الله يخليكم بنات عندي مصيبة شكبرها

[كويتية وبكيفي]

خواتي انا نسبتي 79
وانقبلت بنوك ::: انا حاطة اول رغبة بنوك >>>> ادري كلكم بتسبوني :rgewrg:

ورغبة ثانية اسلامية

وثالثة مكتبات

ابي اغير البنوك بروح التربية بس حرام اروح التجاري واخذ كورس بعدين احول وانا نسبتي اصلا 79
اقدر اروح مبنا العديلية واغير الرغبة مالتي اسلامية او مكتبات ساعدوني الله يخلكم اليوم جاني زف من البت والاهل بعد انطركم


وحالتي النفسية سئية جدا

ساعدوني
شنو اقدر اسوي ع وضعي هذا مع العلم اني بروح باجر مع ابوي للتطبيقي عشان نحاول فيهم

 

[..الشيخه حلاها..]

دام طلع القبول خلاص مايصير تغيرين

اخذي مواد عامه سهله ولازم معدل قوي و حولي التربيه

 

[بيضه كندر]

ادري كلامنا بيحبطج اكثر بس صح دام طلع القبول خلاص

وممكن هم لو حطيتي رغبتج الأولى اسلاميه يقبلونج بالثانيه بنوك

من الاساس دام تبين التربيه مفروض تخلين كل رغباتج تربيه

ماراح ينفع العديليه باجر الا بشغله وحده

ان تسحبين اوراقج وتقدمين للكورس الثاني

بس استفسري من عندهم لان ماعندي خلفيه بهل موضوع ان مضمون قبولج الكورس الثاني وجذي

والحل الثاني والأخير ان تداومين بالتجاري وقبل تسجيلج بيوم تكونين مسجله اسامي الدكاتره الزينين والمواد السهله للتححويل

علشان تحولين من اول كورس للتربيه

 

[jroo7 maryoom]

سحبي اوراقچ من التطبيقي وقدمي على الجامعة ولا قدمي اوراقچ عــ الكورس الثاني بالتربية الأساسية
موفقه حبيبتي :yaaaaaarb:

 

[MenoQ8]

نسبتج وايد زينه حرام انج حاطه بنوك والتربيه يقبلونج

ما اتوقع تقدرين تسوين شي اللحين غير التحويل او تسحبين اوراقج وتقدمين الكورس الثاني

 

[MaKe-Up]

يـآرب يسهل عليج و يسر أمورج

والله يوفقج يـآرب

 

[stop ana top™]

السنه اللي طافت كان في تغيرين رغباتج لو تبين هذا اللي اذكره بس عاد هالسنه يصير ولا لا الله اعلم
روحي اساليهم و اذا بتسحبين من التطبيقي معروف اذا سحبتي ماتقدرين تردين

الله يوفقج و يعينج

 

[خجل~]

ما شاء الله نسبتج حلوه حييل

وكل التخصصات تقبلج حتى الجامعه ،

بس خيره لج ان شاء الله

ولا تتضايقين وبالتوفيق

 

[الورده الناعمه]

بالواسطه كل شي يصير مره صارت وحده غيرت رغباتها بس زهبي واسطتج باجر وروحي مبجر وانشاءالله خييير

 

[بيضه كندر]

ايي صح انا اختي تعرف وحده بالواسطه حولت من تخصص لي تخصص
فالواسطه راح تنفعج

 

[بيت التوت]

موقفه يارب

 

[اميره بعيونه88]

شوفي رفجاتي مخذين بنوك وتخرجو بعد ويقولون سهل انتي اخذي هالكورس وبعدها حولي

 

[أحلى البشر]

من رايي تسحبين اوراقج
وتسجلين بالجامعه الكورس الياي

شسالفه نسبتج 79 وداشه تجاري

 

[مطيريه305]

يقبلونج جامعة الكويت والتربيه بعدد لييش رايحه تجاااااااري حرااام

 

[الحورية الصغيرة]

باجر روحي العديليه اهم أخبر و نصيحتي لج سحبي و قدمي الكورس الياي جامعه الكويت

حتو لو الشريعه ما اقبلتج عادي تحويل الشريعه حيييييييل سهل و أحسن لج من التطبيقي

فكري و حطي إحتمال يمكن لو قعدتي في التجاري ما تقدرين تحويل ما تيبين معدل

بس الجامعه حتى لو ما قدرتي تحويل إسمها جامعه شهاده قويه حيل

و اقل نسبه إنقبلت شريعه للكورس الثاني كانت 78
http://reg.kuniv.edu.kw/Announcements/Adm_perc_Spring13.pdf

و الكورس الأول
http://reg.kuniv.edu.kw/Announcements/Adm_perc_Fall13.pdf

بس لا تحاتين مقبوله بالجامعه

 

[shak!shoka]

ليش كتبتي بنوك ضمن رغباتج من الاساس !


حرام


اعتقد مايصير تغيرين

اخذي مواد عامه سهله اكثر من 14 وحده هالكورس و معدل 3 نقاط وحولي تربيه


الله يعينج و يسهل امرج

 

[عروسة اكتوبر]

اخذي مواد انجليزي و ثقافه اسلامية عشان يعادلونهم حقج هالحل إذا ما غيروا تخصصج