الله يخليكم ابي خياطه

[قـطوه وايليه]

وابي خياطه عندها خبره تكون هنديه فلبينيه مو مشكله عادي اي جنسيه
اذا في وحده من خواتي اللي عندهم مشاغل وتبي تتنازل عنها انا اخذها منها
ولي تعرف وحده تبي تشتغل ياريت تبلغني

ولكم جزيل الشكر

 

[فجر_الكويت]

موفقه خير يارب

ان شاء الله الي عندها ما تقصر معاج

 

[قـطوه وايليه]

اب اب اب

بنات بلييييييييييييييييييز رفعوا الموضوع

 

[سلسبيل الجنه]

اختي انا عندي خياطتين فلبينيات قص وخياطه فساتين افراح وسهره ووحده منهم كانت في البحرين تطرز دراعات وعبايات اسعارهم الوحده بخمسه وثلاثين الف ريال ولهم خبره عشرين سنه
اللي تبيهم ترسل رقمها اهم شي الجديه عشان لاتضيع وقتي ووقتها

 

[ba6oOo6a]

اي والله حتى انا ابي  << الحين صاحبة الموضوع تقول شتبي رازه وجهها هاذي 

طبعا الاولويه لج ياقطوه واذا في وحده ثانيه انا ابيها

بليز بنات ساعدونا ..

 

[سلسبيل الجنه]

حبيباتي انا عندي اربع خياطات للتنازل اللي تبي ترد على بدري عشان ماتاخر في السفر

 

[جوكاندا]

اخت سلسبيل الخياطات إللي تبين تبيعينهم الصراحة غاليين
يطلعون بالكويتي 2.500 دينار كويتي

أقدر أييب خياطة خبرة في بلدها وما تكلفني شي من مكتب الخدم يعني الوحدة تقريبا 800 دينار تخيط أو تسوي مشغولات يدوية او تطرز
الصراحة غالية حيييييل

موفقة

 

[سلسبيل الجنه]

ياختي مادام انتي مالك خاطر فيهم وشو له تكسرين السعر ترى قطع الارقاب ولا قطع الارزاق
وبعدين وينهم اللي خبره ومن ديرتهم مثل ماتقولين انا قعدت سنتين علشان القى وحده واخذتها شراء من وحده مو من ديرتهم
واخذتها لاني كنت ابي وحده اشوف شغلها قبل لااخذها اما اللي من الفلبين تاخذينها اول بعدين تشوفين شغلها واذا طلع كل كلام المكتب على انها خبره في الخياطه كله كذب في كذب ايش اسوي ساعتها ارجعها له وانتظر سنه ثانيه عشان ايش
العرض حقي لصاحبة المشغل اللي تبي خياطه ماعليها الا توريها الصوره بس واهي تضبط الموديل مثل الصوره
هاذي اقولها طلبك عندي اما اللي جالسه في بيتهم ومهنتها تقفل على خلق الله البيبان فاقولها تحتفظ بارائها المتشائمه لنفسها
والله يعطي كلا على نيته

 

[بنت النوخذا]

عزيزتي سلسبيل
السالفه مو سالفه قطع ارقاب و قطع ارزاق
ترا الاسعار تختلف بالكويت
35,000 الف ريال = 2,566 دينار

واســتحاله هالاسعار تلاقينها عندنا
اصلا حــتي لا احبطك الاسعار مثل هذي المهن
من 6 الي 9 الف ريال سعودي
أو من 450 دينار الي 700 دينار
تقريـــــــــبا هذي هي اسعار المكاتب عندنا
انتي صادزه بكلامك بس و الله ترا الاسعار عندنا غير
حتي للخدم بالبيوت ترها تفرق انكم اكثر بواجد

 

[سلسبيل الجنه]

