اول نظرة ^^

^^

عليج بالعافية نارنجه اغراضج تهبل .. تتهنين فيهم ياارب :eh_s(7):​

 

[شهرزاد الحكاية]

مشكورة زعفرانه حبيبتي ماقصرتي الله يجزاج خير

شلون صاير القصدير الملون ؟؟ اذا عندج صورته ياريت تورينا والله صاجه يطلع حلو مع الساندويشات ​

 

[أغلى حبيبه]

بنات من اي برنامج اتنزلون الصور اذا من الايفون

 

[Mjnont '3lay]

نونا ابي طريقة البسبوسه لاهنتي وشلون احشيها بالقشطه ودي اسويها برمضان ..

نارنجه عليج بالف عافيه حبيبتي بغيت اسالج اصابع الموزريلا من وين وبقسماط التاوه هم من وين لاهنتي وياليت لو ماعليج كلافه تصورين لي بالخطوات لف سمبوسه الرول لاني كلللش ما اعرف الف الرول كل مره اسوي ومايضبط


شهرزاد عليج بالعافيه حبيبتي مشترواتج وعطيني رايج بالقهوه اذا سويتيها باذن الله وان شاءالله يارب تعجبج

 

[Mjnont '3lay]

مشكورة زعفرانه حبيبتي ماقصرتي الله يجزاج خير ​

شلون صاير القصدير الملون ؟؟ اذا عندج صورته ياريت تورينا والله صاجه يطلع حلو مع الساندويشات ​

هذا

ممكن تسالين الشيف نانا عضوه معانا بالمنتدى اذا ماحصلتيه بأي مكان

 

[شهرزاد الحكاية]

^^^
مشكورة حبيبتي الله يجزاج خير
ان شاء الله بجرب القهوة مع اني متاكدة انها بتطلع حلوة ​

 

[نووووونا]

نونا ابي طريقة البسبوسه لاهنتي وشلون احشيها بالقشطه ودي اسويها برمضان ..



هلا وغلا البسبوسه ماخذه طريقتها من طريقة بطه فيها نطه عجيبه ونتايجها مضبوطه ان شاءالله وهذا الرابط
http://www.q8yat.com/t594616.html



والمحشيه ما جربتها للامانه بالنسبه لاصابع المزوريلا انا شايفتهم بلولو هايبر

:eh_s(7):

 

[نووووونا]

الله يعافيج شهرزاد

 

[نارنجه]

شهرزاد*

ان شاااء الله من عيوني بس نطري علي *خلال هالاسبوع ان شااء الله ان مريت حولي امر رهش ^^*

وعليكم بالعافية مشترياتكم*
قطاعه الجزر حسبتها مروحه ههههههههه
جربيها اذا زينه علميني اخذ مثلها ^^*

وبخصوص خلطة شاورما الدياي يصير تستخدمينهااا لاي شي *
واذا تسوينها بشاورما امريكانا تطلع احلى واحلى وعندج صلصة الرانش والفرنسية حلوين مع الخلطة *


شوفي خبزة الصاج حالها من حال عجينة السمبوسة *اثنينهم خفااف و تتسكر عادي بمسحة من البيض او العجين *

بس الحلو فيها انهااا تستوي بالفرن احسن من السمبوووسة وما تيبس مثلها و ماتبي زيت وايد و وصحية *وتنفع للرجيم *
و تقدرين تتحكمين بحجمها تكبرينها او تصغرينهااا ^^*


ونفس الشي الرولات لفيها مثل السبرنق رول اصابع صغيرة او كبيررة *وقفليها بمسحة من البيض *بالفرشة *خلصي لفي الكمية بعدين غمسيها بالبيض و عقب بالبقسماط واذا بتدخلينها بالفرن لا تغمسينها بشي

واذا ماتبين بالصاج استخدمي البف باستري وغمسيها بالبيض و عقب بالزعتر و ثلجيهم واهم بالصينية وعقب جيسيهم ^^*

ونفس الشي تقلينهم او تدخلينهم الفررن







زعفراانة*

اسم الله عليكم شصار ؟*
شسالفة العين ..*

القصدير الملون تحصلينه في بياع الورد الي بحولي يم المطافي*
وفي واحد ثاني بنفس عمارة مطعم الستينات بالسرداب عند هالسوااالف*
چنة سعره كان بدينارين او ثلاثة*
ويستخدمونه اصلا حق الككاو*
لفيه بالمناديل الملوونة تلاقينهم بسنتر بوينت صوب اكسسوارات البيت يهبلوون مع الشرايط ^^*






اغلى حبيبة*

في برنامج اسمه picup شكله سحابة تبتسم*
ترفعين الصورة ويعطيج الرابط تنسخينه و تدرجينه بالموضووع*



مجنونة غلاي*

بعد عمري تسلمين ^^ ويهنيكم باغراضكم يارب*

اصابع الموزريلا اخذتهم من الجمعية موجوودين صوب الاجبان و اذا ماحصلتيهم بتلاقينهم اكيد بمعرض رمضان لانهم كل سنة يكونون موجودين و يسوون عروض حلوة على اجبانهم*
و ترا تقدرين تسوينهم باطرف البيتزا او تلفينها رول بعجينة الفطاير مثل النقاانق*

اشوف لج صورة لف الرول ان شاااء الله*





نونا*

تسلمين على طريقة البسبوسة ^^