الله يجزاها خير اللي تساعدني(الدسك والخشونة)

[لاب توب]

السلام عليكم ياصبايا ... شلونكم ...

بنات ابي دكتور شاطر لعلاج الدسك و الخشونة ،، تكفون ظروري
امي ماتنام الليل من الألم :0bee2e8d89:

باتظاركم .....

 

[ii DareeN ii]

سلامتها ماتشوف شر

عندج التنيب دعظام بدار الشفا
وعندج المكيمي بالرازي

وان شاء الله ماجورة وطمنينا عليها

 

[لاب توب]

اهلين حبيبتي
الشر مايجيج ، جزاج الله خير
بروح واشوف وانشالله خير

 

[barbya_q8]

بعد عمري الله يشافي امج حاسة بالمعاناة لانه امي تتألم بالدقيقة الف مرة ماتتصورون تقول جنه جرح مفتوح وحاطه علية فلفل على طول موقادرة تنام ولا تطللع تستانس ماتقدر تمشي وايد وامي صغيرة مو عودة وراحت حق التنيب قالها مافي حل غير العملية الصابونة متفتفته عندج وماتبي تسويها بالكويت وناطره رحمة ربي

 

[لاب توب]

اهلين حبيبتي باربية ، انا الوالدة نفس الطريقة وديتها اكثر من دكتور يعطونها
ابر يقولون على طول الالم يخف بس ماكو فايدة وانا اللي في امي
خشونة ودسك بالرقبة نازلة على اليد
بس ممكن سؤال التنيب هذا شنو اسمه الكامل ..؟!
و الله يشافي امي و امج وكل المرضى ...... قولي آمين.......

 

[منوله كويتيه]

لاب توب ... سلامة الوالد ماتشوف شر الديسك حبيبتي علاجه تخفيف الوزن والسباااااااااااااحه

والخشونه كانت عند امي بمفاصل ركبها الثنتين وكلت العظم وكانت خايفه مثل ام barbya ان تسويهم ولكن اخوي الله يباركله بصحته رح الرازي وسأل عن الأطباء الزائرين قالوله في اثنين واحد سويدي وواحد انجليزي وط اسمه عند السويدي على اساس ام رفيجتي مسويه عنده امفاصل للركبتين بس لما وصل طوفوا ناس بالواسطه وخذوا دور امي فرجع حط اسمها عند الدكتور الانجليزي وتهاوش معاهم وسوالهم سالفه وخذا منهم موعد وصول الدكتور وكان شهر 6 من اربع سنين وظل يروح يوم وترك قبل موعد وصوله بعشر ايام لما دبل جبدهم واول يوم لعيادة الدكتور من ال 7 ونص كان مع امي هناك وكل ساعه يسأل السستر عن الكشف والاسماء بعد ماتأكد من وجود اسم امي بالأول عشان لايطوفون دورها بمعنى ثاني نشب ببلعومهم وتالي دشت وقررلها العمليه لتبديل مفصل ركبة وحده ودخلناها الجناح وضبطولها السكر وسوتها والسنه اللي بعدها سوت الثانيه عند نفس الدكتور ونحمد الله انه وفقنا فيه

اما قبلها كانت تراجع بعيادة عادل العوضي استشاري عظام من كندا وكان علاجها ابره بالركبه تريحها فتره وترجع تاخذها اذا تعبت لكن الحمد لله الحين افتكت من الابر وكود الحبوب اللي دمرت معدتها الله يحفظها ويخليها لنا

وبعدين يابنات في حبوب ماركات وايد لوقاية المفاصل بالجسم لازم ناخذها مبجر لان فيهم ماده نفس مادة السائل اللي بين العظم واللي لما ينشف يسبب خشونه وماده ثانيه تعتبر من أوائل المواد لمحاربة الشوارد الحره بالجسم واللي تفقد الجسم مناعته ،، انا صارلي جم شهر آخذهم من عرفت عنهم وقريت عنهم وااااااااااايد بمواقع طبيه عربيه واجنبيه ولاحظت فعلا مفاصلي صار فيها مرونه نسبيه وخفت الطقطقه اللي فيهم بس يبيلي رياضه او مشي عشا انزل هالوزن واخف الحمل على المفاصل

تحياتي

 

[منوله كويتيه]

و ط = وحط اسمها

عشا =عشان

 

[batho]

سلامة الوالدة ماتشوف شر شوفى اختى الخشونة كل الاطباء يوقولون مالها علاج لان خلاص المادة اللى بين العظمين انتهت فتسبب احتكاك وهذا سبب الالم ماكو غير مسكنات امى الله يرحمها من عمر وهى تشتكى من خشونة الركب وسوولها منظار وتتعب وماكو فايدة خليها على الله
بس اذا فيها خشونة بالرقبة انا اقولج وين تروحين وان شاء الله بترتاح شوفى مستشفى الهادى فى دكتور اظنتى رومانى خوش دكتور لان انا فينى 4 ديسكات بالظهر اشوف الموت من يجينى العوار فانا شسوى اروح للهادى اخذ كم جلسة والله ارتاح بعدها تقولين كذابة وحتى للخشونة عندهم علاج طبيعى وايد مريح بصراحة واخذ بعد حبوب مسكنة روعة اسمها ريلاكسون وايد ممتازة جربى وشوفى ان شاء الله بترتاح

 

[كشموووشه]

نفس معاناة امي والله قطعت قلبي قبل امس كان عندها موعد بمستشفى شركة البترول عند دكتور عبدالرزاق العبيد وبجت واهي تتكلم وتوصف حالتها وانا اختنقت بعبرتي وانطرمت وقال لها مالج الا العملية وراح اروح باذن الله الاثنين اخذ موعد للعملية بالرازي
طبعا للعلم هذي ثاني عملية لها كنت مسويه وهم سوت علاج طبيعي لكن للاسف مانفع واتمنى هالمره تنجح العملية وتلرتاح من الالم
اختي نصيحة اذا امج مو مسوية عملية خل تروح حق واحد اسمه حجي رمضان او ولده والله مااذكر اسمه بس اذا لقيت رقمه بحطه
الله يسلمج ولد رمضان هذا حماتي كانت من كثر مايذبحها الدسك تتشنج وايي الاسعاف يوديها المستشفى وبعدها راحت حق هالريال والحمدلله صارت حصان بفضل الله ثم هالريال بس شرطه انج ماتكونين مسويه عملية واتمنى اذا احد يعرفه يحط رقمه

 

[sKyLiTeGirL]

انصحج بدكتور سامر بمستشفى المواساة

شاطر وناصح والله الشافي