الله يرزق من ترد علي فرحه تجعلها تسجد باكيه

[عيـون المهـآ]

سلام بنات

انا هالشهر عطاني دكتوي ابره تفجيريه ثنتين بيوم 12 من الدوره وعطاني بعدها دوفاستون عليتين ثلاث حبات باليوم
وقال لي انتظر 18 يوم ان ماجت احلل اللحين صار لي بعد الابره 23 يوم وبكره سابع يوم لي من تركي للدفاستون
والدوره متأخره 6 ايام
واخذت تحليل منزلي بس هذا غير عن الي اخذته قبل
هذاك كنت اشيل الغطا ويطلع عمود ابيض زي القماش اغمسه في علبة البول وخلاص
اما هذا لما قتحت الغطا فيه اربع مربعاا صغار 3 بيضات و 1 اخضر
والتعليمات بالانقليزي وانا ميح بالانقلش
ابي اعرف من استخدمت تحليل منزلي تفس الي شريته اللحين ؟ وهل املي المربعات بول الله يكرمكم ولا اغمسه ع طول
بحثت ف النت لين دار راسي ولله
ترجمت المكتوب بقرقل كانه هندي ماينفهم له شي ?

الله يرزق الي ترد علي وتفرج همي يارب

 

[~ دلال و غلا ~]

الله يرزقج الحمل السليم عاجل غير آجل

فوووق

 

[بشوشه]

ربي يكتبلج الحمل هالشهر بخير و صحه و سلامه و يرزقج احلى بيبي كان ودي اجاوبج بس ما اعرف والله

 

[@سيدة نفسي@]

انا بقوللج لو كنت مكانج شنو كنت بسوي

1- اذا يصير أبدل التحليل بالصيدلية راح أبدله واخذ التحليل الديجتال وطريقته سهههلة

نفس التحليل العادي واستخدمه علطووووول

2- اذا مايصير أبدله بسوي شغلتين :

أ- بستخدم اللي عندي وبغمس الراس مثل التحليل العادي وبسكر الغطا وبشوف شنو بيصير

ب - بشوف ورقة التعليمات أكيد فيها توضيح بالرسم لعلامة الحمل أو عدم الحمل

جـ - اذا طلعت حامل بستاااااانس وأفرح بس ماراح أبلغ أحد الا لما أتأكد

د - أتأكد من النتيجة بأني أشتري التحليل الديجتال أو العادي

يعني من الأول اشتري واحد ثاني وأريح راااسي .. وبنفس الوقت أستخدم اللي عندي وأتسلى

بالتجربة

طولت عليج بس والله حطيت روحي مكاانج .. ويااااااارب تبشريناا بحملج ويتمم ربي

عليج

 

[زهراء*]

صوريلي التحليل وأنشاءالله أقدر أساعدج

 

[ريم2013]

للرفع الله يرزقك الحمل السليم و الله يرزقني الي في بالي ادعيلي

 

[زهراء*]

للرفع الله يرزقك الحمل السليم و الله يرزقني الي في بالي ادعيلي

الله يرزقج اللهم أمين ويسعدج ويفرح قلبج أنشاءالله :eh_s(7):

 

[الناس اسرار]

جربي نوع ثاني تعرفين له مافيها شي
والله يبشرج يارب بالحمل السليم عاجلا غير اجلا ​

 

[حنين الفرح]

يارب ياكريم تبشرينا حامل الهم امين ويرزقج بتوام سليمين

 

[أميـــرته]

الله يرزقج ياربي

ماعندي فكره
بس ٦ ايام تاخير
سوي دم بتطلع النتيجه قرنتي

 

[حرم_الغلا]

جيبي كاس بااستك وحطي البول عزكم الله فيه

وقمسسيه لمده 5 ثوااني او اكثر وسكري وششوفي


وان شاءالله حامل

 

[حبيبة اهلهاا]

للاسف ما عندي فكره



الله يرزقج و يفرح قلبج

 

[دايم على البال]

الله يرزقج بالذريه الصالحه وبشرينا
يمكن هذا تحليل التبويض لاني اول مره اعرف في تحليل ثلاث خانات

 

[ام عجمية]

اختي بالنسبه اللي فيه فتحات صغار
انا جربته وحلو اتحطينه بالقلاص البلاستيك
اللي فيه البوال ثواني بس وصكري الغطئ
وراح يبن تدريجيا الخط لين خمس دقايق
وعلي فكره قبل استعمال الاختبار لاتفتحين الغطا
الا اذا تبين تستعملينه
والله يطمن قلبج وتبشرينا

 

[سمو النفس]

ربي يرزقج يارررب وتبشرينا

 

[حروف من ذهب*]

الله يرزقج بالحمل عاجل غير اجل يارب

 

[حبيبي مالكني]

ان شاء الله يارب تكونين حامل وتبشرينا

 

[عيـون المهـآ]

بالنسبه ل اشتري جديد صراحه ماعندي ميزانيه اساسا تكاليف العللج والعمليه والمتابعه خلاص
فلسونا
بس كيف مافتح الغطا انا فتحته وسكرته ع طرل خخ ماستعملته بس قلت اشيك كيف دا
مشكورين كل من رد علي ودعا لي
الله لا يحرمكم من كل غالي ومن الذريه يارررب
وربي يفرجها عني وعن كل منتظره للأمومه

 

[i'm so happy]

الله يرزقج يارب بالذرية الصالحة جربي اختبار الحمل المنزلي بس ماركة ثانية وسهله عندج

كلير بلو انا مستخدمته في 5 ثواني يطلع لج النتيجة اذا سالب مو حامل واذا علامة زائد حامل

وبشرينا حبيبتي

 

[latkt7as]

الله يرزقج يارب

بشرينا حياااتي