الله يسامحج ياوزارة ......

[@غشمرية@]

قوة بنات

بقولكم سالفتي وابي شوركم مو عارفة شنواسوي
انا تعيين جديد بوزارة التربية ذاك اليوم راجعت المنطقة التعليمية التابعة لمنطقتي
المهم اني انا حامل باخر السابع ولما شافتني الموظفة سألتني حامل بأي شهر قلتلها
ولا تقولي لا مافي تعيين لج الا بعد ماتولدين :eh_s(2):
سألتها ليش قالت قرار جديد من الوزارة الحامل بأخر ثلاث اشهر ماتتوظف يتأجل تعيينها الى بعد الولادة
صدمتني انا ولادتي اخر 10 يعني راح يطوفني هالكورس كله
قالت مالج الا شهر 11 او 12 تقدمين اوراقج مرة ثانية وانا اكون نفاس

صحيح انه التعيين الجديد مايحقلها اجازة الا بعد 6 اشهر ؟؟؟ياليت احد يفيدني

 

[اخت اخوانها]

هذا اللي سمعته بس تعيين الحامل اتوقع بالواسطه تمشي امورج

 

[ذكريات عشاق]

اي صحيح هذا اللي صاير وحتى بالوزارة لما كنا نراجع عند الموظفات معلقين اوراق بالخصوص
والله يسهل عليج وانشالله تكون خخيرة والله يوفقج

 

[منال القلب]

للاسف صحيح
ميخالف حبيبتي يمكن خيرة هذي حقج وانتي
جذي ولا جذي بتتوظفين ان شالله..
ولا يهمج ولا تزعلين..
وحتى لو توظفتي راح تاخذين اجازة بعد شهرين
ومو حلوة بأول حياتج الوظيفية تاخذين اجازات..
الله يقومج بالسلامة..

 

[مريم ص]

اي حبيبتي الحامل باخر الاشهر ما يوظفونها
انا لما قدمت اوراقي كنت بدش شهري بولد بس الموظفه جراها الله خبر يوم شافتني قالتلي بكتبلج انج بالسادس عشان يوظفونج
بصراحه انقذتني
بس اجازة الامومه عادي تقدين تطلبينها بس من المنطقه احسنلج

 

[درة أهل الطولات]

خيرة لج

 

[جيتك تعال]

صح قرار الوزارة ... بس كان مفروض انك تقولين لها انك حامل بالشهور الاولى

وايد وافدات يسوون جذيه

 

[ذكريات الطفوله]

اشتري صحتج
التدريس متعب
ريحي و تعيني الكورس الثاني

 

[لف ليدي]

والله ماعرف

 

[zqertya]

اي صح تخيلي رفيجتي وهي بتربيه عملي ما قالت لهم حامل لان الحامل ياخرونها كوورس حتى ماتتخرج و رفيجتي الثانيه كانت بالسابع خلوها تولد نفسها غصب مسكينه ولا ماتتخرج

فاكيد ماتتوظفين الا بعد الولاده الله يعينج

 

[مسؤولة تعيين]

يعني لمن اقدم أوراقي لازم اكون بالسادس والا وقت الدوام وهم بغيت اسأل خريجات الصيفي جامعة الكويت متى يقدمون اوراقهم أنا خريجه هالسنه بالصيفي الياي لتخرج بإذن الله وناويه احمل شلووون قولولي بالتفصيل شلي لازم تسويه البنات الي عندهم خبره بلوز يسوي ؟؟؟؟؟؟

 

[بنات حواء2]

حبيبتي الله يسهل عليج يارب و لاتضيقين خلقج مو زين حق البيبي

 

[dell6400]

عندي لج حل خلي ريلج يراجع باوراقج لغاية ما يعطونه ورقة مباشرة العمل

و اذا اسالوه يقولهم لا مو حامل

 

[طالبة1990]

حسااافة مفروض قلتي لهم بالخامس

كل البنات يسوونها

بس يالله قدر الله وما شاء فعل

طيب روحي مرة ثانية لموظفة ثانية وقولي بالرابع او الخامس

اما الميداني لا مو صحيح كللش

هذا بالنسبة للجامعة اذا التطبيقي ممنوع فما عندي علم

تو الكورس اللي فات وحدة ولدت باول اسبوع ميداني عاادي

*

 

[طالبة1990]

يعني لمن اقدم أوراقي لازم اكون بالسادس والا وقت الدوام وهم بغيت اسأل خريجات الصيفي جامعة الكويت متى يقدمون اوراقهم أنا خريجه هالسنه بالصيفي الياي لتخرج بإذن الله وناويه احمل شلووون قولولي بالتفصيل شلي لازم تسويه البنات الي عندهم خبره بلوز يسوي ؟؟؟؟؟؟

الديوان يبطل بداية شهر 9

اظت اظن 2سبتمبر

يعني الجمعة اللي بعد العيد

انا سجلت بالديوان الجمعة ونزل ترشيحي بالجريدة الخميس اللي بعده مباشرة

والتحاليل والاوراق خذت مني تقريبا اسبوع

يعني فتح الديوان وسجلت 11-3 وباشرت بالمدرسة 24-3

بس يتفاوت على حسب بس مايطولون كللش


واذا كنتي حامل عادي قولي لهم اول شهورج

لان مايصير تقولين مو حامل لان يطلبون اشعة واذا كنتي حامل عادي ماتسوينها

بس تسوين تحليل حمل

فقولي لهم بالثالث او الرابع

 

[طالبة1990]

التعيين الجديد ماتاخذ امومة

بس عادي تاخذ اجازة وضع شهرين غصبن عليهم

وهالشي متأكدة منه

 

[PuPa^^SWeeT]

,ليش ضايق خلقج بالعكس

ولدي و ريحي و ديري بالج على بيبيج بعدين قدمي اوراقج

 

[@غشمرية@]

مشكورين بنات يالله ان شاءالله خيرة
انا تضايقت لاني انهد حيلي لما تخرجت وكنت متحمسة عالتعيين
بس اذا وحدة تعرف اذا توظفت تعيين جديد متى اخذت اجازة وضع وامومة

 

[طالبة1990]

اعرف وحدة تعينت شهر سبتمبر اللي فات

وولدت بداية نوفمبر على اساس بتاخذ امومة

بس قالوا لها تعيين جديد ماتاخذين امومة

لج بس شهرين وضع