الله يخليكم يا مدرسات الروضة بغيت فزعتكم .. ساعدوني

[Miss M]

السلام عليمن ورحمة الله وبركاااته

هاااي بنات شلونكم وشخباركم انشالله الحمدلله يارب

انا طالبة في التربية الاساسية وماخذه مقرر اللعب في الرياض
والدكتوره طالبه نسوي 3 العاب تربوية وحده منهم شعبية
الله يخليكم ساعدوني والله محتاسه ومحتاااااره مادري شسوي كل البنات عندهم افكار وبلشوا شغل الا انا احس اني ضايعه في الطوشة

و الي تساعدني لادعي لها ليل ونهار


وادري انكم ما تقصرووون حبيباتي

يعطييكم الف عافيه

 

[لباس التقوىk]

العاب مجسمات والا بالساحة؟

 

[nero]

الشعبيه سوي دامه .. من خام ورسمي عليه مربعات .. والخشب خليه مغاطي ماي صحه والا اي شي من المستهلكات ترا يحبون هالسوالف


واللعبتين تقدرين تدمجينه بلعبه وحده تكون عباره على علبه .. بالغطاا تركيب (بزل)
ومن داخل لعبة دومينو او اي لعبه صغيره

 

[Miss M]

ابي العاب تربوي تنمي خبرات الطفل اللغويه او العدديه او العقليه مفاهيم ومرتبطه بالخبرات

ومشكووره حبيبتي نيروو

 

[منورة]

ذكرتينا باللذي مضى <<<اي دكتورة ماخذة عندها ^ـــ^



سمعي الشعبية سوي هذي الديمونو مدري جذي اسمها ولا لا المهم اللي يلعبونها تكون بيضة وفيها نقط سودة <<امحق وصف


المهم سويها من الفلين واقسميها اما بتيب اسود ولا خط اسود وحطي فيها اعداد وشرحها ان كل طفل يركب هالمكعبات واخر رقم يدور الطفل الثاني اللي يناسبة يعني واحد واحد اثنين اثنين وهكذا

والبنات قالولج لعبة الدامى هم سهلة مفرش مقسم والدامة نفسها عندج قواطي الروب اصبغيها




فية عندج لهبة العداد سويها من المستهلكات


كرتون قاعدة وتعرفين اعواد الكباب ثبتيها من فوق وحطي بطافات اعداد مثبتة ع الكرتون من تحت وجيبي كور البينق بونق الصغيرة ولونيها بالرش طبعا

وحطيها بعلبة وتكون مفتوحة علشان تدخل


شلون جيبي سيم وحطية على النار وبعدها دخلية داخل الكور وافتحيها بحجم عود الكباب علشان تدخل وديري بالج من الحرارة


والطفل يحط الكور على حسب العدد


وموفقة ودعواتج ^ـــــ^

 

[Miss M]

منوره حبيبتي مشكووووره ما قصرتي
انا ماخذه عند دكتوره حياة مجادي
لعبة الدامه ماخذين فكرتها البنات
عجبتني لعبة الاعداد الكور
مشكووووووره