الله يخليكم ساعدوني الحين....محتارة

[رؤى القلوب]

بنات ابيكم اساعدوني ....محتارة وايد

قبل اربع او خمس اشهر كنت أبي امنية تتحقق لي وكنت ادعي ربي ليل نهار والحمد لله رب العالمين استجاب دعائي ورغم انها امنيتي وحلمي لكني صليت صلاة استخارة لأني مؤمنة بقول الله تعالى (وعسى ان تحبوا شيئا وهو شر لكم) وبعد صلاة الاستخارة صار الموضوع سكته لا حس ولاخبر قلت خيره وسلمت امري لله والحين رجع الموضوع انفتح وبالشروط الي انا ابيها وبأصرار من قبل اصحاب الموضوع ان الموضوع لازم يتم وهم صليت صلاة استخارة ورغم ان كل الامور في صالحي ومثل ما اني ابي لكني خايفة ومترددة وللعلم اني من صليت صلاة الاستخارة توكلت على رب العالمين وقلت انا راح امشي بالموضوع للنهاية صار صار ما صار خلاص خيره والحين الموضوع منتهي 99% و واقف على موافقتي بس انا متررده وحايرة ؟؟؟؟؟؟ ساعدوني احد صلى صلاة الاستخارة وتسهلت الامور كلها بس هي ظلت مترددة وحايرة مثلي ؟؟؟؟؟ وشلون حلت الموضوع :yaaaaaarb:

 

[رؤى القلوب]

ما في حد رد علي؟؟؟؟؟؟ :eh_s(11): بنات انا في حيرة وقلق ما يعلم فيها بس ربي تكفون ساعدوني

 

[what's up]

اب
اب
الله يوفقج صلي استخاره و اذا ارتحتي نفسيا يعني خير باذن الله و اذا تضايقتي و احسيتي بقمته لا توافقين

 

[noni_q8]

انا اوافق الاخت واتس اب

 

[رؤى القلوب]

مشكورة حبيبتي على الرد طيب واذا كنت مترددة بس لا مرتاحة ولا مقموته بس مترددة والامور كلها تسهلت شلون؟؟؟؟

 

[noorq8]

انتي استخرتي والحمد لله الحين كل شي قاعد يمشي حسب طلبج ومثل ماكنتي تتمنين معناته ان شاء الله ان موضوعج متيسر وفيه خيره لج لأن من علامات الاستخاره انج تلاحظين ان الموضوع يمشي ومايتعقد وتتسهل الأمور وحسب مافهمت ان هذا الشي اللي قاعد يصير معاج تبقى مسألة الخوف والتردد فهذا شي طبيبعي لأن أكيد الموضوع كبير فتفكيرج ينشغل وتحاتين , راح تلاحظين لنفترض الموضوع شراء سياره ان اللون اللي تبينه موجود والمواصفات موجوده ولما تروحين المعرض البايع يكون حليو وطيب أتمنى أكون أفدتج مع اني أتوقع الموضوع زواج فلو هو زواج راح تلاحظين ان بسرعه تلاقين النفنوف وبسرعه تجيك الأفكار للحفله وللسكن ووووو والله يوفقج .

 

[انسآنه لن تتكرر]

حبيبتـــــــــي صصلــي الآستخآآرة ووكثرري من الدعآء وآقري سووورة البقرررة
وآن شآءالله الله يفتح عليــج آبوآب الرزق والرححمة
وموووفقــه حلبيبتــي
.,

 

[رؤى القلوب]

انتي استخرتي والحمد لله الحين كل شي قاعد يمشي حسب طلبج ومثل ماكنتي تتمنين معناته ان شاء الله ان موضوعج متيسر وفيه خيره لج لأن من علامات الاستخاره انج تلاحظين ان الموضوع يمشي ومايتعقد وتتسهل الأمور وحسب مافهمت ان هذا الشي اللي قاعد يصير معاج تبقى مسألة الخوف والتردد فهذا شي طبيبعي لأن أكيد الموضوع كبير فتفكيرج ينشغل وتحاتين , راح تلاحظين لنفترض الموضوع شراء سياره ان اللون اللي تبينه موجود والمواصفات موجوده ولما تروحين المعرض البايع يكون حليو وطيب أتمنى أكون أفدتج مع اني أتوقع الموضوع زواج فلو هو زواج راح تلاحظين ان بسرعه تلاقين النفنوف وبسرعه تجيك الأفكار للحفله وللسكن ووووو والله يوفقج .

