الله يجزاكم الجنه ساعدوني بسرعه

[مهمة]

بنات الله يجزاكم خيرر ساعدوني محتاجه تحد يفسر حالتي الله بوفقكم انا بنات كرهت غرفتي وصالتي وكل شي قمت اوسوس واخاف بروحي انا وعيالي بس من بعد ماسمعت سالفه الخدامه الاثيوبيه الي ذبحت البنت الله يرحمها انشالله ونا بنات والله بس قاعده اوسوس واشوف الدرايش اخاف احد ينط علي والله بنات انا بالدور الثاني واحاتي والله تعبت لان بعد انحاشت خدامتنا اثيوبيه ماسويلانه شي جذيه من نفسه ومن عقبه بالليل اخاف واحاتي بروحي اخر شي طلعت من الشقه رحت الغرفه الي جمبها بنات توقعون عين فيني لان هالشي صارلي من بعد الحج وجوني ضيوف وبعده بجم يوم تعبت تغيرت حيل قبز اضحك واسولف واطلع الحين لا كلشً مالي خلق شي والله تعبانه يابنات ساعدوني شنو فيني الله يجزاكم خير يارب

 

[مطلقه وأفتخر]

ان شاءالله ما فيج شي

لاتوسوسين وخلي ثقتج بالله كبيره
وارقي نفسح وبناتج بالرقيه الشرعيه وحافظي على أذكارج يوميا
واقري سورة البقرة كل ليله

والله سبحانه الحافظ
واذا حاسه انج تعبانه حيل روحي لأي شيخ ثقه يقرا عليج مع انها وساوس ولوتتبعين اللي قلتلج عليه بتروح عنج بإذن الله




الله يحميكم ويحفظكم من كل شر

 

[مطلقه وأفتخر]

ان شاءالله ما فيج شي

لاتوسوسين وخلي ثقتج بالله كبيره
وارقي نفسح وبناتج بالرقيه الشرعيه وحافظي على أذكارج يوميا
واقري سورة البقرة كل ليله

والله سبحانه الحافظ
واذا حاسه انج تعبانه حيل روحي لأي شيخ ثقه يقرا عليج مع انها وساوس ولوتتبعين اللي قلتلج عليه بتروح عنج بإذن الله




الله يحميكم ويحفظكم من كل شر

 

[مهمة]

الله يسامحكم ولا وحده ترد صج مالي الاربي

 

[ابي اصير ممثلة]

رشي ملح وسدر وماي مفري عليه بالبيت

 

[ليه الجفآ]

بسم الله عليج

لاتخرعين هدي نفسج وهدي بالج واذكري الله ... مافيه الا العافيه

شوفي ياقلبي

اول شي كلنا بصراحه حسبي الله عليها الاثيوبيه انصدمنا منها وتضايقنا

بس ياربي لك الحمد مااوصلت لحاله هستيريه احنا ناس مسلمين وذاكرين الله وبسبحين ومستغفرين

وهشي يبعد عنا كل وسواس ويطمن قلوبنا ويسعدها

هذي اللي فيج يالغاليه وساويس شيطان يعني من تجي ببالج هسوالف استغفر وسبحي واذكري الله

ماتحسين غير ربي منزل السكينه على قلبج

وبعدين يالغاليه ليه ماتشغلين سورة البقره بلبيت .. تبعد عنه العين والشيطان باذن الله

حتى واهو يقرا وتسمعينه سبحان الله تنزل السكينه بنفسج والطمائينه

اذكري الله




ربي يستر عليج​

 

[ياغفور اغفر لي]

قولي يوميا
٣ مرات بسم الله الذي لايضر مع اسمه شي في الارض ولا في السما وهو السميع العليم


مع اذكار الصباح والمسا ماراح يصيبج شي لا انتي ولا عيالج باذن الله

 

[مهمة]

بنات ابي مساعدتكم بعد الله يجزاكم خيرر

 

[لـــيل]

حصني نفسك وبيتك وقرىي سوره البقره كل يوم وجيبي شيخ يقراء على بيتك حاولي تهدين نفسك ازمه نفسيه وتعدي والله يشفيك يارب

 

[بدورة القمورة]

مهمه

حبيبتي ان شاءالله مافيج الا عافيه..


لاتتوهمين بالحسد وان فيج شي وشيلي من راسج هالوساوس ولاتفكرين ان فيج شي

ولا متضايقه من شي لانج بتكرار هالافكار بتثبت بعقلج الباطن وبتزيد حالتج..

نصيحة من اخت لج شغلي كل يوم سورة البقرة بالبيت وانت بعد حاولي تقرأيها

 

[لوفيه]

عندي وحده من خواتي تنام بحظن امي

وتتخيل اشياء مو موجوده وتبجي بجي اعوذ بالله

والسبب سالفه الاثيوبيه

مع ان احنا وااااايد سمعنا بخدم يقتلون

بس مادري ليش هالاثيوبيه متعبه ناس وايد سبحان الله

عسى الله يمسح على قلبج وترتاحين من هالوساويس

 

[القصيدة]

السلام عليكم و رحمة الله و بركاته

حياتي أنتي هذي صدمة عصبية

أنتي يمكن تابعتي تفاصيل الجريمة و عشتي أحداثها بخيالك و استوطنت عقلك الباطن و صارت أحداثها تتردد بينك و بين نفسك و تتصورينها

تعوذي بالله من الوسواس و أكثري من قراءة القرآن الكريم و أقنعي نفسك انو كل هذي أوهام

و تأكدي أن الأمر لله من قبل و من بعد و لا تسمحين للوسواس و الأوهام تسيطر على تفكيرك و تفسد حياتك

عوافي إن شاء الله :eh_s(17):​

 

[أنثى بلذة العسل]

،

،

حسبي الله على هالخدامه ماخلت احد صاحي ..

،​

 

[أميره الغلا]

الله يبعد عنج الشر
بس داومي ع الاذكار
وسوره البقره

 

[sosowaty]

هاذي وسوسه و كثري من الادعيه و شغلي سورة البقرة كل يوم

 

[Rayoma2]

هذا وسواس تعوذي من ابليس وكل ماحسيتي بخوف اشغلي بالج بشي ثاني وارقي نفسج واستمري عالبقره وادعي الله سبحانه انه يخلصج من هالوسواس وانتي موقنه بالاجابه والله مايضيع تعبج سبحانه

 

[حظ من عنده انا]

لا ان شاء الله مافيج الا العافيه

لا توسوسسين ترى مو زين لج


تعوذي من ابليس وشغلي سورة البقره ببيتج وارقي نفسج وعيالج وقولي اذكار الصباح والمسساء

وتوكلي على الله ومن توكل على الله فهو حسسبه

 

[منال 1986]

ما فيج شي
قرأي القران

 

[مهمة]

الله يجزاكم خير يارب بنات ماقصرتوا

 

[عبالي حبيبي]

هو؟؟؟ اسم الله عليج

خلي ايمانج بالله قوي

قل لن يصيبنا الاماكتب الله لنا

تدرين انج اذاقلتي اعوذ بكلمات الله التامات من شر ماخلق وقريتي المعوذات قبل النوم كنتي بامان من الله

حتى لوفيه ثعبان اوعقرب ماتقرب صوبج ولاتقرصج وانتي نايمه

بس انتي تعوذي من ابليس وخل ايمانج بالله قوي واسمعي القران وشغليه بالبيت ترى القران يجلب السكينه والطمئنينه فالنفس

موفقه