الله يبلغنا رمضان .... شنو تجيهزاتكم للشهر الكريم؟؟

[ايمانو حلوة]

جربوا هالحشوة احبها وايد

تخلطين جبن قشقوان وحلوم وشيدر مع بقدونس وموزوريلا تحشين سمبوستج او السبرنغ رووول تالي غطسيها ببيض تالي زعتر وجمديهم لرمضان عجييييب

وحشوة هالبينو وكرافت مبشوور وذرة تينن صج وااو

ومرتدلا مبشورة مع ذرة وشيدر

لحم مفروم محموس ببهارتج وبصل وثوم ويزر شرايح وذرة وكزبرة ودبس رمان عجيبة

حشوة دياي مسخن دياي تسحبينه تحمسينه ببصل وثوم وزيت زيتون سمماق ليمون دارسين ملح فلفل لذييذة

 

[نارنجه]

وي ايمان انتي نفس حالتي الله يعطيج الصحة والعافية
ويهون عليج شغل رمضان

اكيد شغل البيت لايعلى عليه وانظف و الذ
كنت اسوي شغل رمضان كله بنفسي مااشتري جاهز الا كبة البرغل
بعد شنسوي للظروف احكام ^^

وتظل سمبوسة الهنود على قولت المثل رخيصة و كويسة ^^
نافعينا
والله يجزاكم خير انتي و شهرزاد


هندي جمعيتنا شايخ حده
ناسي مطعمه لو تروحين له ١٢ الظهر كلشي خالص عنده
مخربينه الحريم
ايبون له حشوتهم ويلف لهم و يبيعونه على الناس لوووووول

 

[نارنجه]

شوفوا هالموضوع
كرات البيتزاا
اتوقع ينفع بالنقانق
او الموزاريلا
ان شاااء الله اجربه هاليومين ^^

http://www.q8yat.com/t1065609.htm

 

[فيلسوفة تتفلسف]

بنآأت ماتعرفون محلات مواآعين رخيصه
لانه آنا قطيت فلوسي كلهآا على دراريع رمضآن والعيد
بناآات بليز سآاعدوني

سيتي ستاارز مسوين تنزيلات في قسم موواعين

 

[فيلسوفة تتفلسف]

صبحكم الله بالخير
شلوونكم

هذا بعض من شغلي اللي خلصته

هذا البف باستري
اول ما اشتريه اسويه لانه اهما يبردونه مايجمدونه
اقص الشريحه 2 واحشيها واصفهم بصينيه واحطهم بالفريزر بعدين احطهم بالبكس عشان ما يتلزقون
واذا ابيهم احطهم بالبايركس و ع الفرن بدون ماتدهنين الصينيه
وعلى درجه 180 تقريبا ربع او ثلث ساعه اذا شفتيها كلها صارت سكري الفرن
اذا نص لينه ونص يابس خليها

ماشالله شغلج حلوو ومرتب

يعطيج العافيه

 

[فيلسوفة تتفلسف]

فيلسووفة تتفلسف

حي الله هالطله :***
عساج ع القوة و تخلصين شغلج قبل رمضان
لاني كل ما اقول بس كافي القاني مسوية شغله يديدة ههههههههه حريم ما منا فايدة دام في مكان بالفريزر لازم نترسه ^^

وجاوبت ع الاستفسار
ماايخرب عادي تثلجينه
انا كنت اخذ كمية خبز صاج و اصفطه و احطه بالفريزر شهر يقعد عندي مايصير فيه ولا فينا شي هههههههههه
تطمني واذا تبين يوم بيومه عادي بعد مايضرر
وحشيه بالبواقي الدياي او اللحم
او سويه بحشوة الأوزي ^^

الله يحييج

بعد عمري مشكوره وماقصرتي:eh_s(17):

 

[فيلسوفة تتفلسف]

الله يعطيج الف عافية ....تتهنين يااارب :eh_s(15):​

الله يعافيج حبيبتي

مشكوووره :eh_s(22):

 

[ReD&FoSHia]

بنات علموني من وين اشتري حق ولدي لبس قرقيعان
احترت وايد و اتوهقت
بنتيني خلصتهم
باقي ولدي عمره 7 سنين شلون من وين اشتريله ؟؟

 

[مذهلة 78]

تجهيزاتي بالصور












طبعا كل شي كتبت عليه وحطيت بكل جيس 10 حباب من كل نوع عشان يسهل على القلاي وعشان اقدر اسوي تشكليه كبيره من المقالي وهذا الفريزر عقب ما رتبت فيه الاغراض

 

[كويتية ذربة2012]

يعطيكم العافية خواتي المبدعات كفيتو ووفيتوا عساكم تصومونه وكل سنه تعودونه
عندي استفسار لخواتي المبدعات شنو أحسن عجينة للسنبوسة والسبرنج روول تنصحوني أجرب

 

[زعفرانة_73]

امبيه غصيت من الضحك ^^

يالله ماعليه طوفي وانا اختج كلاكيت ثاني مرة جنه محد قرا هههههههههههه

دام مخففة الاصابع ماتنفعج
سوي طريقة سمبوسة الصااج
واحشيها على كيفج
ترا خفيف و راح تحمشينه بالفرن مابياخذ زيت غزير
ولو تبين رايي
والله احلى من السمبوسة العادية

