الله يحرم وجها عن الناااار اللي تساااعدنــي وتريح بااالي

[حلاي غيــر]

السلام عليكــــــــم

الله يعطيكم العافيه خواتي

انا صارلي اسبوووع ولده وخااايفه موووت من ان خياااطتي تكون مو زينه

او شااامه موسوسه من هالشي مره معني استخدم مطهر بيتادين وغسول مره

واحط بالبتوكس خواجوا مع زيت زيتوووون

واحس الحين نفس النبض معاااي من تحت والمنطقه لها يومين شاااده معي مدري يعني بدت تبرا

والا الخياااطه مو اوووكـــــي !!
تكفووووووووووووووووووون طمنوووونــــــي والله مو عااارفه انااام والله ...

ودي اروووح اكشف على خياااطتي وخاايفه انها تفحص على وتعورني ..

 

[(أم نونو)]

رد : الله يحرم وجها عن الناااار اللي تساااعدنــي وتريح بااالي

يمكن اخياط بدى يبرى ويلتحم اناجذي وكنت بعد احس نفس قزات مكان الخياط وبعدها شفت الخيوط تطيح انشالله مافيج الا العافيه ياقلبي ولاتوسوسين

 

[LiL MaMa]

رد : الله يحرم وجها عن الناااار اللي تساااعدنــي وتريح بااالي

انا اللي اعرفه انها تشد لما يبتدي الجرح يبرى
بس اذا شاكه روحي حق دكتورج يشوفه

 

[حلاي غيــر]

الله يسعدكم ويجزاكم خير قسم بالله ريحتوووني شوووي

الله يريحكم دنيا وأخره ..

انا احس بنغزات خفيفه معي

بس ماقلتوا لي شلووون لو بروح اشوف الخياااطه تفحصني والا لا

والا بس تشوووف شكل الخياااطه

 

[حلاي غيــر]

تكفووووووووووووووووووووون ابي راي اكثر من كذا

وش فيني بالضبط

 

[كجمايا]

لاحياتي لاتروحين تلعب فيچ راح اقولچ شغله كل اللي تسوينه الحين ممتاز واستمري بس بقولچ على كريم مضاد استخدمته على خياطي فظيع شوي عليه ناسيه اسمه هو لونه ابيض على صورة اسد بخط احمر الصيدلي على طول راح يعرفه وحطي منه مرتين باليوم ولاتنسين كريم ميبو جنان وبتشوفين خلال كم يوم خياطچ طاح والجرح التم عدل وبتدعيلي ان شالله حاسه فيچ وعذاب وغثى لخياط وبالسلامه ياقلبي ومبروك ماجاچ ،،

 

[حلاي غيــر]

وربي بدعيلك من الحين الله يسعدك ويريح بالك بالي تبين

والله ان الصدااع مفكك رااااسي من كثر التفكير

والحمدالله على كل حااال

 

[كجمايا]

نسيت اقولج الشد اللي تحسينه بالخياط طبيعي لإنج تستخدمين غسول المره وهي تنشف المنطقه وتشدها عشان جذي تحسين لخياط شاد ومضايقج هالشي بس مثل ماقلتلج حطي الكريم المضاد او ميبو وبتشوفين الراحه بإذن الله

 

[حلاي غيــر]

الله يريح بالك ويخليلك غاليك وربي اني خااايفه والحين ارتحت

الله يجزاك الف خيـــــر

 

[شيخة الحلوة]

اول شي الحمدلله على السلامة وعادي الجرح من تحت يشد عليج
وتدرين ليش؟
لانج ما تمشين وما تتحركين

امشي ترى المشي يريحج صدقيني

وماعليج باذن الله ان كل شي تمام وعال العال

وربي يوفقج يارب ويجعلج قرة عين لزوجج
وبمراجعتج اليايه قولي حق الدكتورة عن كل شي وشوفيها شنو تقولج

والله يوفقج لما يحب ويرضا

 

[tmtmt]

طبيعي ان شاءالله
وترا في بعضهم يروحون يشيلون لخياط اذا طول
لا تحاتين

 

[حلاي غيــر]

زين بنااات طبيعي ان الدم مايمشـــــــــــــــي معي واجد

ترا انا بكريه والدكتوره قالت لي بعد ماخيطتني اني نظيفه الحمدالله

واشوف افرزات خضراء خفيفه مع الدم هذا يدل على وش طيب

 

[شيخة الحلوة]

حلاي الحين بالولادة الدكتورة تنظفج كثر ما تقدر وتنظف الرحم من الدم

بس الاخضر ماادري انتي روحي حق دكتورتج ماراح تخسرين شي وقوليلها عن اللي تشوفينه مع الدم
ضروري روحي والله يوفقج بس لا تحاتين وايد
بس امشي امشي
ادري راح يعور وتحسين يشد بس امشي شوي شوي بالببيت داخل بصاله او الحوش او ممر
المهم تمشين بس شوي شوي

بس المهم ان المكان يتحرك مو كله قاعده والله يسهل لج امورج

وادعيلي ربي يهون علي الحمل والولادة

 

[كجمايا]

عادي ياقلبي أنا الدم نزل علي مدة اسبوع ووقف لانهم يكونون منظفينا من داخل لاتحاتين والإفرازات بتم معاج لي نهاية النفاس بس نصيحتي اهتمي بنفسج عدل بنفاسج تكفين عشان خاطري وربي ابيلج كل خير، لان ان خربتي وليتي وماتتسنعين الا بحمل وولادة ونفاس ثاني ،،

 

[مــ_ــا مــ_ــي]

التهاب الجرح والخياط يخليج تحسين بألم قوي ما تتحملينه ... بس الحمدلله شكله خياطج يبي يطيب ..

بس الافرازات الخضرا انا اذكر رفيجتي تقول يطلع مناه افرازات خضرا وريحه خااااااااااااااااااااايسه طلع ناسين قطعه من المشيمه فيها وعفنت .. بس ان شاء الله مو فيج هالشغله ...

والدم الخفيف عادي وراح ينقطع منج الدم بعد 18 يوم عادي لانهم الحين ينظفون الرحم من الدم والوصخ .. بس تأكدي اذا فيه افرازات خضرا لا تسكتين طيري للطيبيبه خل تكشف عليج ..

 

[حلاي غيــر]

شيخه الحلوووة فديتك انا امشي ولله الحمد واتحرك بالبيت الحمدالله

بس الجلسه التربيعه اخااف منها والا غيره عااادي

 

[حلاي غيــر]

شيخه الحلووووه الله يهووون عليك ويوسعها عليك ان شاااء الله من عنده

وتقومين بصحه وسلامه ياربي

كمياجا الله يجزاك خير والله يسر امورك وان شاء الله اني مهتمه بعمرررري



ميااامي الحمدالله ماعندب الم قووووي ولا عوار ياربي كالحمد

والخضار والله من الوسوااااس كل شوووي رايحه للحمام ابدل تكرمين من الخوووف

والحين يوووم دققت اشوفه من خضاااار لا صااير بني باااهت ولونه فاااتح مره
\والله ادري غثيتكم معي لطن ماعندي الا الله ثم انتم

 

[حلاي غيــر]

رفع

 

[love love]

لا تحاتين

بس لا تخلين الكوتكس نااشف علشان لا يحكج مكان خياط ناشف على ناشف

دهني باي شي احسن

 

[بيضاء الثلج]

حبيبتي لا تحاتين ماكوإلا العافيه وإذا رحتي حق الدكتوره ماتفحصج بس أتشوف والبنات ماقصرو والله يريح قلبج