الله يرزقكم الذريه الصالح ابي مساعده

[الاهله]

السلام عليكم

خواتي مافي احد يعرف دكتور يعالج عقم الرجال بلسعوديه

ياليت الي تعرف تفيدني

الله يرزقكم من حيث لاتحتسبون

تكفون الي تعرف تقول

 

[ام دليار]

الدكتور طلال مراد مان كلينك طريق مكه خلف بنده اللي في التخصصي بالرياض

سمعت عن 1/ عبد العزيز الشهراني وحمد الصفيان للنساء بمركز ذريه بالرياض..

2/ حمود المطرفي تخصص عقم الرجال بمركز ذريه بالرياض

بمركز سمير عباس الاطباء المتحدون بجده

هذول طلعتهم من قوقل
الله يرزقك يارب

 

[الاهله]

الله يجزاج كل خير ويسهل امورج يارب

مشكوره اختي

 

[ام دليار]

مركز د.سمير عباس

مركز د. سمير عباس بجدة


مركز الدكتور سمير عباس - جدة
برج الأقتصاد الدولى
شارع ولى العهد برج الإقتصاد الدولى
خلف الغرفة التجارية
الدور الثانى

هاتف: 6530000
فاكس : 6513813

مركز الدكتور سمير عباس - الرياض
مركز برج الميزان التجارى
طريق مكة خريض

هاتف: 4160000
فاكس : 4160001

مركز الدكتور سمير عباس - الخبر
مركز الديوان التجارى
شارع الظهران

هاتف: 8944444
فاكس: 8971111

د-توفيق في مركز د- سليمان الحبيب الطبي
و د- محمد البقنه
الرياض - طريق الملك فهد - العليا .. هاتف 4622224

في آْلخبر عند الدكتور/ سعد آْلدين قنآْوي ممتآز
ت-038944444

 

[جولينار]

اختي اعرف وحده كان زوجها ماعنده حيوانات منوية وهي سليمه


وراحت عند دكتور وعطا زوجها علاج لمدة 4 شهور

وبعدها سوو عملية حقن مجهزي وحملت

وجابت ولد

توها طالعه من النفاس هالايام

اذا تبين اسم ورقم الدكتور راح اكلمها واخذه منها

 

[الاهله]

جولينار اي تكفين الله يوفقج جيبي اسم الدكتور الله يسهل امورج ارجوج ساعديني

ام دليار الله يعافيج تعبتج وياي الله يرزقج كل ماتتمنينه يارب ويفرج عليج

 

[الاهله]

جولينار انتظظظرررررررج تكفين جيبي اسم الدكتور واي معلومه عنه

 

[جولينار]

الحين بدق عليها ان شاء الله ترد

 

[جولينار]

حبيبتي للأسف ماردت بس ارسلت رسالة

وبكرة بدخل واكتبه لك


والله يرزقنا واياك كل خير يارب

 

[دمعة^حزن]

حبيبتي موفقه للاسف بسعوديه ما اعرف بس بالكويت عادل حنيان حده ممتاز

 

[الاهله]

جولينار الله يوفقج ياعمري تعبتج وياي يارب يسهل امورج وتسمعين خبر يفرحج عاجل غير اجل

دمعه حزن مشكوره ياعمري بس انا ابي بلسعوديه عشان اقرب لي ماقصرتي عموما

 

[الاهله]

جوينار انا في انتظارج

 

[جولينار]

صباحك ورد حبابه

اليوم كلمتها


قالت لي المركز اسمه مركز سمير عباس

هو بجده وفيه فرع ثاني بالرياض واعتقد لهم فرع ثالث بمدينة ثالثه بس ماتذكر البنت

هالمركز لازم تروحين له انتي وزوجك

حتى لو مافيك شي

ويفحصونكم اثنينكم ويشوفون الخلل وين ويعطونكم أدوية والعلاج اللازم


البنت فحصها دكتور سمير عباس نفسه

وزوجها فحصه دكتور عبدالفتاح

رقمهم 026530000


وللعلم البنت ماكان فيها شي سليمة وزوجها ماعنده حيوانات منوية اطلاقا يعني مشكله عويصه


وعطو زوجها علاج لمدة اربع اشهر وقالو ماصار حمل راجعونا

وماصار حمل سبحان الله ولما راجعو المركز قرر حقن مجهري

وسوته وحملت وربيي تمم لها والحين البنت توها طالعه من النفاس

عقبالك وعقبالي وعقبال كل من تنتظر الحمل يارب


قرقرت عليك كثيييييييييييييييييييييييييير هههههه


وان ضبط معاك شي ارسلي لي وبشريني

ولا تنسيني من دعاك ياقلبي

 

[ثنايا الورد]

الله يعطيج الذرية الصالحه يارب

 

[الاهله]

جولينار الله يوفقج بحياتج يارب

ويحقق لج كل ماتتمنينه

وياارب تسهل امورج كلها وتيسرها ياارحم الرحمين

ويحفظج من كللل شر

يارب

ماقصرتي تعبتج وياااااااي ياعمري ان شالله يجي يوم نشوف دفعه كبيرة من بنات هالقسم نتباشر ان حملنا يارب قادر على كل شي

 

[ms.dlw3h]

الله يرزقج يارب

بس وين بسعوديه تبين

وراح اقولج

 

[الاهله]

انا بلشرقيه بس حتى اذا بلرياض مو مشكله

 

[زوجة عزيز]

up up up

 

[عسل حدي]

رب لا تذرني فردا وانت خير الوارثين