والله ياحبيبتي انا بايعه وحده باربعين الف سعودي للامارات وانا ماشوف انكم تختلفون عنهم
بس اذا مثل ماتقولين الشغالات بتسع الاف خلاص انا بجي اخذ لي من عندكم ..
صراحه احنا هاذي الاسعار عندنا . انا اخذت خياطه من واحد بثلاثين الف وطلعت ماتعرف تاخذ قياس فاضطريت ابيعها على انها شغاله ..طبعا بخساره فلما القى خياطه تعرف كل القصات بس اعطيها الصوره والقماش واطلع هاذي والله اشتريها باي سعر لانها بتريحني وباكسب من وراها
انا مادري عنكم بس احنا فستان الزفاف المتوسط ب 15 الف ريال يعني بتجيب سعرها في فستانين زفاف بعد كذا استلمي الارباح
اقسم بالله انا لو ماعندي بعثه مافرط فيهم ابدددد

 

[بنت النوخذا]

بس اذا مثل ماتقولين الشغالات بتسع الاف خلاص انا بجي اخذ لي من عندكم ..

هلا عزيزتي سلسبيل
انا ما قلت الشغالات
انا قلت لك مثل هذي المهن ( خياطات )
____________________

ترا الاسعار تختلف بالكويت
35,000 الف ريال = 2,566 دينار

واســتحاله هالاسعار تلاقينها عندنا
اصلا حــتي لا احبطك الاسعار مثل هذي المهن
من 6 الي 9 الف ريال سعودي
أو من 450 دينار الي 700 دينار
تقريـــــــــبا هذي هي اسعار المكاتب عندنا
انتي صادزه بكلامك بس و الله ترا الاسعار عندنا غير
حتي للخدم بالبيوت ترها تفرق انكم اكثر بواجد



موفقه يا الغاليه :d

 

[سلسبيل الجنه]

حلو خلاص انا بعد البعثه اجي اخذ 10 خياطات بتسع الاف بس تضمنين الخبره وتعرف كل القصات..ok

 

[بنت النوخذا]

حلو خلاص انا بعد البعثه اجي اخذ 10 خياطات بتسع الاف بس تضمنين الخبره وتعرف كل القصات..ok

عزيزتي الغاليه سلسبيل

انا ما اعرف انتي شلون تحسبين :eh_s(10):
ما قلته واضح
اصحاب المهن مثل الخياطه المكتب يجيبها لك بحدود
9 الاف ريال سعودي ..... ( للخياطه الواحده )
ما قلت لك بالعشره او ما شابهه
و ذكرت لك الاسعار تتراوح علي حسب خبرتها
من 6 الي 9 الف ريال سعودي

700 دينار كويتي تقريبا تعادل 9 الاف سعودي
و تكون كتر او ماستر كت .... يعني قصاصه باترون ومعاها شهادة من بلدها

و الله العظيم علشانج

اتصلت علي مكاتب العماله و سالتهم

و اكدو لي انه الخياطات النساء
جيبتهم مابين 500 الي 750 دينار كويتي
ورواتبهم حروت ال 150 دينار

و الخياطين الرجال جيبتهم فقط 150 دينار
و راتبه ب 65 دينار
وهذا مسجل بالسايت و رقم هالمكتب 0096599441698

و هذا سايت لمكاتب العماله ممكن تتصلين و تسالين بفسج

http://www.khadm.com/

شوفيه عدل وكل شئ مشروح فيه
و اتصلي و تاكدي من كلامنا و هذا من حقج يا الغاليه

موفقه يا الغاليه

 

[بنت النوخذا]

وابي خياطه عندها خبره تكون هنديه فلبينيه مو مشكله عادي اي جنسيه
اذا في وحده من خواتي اللي عندهم مشاغل وتبي تتنازل عنها انا اخذها منها
ولي تعرف وحده تبي تشتغل ياريت تبلغني

ولكم جزيل الشكر

شوفي هالسايت يا الغاليه

ان شاء الله تلاقين
و فيه عروض و فيه طلبات

مووووووووووووفقه عزيزتي



http://www.khadm.com/


:eh_s(17)::eh_s(17):