الله يوفقج على هذا الرد الحلو بس الموضوع مو موضوع زواج انا الحمد لله متزوجة وعندي اثنين عيال الله يحفظهم بس الموضوع موضوع انتقال ريلي من مكان شغله

 

[NEW WOMEN]

ربي يعينج حاسه فيج

 

[رؤى القلوب]

حبيبتـــــــــي صصلــي الآستخآآرة ووكثرري من الدعآء وآقري سووورة البقرررة
وآن شآءالله الله يفتح عليــج آبوآب الرزق والرححمة
وموووفقــه حلبيبتــي
.,

ان شاء الله .... فديتج

 

[رؤى القلوب]

ربي يعينج حاسه فيج

والله خايفة ومترددة و موعارفة اتخذ قرار لأن المشكلة لو قلت اي وطلعت النتائج سلبية راح تنقلب الامور كلها ضدي صح هو الموضوع بيد ريلي لأن هذا شغله وهو ادرى فيه بس هو حط المسؤولية براسي ويقولي ساعديني بأتخاذ القرار يقول لي انتي الي كنت دايما تدعين وتصلين اني انتقل لهذا الشغل والحين مترددة؟؟؟؟؟

 

[رؤى القلوب]

انا مترددة وخايفة لان بالنسبة لي موضوع الشغل موضوع مصير خاصة بوجود عايلة ومسؤولية وخاصة بهذه الضروف الصعبة الي كلنا عايشين فيها الغني والفقير ..... الحين صعب الواحد يحصل شغل يعني لو وافق وانتقل من شغله وبعدين لاسامح لله طلعوه راح يكون جدا صعب يحصل شغل ثاني وهو المعيل الوحيد للعايله .... هو هذا الشغل الخاص قلق وخوف الله يعين الجميع

 

[ღ..عشق ميمون .ღ]

توكلي على الله لاتخلين الشيطان يوسوس لج

دامج استخرتي والموضوع بس تردد شي طبيعي

كل شي بامر ربي قولي يارب وكلت امر لك وماراح يخذلج وبيرزقج باللي احسن منه

 

[معزوفة عشق&]

الخيره فيما اختاره الله لك اذا حاسه انك مرتاحه توكلي ع الله و لا توسوسين كثير عشان لا يلعب بعقلك الشيطان *_^

 

[معزوفة عشق&]

ღ..عشق ميمون .ღ
انا وياها نفس الرد و بنفس الوقت لووول

 

[رؤى القلوب]

توكلي على الله لاتخلين الشيطان يوسوس لج

دامج استخرتي والموضوع بس تردد شي طبيعي

كل شي بامر ربي قولي يارب وكلت امر لك وماراح يخذلج وبيرزقج باللي احسن منه

الله يرزقك ويوفقك .... قولي امين

 

[الجورى 2007]

يالغلا انتى استخرتى الواحد الاحد يعنى وكلتى الله والخيره فيما اختاره الله وامشى بالموضوع ومافى شى مضمون بهالدنيا والرازق بالسماء ولا زم نرضى باختيار الله لنا وهذا من الايمان بالقضاء فتوكلى على الحى القيوم وامشى بالموضوع واذا خير بتتيسر الامور واذا لا تنسدد الابواب ومساله الخوف من وساوس الشيطان يريدك ان تشكى باختيار الله لك بعد ان استخرتيه
دايما انا استخير وامشى بالموضوع وحتى لو ما حصل الللى ابيه اكيد خير ...

 

[رؤى القلوب]

الخيره فيما اختاره الله لك اذا حاسه انك مرتاحه توكلي ع الله و لا توسوسين كثير عشان لا يلعب بعقلك الشيطان *_^

ونعم بالله العلي العظيم.... مشكورة يالغالية

 

[رؤى القلوب]

يالغلا انتى استخرتى الواحد الاحد يعنى وكلتى الله والخيره فيما اختاره الله وامشى بالموضوع ومافى شى مضمون بهالدنيا والرازق بالسماء ولا زم نرضى باختيار الله لنا وهذا من الايمان بالقضاء فتوكلى على الحى القيوم وامشى بالموضوع واذا خير بتتيسر الامور واذا لا تنسدد الابواب ومساله الخوف من وساوس الشيطان يريدك ان تشكى باختيار الله لك بعد ان استخرتيه
دايما انا استخير وامشى بالموضوع وحتى لو ما حصل الللى ابيه اكيد خير ...

مشكورة حبيبتي ... الله لا يحطج في حيرة وييسر امورج ... قولي امين

 

[noorq8]

الله يوفقج على هذا الرد الحلو بس الموضوع مو موضوع زواج انا الحمد لله متزوجة وعندي اثنين عيال الله يحفظهم بس الموضوع موضوع انتقال ريلي من مكان شغله

قولي له اعقلها وتوكل ومايعلم الغيب الا رب العالمين الانسان يجتهد ويستخير ويبذل الاسباب والله يوفقه ومافي دوام من غير منغصات .