الله يرزقها اللي ترد

[وطني حبيبي]

بنات بدش بالموضوع ع طول
معاي بالضبط 1000 دينار اب استثمرهم لاني دايما كل شهر عايشه على الطرارة وماعندي دخل يصرف علي وهالالف ناس الله يجزاهم خير خلوني جمعيه وطلعلي هالمبلغ علموني شلون اضاعفه مع العلم اني شاطره في تصميم ملابس الاطفال

 

[راعية الطيارة]

الله يوفقج .. دام شاطرة بتصميم ملابس اليهال ابدي من البيت جيبيلج خياط او خياطة
انتي صممي جم موديل و هو يخيطه و سوي اعلان بين الاهل و الصديقات و الجيران اذا خذتي ثقة و خبرة سوي اعلان بالجريدة
فكرتج رائدة تبارك الله لان الغالب يصممون دراعات او نفانيف اعراس و مناسبات

و ربي يوفقج تصيرين من اكبر المصممين بالكويت و العالم .

 

[شيــوخه]

الله يوفقج جربي انتي وشوفي وان شاء الله خير لج

 

[وطني حبيبي]

الله يرزق كل وحده طيبت خاطري

 

[ام _خلودي]

والله حبيبتى ماعندى فكره

جربي تسوين ديزينات للاطفال طبعا اولاا بلشي

بالاهل والمعارف وشوى شوى تكبرين ويكبر شغلج

 

[((الزين))]

حبيبتى اذا عندج موهبة تصميم ملابس اليهال توكلى على الله
اشترى مكينه خياطه اما تاخذينها يديده او مستعمله واشترى الخام وصممى موديلات
والاهم طبعا يكون عندج خياط
موفقه وان شاء الله تتضاعف فلوسج

 

[فاميليا]

شوفي ترى اهم من الموهبة التسويق .. فاذا ما حواليج ناس يعجبهم تصاميمج لا تبدين بقوة وتخلصين فلوسج ومحد يشتري وهذا ما يمنع ان موهبتج حلوة بس ابدي فيها بدلة بدلة .. اعرف خياطة مصرية سكرت محلها مع انها وايد شاطرة لان التسويق فاشل .. شوفي البنات اللي بالمنتدى اصحاب المشاغل اذا يشترون منج تصميم واذا عجبهم ذوقج اكيد بيتعاملون معاج والله يوفقج عزيزتي .. وهم اشتري من الخوات اللي يحبون يروجون لبضايعهم بالجملة عشان تشوفين اذا حواليج اللي بيشتري منج

 

[ديمـ77ــا]

مرحبا
حلوة فكرة انج تصممين الثقطع وتودينها الخياط وتعرضينها على الاهل او بالمنتدى كبداية
لا تخلصين فلوسج مرة وحده
ودي اساعد بس مافي بالي افكار الحين
ادعي لي بالذرية الصالحة لا تنسين >>> داشة من حب الدعوه