الله يخليكم تعبت

[ريم محمد زيد]

أنا لي 3 شهور في بيت اهلي طردني
مافي انسجام بينا وقالي عفتك وما كنت أجاملك عشان اهلي وهذي 3 مره يطردني
انا نفسيه بعد لانه عيشتي معاه صوره ماله وجود أبدا يسر لين الفجر ولا يودي ويجيب ويصرخ ويعصب ويبيني اضحك وأستأنس على شنو

بنات المشكله اني كل ماقلت ما أبيه اشوف حالتي هناك ابيه ع الأقل واحد يطل علينا ويساعدني بتربية الطفل
ولا هالقعده

جاني أرق بس اصيح ونا يمه واهلي مايكلموني لاني ماصبرت وخربت بيتي قاعده بروحي
والله مليت

مو عارفه أنام عدل ونفسيتي مو حلوه بس أصرخ كأني انجنيت
احاول عشان ولدي اتحرك اطلع اعتني بنفسي جسد بلا روح

الله يخليكم تعبت

 

[Aloe Vera]

الله يكون في عونج كلمي زوجج يمكن توصلون حق حل و ترجعون حق بعض

 

[tooooma]

هذي الامور تتطلب دخول احد حكيم من الاهل ويقعد مع الزوج ومعاج واتحطون النقط على الحروف علشان الوحده اتعرف هل الزوج

من الناس الملول ام مريض ام مديون الخ...... في عدة امور لازم يقعد معاج ويتكلم هذي حياة مستمره بينكم وليست ترانزيت

 

[نـعـومـه]

٣ شهور بيت اهلج !!!


طردج بسبب ولا بدون سبب ؟؟


ادعي بصلاتج يارب رجعني لزوجي اذا كان خير

وقولي لاهلج اهوه طردني موانا طلعت

 

[free SpiriT]

السلام عليكم

ااهلج ما لهم حق ما يكلمونج! هو اللي طردج مئة مرة

مواضيعج كلها عنه وعن الطرد!

وين الاستقرار والأمان؟؟!!!!

يا يتعدل وتقعدين معاه في جو آمن أو دبري لج حل ثاني

تقربي من الله عشان تتعدل نفسيتج و اقري آيات قرآنية على كاس ماي واشربيه فيه شفاء إن شاء الله

 

[جامعيه طموحه]

لازم احد من الاهل يقعد معاه ويتكلم معاه عشان يعرف شفيه وشنو الي مخليه يعاملج بهالطريقه واذا اهلج ما تدخلوا انتي لازم تكلمينه بجديه ومو تبينين انج ضعيفه ومنكسره بس فهميه انه يا انه يتحمل المسئوليه ولا يدبرلج مكان تقعدين فيه وقوليله انه مو من المرجله انه قاط لحمه وعرضه فرضآ اهلجما استقبلوج وين بيخليج !!! جد تصرفه ينرفز بصراحه مو من سمات الرجوله الي سواه اكبر غلط وعيب بحقه قبل لا يكون غلط بحقج انتي انتي بنفسج لازم تحطين حد لهالامور بس لو راح ما على مثله حسافه لانه اهو الي قطج من اول يعني لا تندمين على امثاله لحظه وحده اذا ما تعدل

قعدي معاه وكلميه قوليله انت ملزوم فيني لاني مرتك واذا منت ملزوم بمرتك ترى بيناتنا ياهل انت مسئول عنه وانا الحين طلعت من ذمة اهلي وصرت بذمتكيعني اهلي مو ملزومين فيني وبولدك لازم تشوفلك حل كان ما تبيني المفروض من اول تقول هالشي مو عقب ما يبت مني ياهل انت حتى ما عطيتني فرصه انه اروح واشوف حياتي واتزوج غيرك ريال يصوني ويحترمني ويتحمل مسئوليتي بسبة انه عندي ولد منك