وكثري من اللحوم و السلطات
والشوربة خليها بدون شعرية

اشيااء صغيرة بس فايدتها كبيرة ^^
اللبنه و اللبن و الجبن كله خالي او قليل الدسم
اذا تقدرين يعني ههههههه


و عاشت الرشيقة

احم احم شوكرن عالأطراء ( رشيقه) الله يسمع منج:yaaaaaarb:
حياتى نارنجه بطبق اللى قلتيه والله يقوى عزيمتنا وارادتنا​

 

[نارنجه]

يعطيكم العافية خواتي المبدعات كفيتو ووفيتوا عساكم تصومونه وكل سنه تعودونه
عندي استفسار لخواتي المبدعات شنو أحسن عجينة للسنبوسة والسبرنج روول تنصحوني أجرب

مشكوورة اختي واجمعين ياارب

احسن عجينة للسمبوسة و السبرينق رول اخذيها من المطعم الهندي
بس عيبها انج لازم تحشينها بنفس اليوم


و ايي عقبها سويتز
الحجم العادي كبير و ينفع للرول و السمبوسة
و الميني سمبوسة لكل الحشوات و للحلوو


السبرينق رول الصيني تصير ناشفة عقب القلاي

 

[نارنجه]

احم احم شوكرن عالأطراء ( رشيقه) الله يسمع منج:yaaaaaarb:
حياتى نارنجه بطبق اللى قلتيه والله يقوى عزيمتنا وارادتنا​

الله يوفقنا حبيبتي
وان شااااء الله سهالة من رب العالمين

 

[شهرزاد الحكاية]

شهرزاد

طريج الجامعة و المناطق الي حوالينها
لهااا حنين بقلبي
كل المناطق الي من قرطبة لي الشامية
فيحا وكيفان وعديلية و الخالدية
خاصة اني سكنت هناك باول سنين زواجي ^^

تلاقيني اخق لما امر صوبهم

عاد من كبر الكويت :d

يابختي منطقتنا بعد تحبينها :yaaaaaarb: وناااسه :eh_s(7):
الله يجعل حياتج كلها ذكريات وايام حلوة :eh_s(7):
اي والله وانتي الصاجه من كبر الكويت ​

 

[شهرزاد الحكاية]

لااا انا ما ارقها بس احشيها واصفها بالبايركس بدون ما ادهنه

واشغل الفرن 180 درجه وخليها من ربع ساعه لي نص ساعه تقريبا

من تشوفينها كلها صارت لون واحد ويابسه شويه يعني صارت

يمكن عشان انا احط دهن تطلع معاي مو مستويه من تحت
عندي فوق تتحمش بس تحت تصير عجينة مو مستويه :eh_s(2):​

 

[ابدا يالغالي مانساك]

مشالله عليكم بناااااااااات
زعفرااااانه اسم الله عليك عيني عليك بارده سنعه
الله يحميك حلات شغلاج والكبب

عااد انا كلش مااجهززت ولاشي ان شالله ببدي دااام شفت هالحماااس فيكم لوووووول

السمبووس الرمضان الي طااف كنت اسووي وفطاير والحلو السلطات وغيره
لاكن هالسنه ناويه علي سما لبنان
نجرب ونشووف

وع الموااعين عندي مالت الرمضان الي طااف يديده بس يبيلي اشترري كذا شغله ان شالله



لي عووده وبقووه

 

[بحر الذكريات]

ماشاء الله الله يعطيكم العافيه يابنات

انا ليلحين ماجهزت شي

والسمبوسه والسبرينغ رول بشتريه جاهز ان شاء الله من الجمعيه

 

[انوثه واناقه]

ماشاءالله عليكم
كلكم رووووعه

واغلى حبيبه تهبببببببل فكرتج حق البف باستري
ويطيييييج الف عافيه عالفكره لاني شكثر اعاني من البف باستري
لم اجمده ودايما تخرب عندي بس احبهاااااا اموت فيها تضبط الااذا
جبتها من الجمعيه وسيده طبختها

ومشكووووره

 

[نووووونا]

ما شاءالله اغلى حبيبه سنعه تبارك الرحمن

 

[شهرزاد الحكاية]

شهرزاد
لا حبي عااادي ولو احب اجرب انا بس جد ماعنده ولاشي ويقول ماعنده شيدر بعد استغربت الفيحا احبهااا جمعيتهم دوم عرووض

مادري عنه الظاهر على قولة نارنجه شبع .. ما يبي زباين ... :bbbiu:فشلني الله يهداه :eh_s(11):​

نارنجة
ماااكو احلا من شغل البيت صراحة وانا خذيت من الفيحا فررررش وجمدته بالبيت المشكلة مالي خلق الف سمبوسة ماعندي خادمة يدوب انظف واطبخ واجابل بيتي وبنتي وريلي فمضطرة اشتري من برا وانا ماقلت انه واااااااااااااااااااو لا بظل شغل هنود وشغل البيت الللذ

والله انا معاج 100 % مافي انظف من شغل البيت ولا انطع منه على الاقل على ايدج ...
الله يعينج ويأجرج يااارب ويخليلج بنوتج يارب :yaaaaaarb:​