الله يرزقكم ماتتمنون.

[فراوله توت]

صباح الخير بنات كل عام وأنتو بخير ومبارك عليكم الشهر بنات انا تعبت والله اييني خفقان بالقلب وقلبي يطق بسرعه ودوخه وراسي عوار أحس بيغما علي انا حامل بالشهر التاسع كل ما أقيس الضغط تقولي طبيعي وانت أحس بشعور أني بموت منه آخر مره قالت عم يوطا الضغط أكلت موالح مافاد تعبت والله تحاليلي سليمه الدم والسكر بس عالحاله تعبت وهي تييني تكفون ساعدوني

 

[سعادة قلبي وياه]

علينا وعليج حبيبة قلبي الله يعوده علينا بالصحة والعافية

وماعليج شر ان شاءالله الله يسهل عليج ولادتج انا ماعندي فكره لاني بجر بس احتمال لانج فالشهر الاخير تصير معاج
مثل هالحالة وبهالشهر مانصحج تصومين فطري اذا ماتقدرين بعد الله يقومج بالسلامة وكثري من شرب السوائل

 

[فراوله توت]

يعطيج العافية قلبي مشكوره الله يهون علي وعليج وعلى كل حامل ياارب

 

[Aloe Vera]

ريحي نفسج و اكلي و شربي زين
و لا تطلعين بالحر و الشمس و الله يهون عليج

 

[فراوله توت]

مشكورين حبايبي

 

[latkt7as]

وانتي بخير حياتي

انا كنت نفسج من اول حملي لاخر حملي وزاد بالتاسع
لدرجه يحوشني هبوط فجاءه ويغمى علي
كلهم يقولون كثررري سوائل
بس ماكو فايده

وقلبي من كثر مايخفق احس اني بموت


الله يسهل عليج ي رب

 

[فراوله توت]

والله ماادري ليتك تحس أحس صج مخنوقه الله يسهل علينا يارب

 

[أبكاني ذنبي]

انا هالحاله فيني وانا توني وقبل جم يوم طحت بالسووق

نفس حالتج الله يعينا

 

[جذابه بنت ذيابه]

انا يجيني هبووط ودايم احاول اقعد واذوني تسكرر


نصيحه اشربي لبن شتوره و دايم امشي بالبيت و حركي رجولج اذا حسيتي بشي

 

[فراوله توت]

فديتكم الله يعينا جميعا ياااارب

 

[M!SS.LOBY]

الله يسهل عليج

 

[M!SS.LOBY]

ما تشوفين شر ان شاءالله وتقومين لنا بالسلامة انتي والبيبي

 

[فراوله توت]

الشر مايئيج يابعد قلبي تسلمين

 

[درة التاج]

يمكن انتي تشربين جاي وقهوة وايد ؟ والحين بدا الصيام وما قمتي تشربين فاثر عليك
شربي سوائل ولما تنامين بالليل حطي مخدة تحت القدمين

 

[درة التاج]

الله يسهل عليك
وتقومين بالسلامة

 

[what's up]

وحده نفس أعراضه سوو لها تحليل دقيق بالدم طلع عندها انخفاض في أكسجين الدم

 

[يا عيون سمي]

يا عمري كل شي باجره هذا طبيعي اخر شعر يزيد التعب

 

[فراوله توت]

فديتكم خواتي تسلمون على الردود أدعولي أولد سالمه ياررب