انتي تحسين انج ما تقدرين تقولين هالكلام بس لا قعدتي معاه وتكلمتي وحسيتي بإهانته لج فعلآ وظلمه لج بتقولين كل شي وبتتكلمين بدون ما تحسين وتخلينه يندم هو لانه شايفج ضعيفه هاملج وهامل ولده بس لما يشوفج قويهوتطالبين بحقج وحق ولدج الي هو من لحمه ودمه ساعته بيصحى على نفسه ويتعدل بس لازم انتي توعينه ويصير عنده وعي وتخلينه يفكر انه شنو هالمصخره الي قام يسويها قوليله الي قام تسوي ما يرصي ربك وترى طول مانت ظالمني الله ماراح يوفقك بحياتك لانه بكل حين بقول حسبي الله ونعم الوكيل


اعتذر عالقرقه بس جد تنرفزت من اسلوبه الله يسخره لج

 

[عاشقة هواك]

الله يسخره لج يارب
بس ما عليه لا تبجين ولا تعورين قلبج كلمي اهلج او احد كبير وفاهم يتدخل بالموضوع ويصلح الامور وانتي بعد حاولي قد ما تقدرين لا تراددين الريال خليه براحته ولا تضغطين عليه حاولي تساعدينه تشوفين اهوا شنو يبي وشنو يحب وتتقربين منه اما تصرخين وتبجين جدامة اهوا يشوفج جذي ضعيفه يستقوي عليج

 

[# غنوجة بيبي #]

الله يصلح بينكم

دقي عليه كلميه عن مشاعرج و انج تحبينه و انج بتصيرين احسن من قبل

يمكن الله يهديه لج

الله يوفقج حبيبتي

 

[جوهره الرياض]

الله يشرح صدرك

بصراحه ما ابيك تزعلين منى بس انتى غلطانه يوم طلعتى للمستشفى بدون مايوافق اويدرى عنج

الحرمه المفروض تكون ثقه وقليله اطلعه موب كل يوم تطلع
لاكل يومين ثلاث
وموبروحها ليش ماتطلعين مع ام زوجك اوخواته وتخبرينهم انك تحبين تطلعين مع احدموب بروحك ماتنبسطين

لاماتطلعين لحالك حتى يتطمنون لك وتحتشمين فى البس وتتقربين من امه

ام زوجك يمكن شافت لبسك او تصرفاتك وشكت فييييك ولوانتى على نياتك ترى الناس لهم اضاهر

اشك مايجى من فراغ يا قلبي حاسبي نفسك وشوفى شو الغلط


ولوترسلين لازوجك انك تغيرتى وكل الى تبينه زوج وبيت واستقرار

وتقولين امك اهى امى وادااهى شايفه فينى غلط بغيره عشانكم

وادا انت ماتبينى امساك بمعروف او تسريح بحسان وخليك قويه ضعفك مشكك زوجك فيك زياده
اكيد يقول لو ماورها بلاوى مادددلت عمرهاااا ولو وشايفه شوفه فى الكويت ماتركت اهلها وجلست هنيه

 

[0oR0R0 honeyo0]

الله يفرج همج ويرده لج ردا جميلا

 

[Royof]

اول شي ارجعي لربج وادعيه واسغفري واجد ... بعدين فكري بحل لكم انتو الاثنين شوفي شنو اللي يضايقج فيه وشنو يضايقه فيج بعدين سوي الحل وخلي اهلج على جمب .. الانفصال ما اشوفه حل لاي اثنين بينهم طفل او اطفال اكبر غلط

ربي يسخره لج ويردكم لبعض

 

[Patcholli]

حبيبتي الوحده بدون كرامه ماتسوى بيزه
طز بالزواج وطز بكلشي اهم شي الكرامه
انسان يطردج من بيتج ويقولج مابيج
انسان مستهين فيج
طبعا انا مادري شلون علاقته معاج انا احكم عالموضوع الي انتي كاتبته
اذا هاذا فعلا احساسه اتجاهج مايشوف شر
بس اذا كلام بلحظه غضب اهني الوضع غير