 

[سلسبيل الجنه]

حبيبتي بنت النوحذه انا مااشكك في كلامك ابداا
انتي قلتي الوحده عندنا تتراوح من 6-9 صح اوكي وانا قلت بعد البعثه باذن الله راح اجي واقدم من عندكم على 10 خياطات من اللي اعلى شي يعني 9 الاف
لكن السؤال المهم ويهم كل وحده تبي تجيب لها خياطه تشتغل لها سواء من البيت او من المشغل الخبببببببره عندك احد يضمن لي الخبيره بتسع الاف مثل ماقلتي
ترى الشغاله اللي شريتها على انها خياطه وطلعت شغاله بعد معاها شهاده خبره من مصنع
يافرحتي بشهادتها واهي يتخرب ثياب الحريم ... الا والله انا اخذ شغاله بس فنانه في الخياطه لان هذا اللي يهمني الخبره
وهذولي اللي من المكاتب مثل البطيخ ياتطلع حمرا ياتطلع بيضا بس بتعرفين بعد ماتكونين شريتيها وتورطتي بس انا هينا اعطيك انتي وغيرك فرصة التجربه قبل الشراء هذا الفرق بيني وبين المكاتب في كل مكان
ومشكوره على تعبك واتصالاتك مع اني ماطلبتها ..

 

[سلسبيل الجنه]

اكيد انا فاهمه ان الخياطه الواحده ب6-9 اكيد مو العشر خياطات بعشره ...
انتي اللي فهمتي كلامي غلط

 

[بنت النوخذا]

بالكويت عندنا مكاتب حكوميه
اسمها ......( حماية المســـتهلك )
وقت ما تاخذين العامل اي كان مهنته يسجل بالعقد
و اذا طلع غير عن المطلوب يقدم العقد لحماية المستهلك
و يتم محاسبة المكتب و توقيفه عن العمل

ثانيا المكتب يعطي فتره تجربه 3 شهور
اذا كان العامل غير كفئ يتم اســـترجاع كامل المبلغ

هذا متعارف عليه عندنا
عن نفسي طلبت و حده طباخه
و طلبنا وحده نرس ( ممرضه )
و الاهل طلبوا سائق معدات ثقيليه

و تبعنا نفس ما ذكرته لج يعني في حمايه للمستهلك

اما عن الخدم ... فماشكلهم كثيره تخــــــتلف
عن العمال او العاملات ذي المهن ( سائق - طباخ - خياط ممرض - مزارع ....... الخ )



شكرا

 

[كتالونيه]

اببببببببببببببب

 

[سلسبيل الجنه]

حتى احنا نفس الشي بس انا وش لي بالطويله واقعد اناشب الناس ليش ماجبتوا اللي طلبت ومشروعي يوقف الى اجل غير مسمى ..لا والله الا باخذ لي وحده جاهزه وابتدي مشروعي بدون تاخير واشتري دماغي من مشاكل العماله والمكاتب.. ترى هذا رايي ممكن غيري ماعنده مشكله يروح ويجي اهم شي مايدفع اكثر ........

 

[قـطوه وايليه]

يابنات ذكروا الله بعدين سلسبيل الله يهديج هذا ابدا مو اسلوب حوار والسالفه عرض وطلب واكيد كل ديره لها اسلوبها اكييييييييد ماراح اشتري خياطه ب2000 الحمدالله احنا خدم وصلوا 700 ومو راضيين وحلات الوحده اسلوبها وسيعة صدر اشوي وبصراحه انا حده حاز بخاطري المنتدى من اسمه كويتيات مو قصور فيكم انتم خواتنا بس المواضيع الطلب وغيرها اكيد محلي شلي بالديار الثانيه واسال الجميع الهدايه

وبنت النوخذه مشكوره فدييييييييتج