الله يفرج للي ترد على وتعطيني نصيحتها بيوم الجمعه واللة لادعيلها

[بدوية وكلي حنية]

السلام عليكم ورحمة الله وبركاته
بعرض لكم مشكلتي وساعدوني تكفون يابنات انا تزوجت ولد خالتي وماكنت ابيه تزوجتة وعمري 21 وصارت مشاكل وتدخلات وتطلقت منه بعد سنتين صارت حالتي النفسية زفت مرررررررررررررة ماطيق من احد كلمه مثل الكبريت صايرة
بعدها بكم سنة صارت تجي مشاكل بين امي وابوي لاتفة السبب بسبة الشغالات تعرفت على واحد عن طريق وحدة تقربلي يصير صديق الي تعرفه حبيتة بكل جوارحي وهو احسة يحبني في شهر 1 صارت مشاكل مع ابوي بسبة الشغالة وسفرناها وبعدها بشهر سافر ابوي وتزوج وتركنا راح بيت ثاني ومعد يسال عنا وانا عندي اخوان مايصرفون علينا متزوجين عندي واحد بالبيت مو متزوج
تطلبينه فلوس يقول ماعندي عايشة انا وامي على راتب الضمان الاجتماعي حقي زادت نفسيتي مرررررررة
جت خالتي مرة ودتني لحرمة تعالج قالت انتي فيك حسد وسحر شاربته واطيته عطتني علاج بس ماحس فية فايدة صرت اداوم على سورة البقرة يوم واتركها ايام واذا قريتها احس بغثيان وانا من نفسيتي زاد تعلق بها الشخص لي اربع سنوات معه جى ذكاليوم قلتله لية ماتخطبني قال طبعا هو عتيبي قال تقاليدنا ماتسمح قلت لية ماستاهل تضحي علشاني قال خليها للظروف
سافر عند اهلة وقالت له امه ليه ماتخطب قال بكمل دراسة يدرس اشعة هو مو عند اهلة قلتله ليش ماتقولها تبي وحدة قال علشان تنادي اخواني وتقول شوفو اخوكم فسد تعالوا زوجوة قلت لية علاقتنا فساد قال هذي نظرة الناس بالعامه بعدكلامة صابني مثل الاحباط وصرت اتسبب مشاكل علشان اتركة ماقدرت ساعدوني وش رايكم بكلامة عجزت اتركة مافية شي يملى وقت فراغي انا وحيدة بالبيت مع امي شورو علي الله يوفقكم دنيا واخرة

 

[الله يسآمحني..}]

السلاام عليكم ورحمه الله وبركااته..

الغاليه انا تووني الحين سجلت وهذي تعتبر اول مشااركه لي وان شااء الله اقدر افيدج ..

حبيت اقوولج شغله وحده بس حطيها فبالج..

ترى الشكوى لغير الله مذله ..!

ولا تنسين: "ألا بذكر الله تطمأن القلوب.."

انتي غيري جو البيت اقري قرآن حاولي تقعدين مع امج تطلعوون ترى الدنيا ماراح تووقف عند مشكلتج وفي نآس مشآ كلهم اعسر منج ولله الحمد حلوها بدوون اللجووء للنت والنااس الغرب ..

خلي ايمآنج بالله قووي واضبي عالصلااه وابصم لج بالعشر ان حيااتج بتتغير وبتدعين لي أن شااء الله :$


...


عزيزتي سآمحيني اذا قلت كلمه غلط بس حبيت اهديج شووي وان شااء الله اكوون ساهمت بشي يحسن نفسيتج ..


تقبلي مروري

 

[جنون العشق]

يارب يفرج همك ويساعدك

 

[منورة الكويتية]

اختي الغالية
تأكدي ان هالحزن والضيقه والقلق نتاج المعصية ياقلبي
انتي قاعده تحاجين واحد مايحل لج وتغضبين ربج
وفوق هذا وذاك اهو اعلنها صريحه مااح يتزوجج
ليش تستمرين بالغلط؟ شنو نهاية هالعلاقه
لا ياقلبي راجعي حساباتج من اول ويديد
واهم شيئ اهم شيئ حسني علاقتج برب العالمين
ولاتتذرعين بالسحر والحسدد مافي شيئ يمنع العبد من التواصل مع ربه عزوجل
كثري من الصلاة الي تنهى عن الفحشاء والمنكر وقرأة القرأن والاذكار
وداومي على الاستغفار لانه حل سحري لمشاكل كثيرة
ثاني شيئ قطعي علاقتج نهائيا بالشخص هذا وماله داعي تدورين عذر لانها معصيه وذنب لازم تقلعين عنه
وغيري رقم تلفونج واي وسييلة اتصال فيه
حسني علاقتج مع امج وابوج واخوانج
شغلي وقت فراغج بهواية مفيدة او تكملة دراسة او مشروع او وظيفه تشغل وقتج وتفيدج
ولاتنسين الدعاء وسهام الليل لاتخطئ وقيام الليل في الثلث الاخير من الليل لمن ينزل رب العباد يبي يسمع شنو نبي شنو في اكثر من جذي رحمة!!
نصيحتي لاتدورين الرحمة من الناس ماكو ارحم من رب العباد
وخلي اليوم الجمعه بدايه حلوة لج وتوبه نصوحة وصدقيني بتشوفين الخير يايلج من كل صوب

 

[زين النوايا]

​

اختي العزيزه حاولي تبتعدين عنه واقنعي نفسج بنفسج ولو فيه خير أو كان يحبج صج كان تقدم لج وخطبج واضغطي على نفسج وعلى قول المثل من عطى نفسه هواها كواها والله يعينج

 

[الراقية]

يا قلبي ابتعدي عنه اذا الله كاتبه لج راح ايي واذا الله مو كاتبه مهما تسوين ماراح يجي
خلي ايمانج بالله قوي والله الي خلق هذا الشخص خلق ملايين غيره وراح تلقين الي يحبج ويسعدج بالحلال بس اكثري من الاستغفار ورددي لا اله الا انت سبحانك اني كنت من الظالمين , وادعي الله انه يرزقج الزوج الصالح , وصدقيني مع الاستغفار كلشي ينحل
والله يسهل لج ويساعدج يارب

 

[كل همي رضا ربي]

حبيبتي اولا موضوع زواجك هذا نصيب و انتهى و انفصال ابوك عنكم ايضا يحدث في اغلب الاسر مو هنيه المشكلة انقطاع الصلة بينك و بين ربك و هذا واضح من علاقتك بشخص غريب يحرم عليك مكالمته و سماع صوته لانك لو تصلين صلاة صحيحة مؤديه ركوعها و خشوعها مستحيل تكلمين ذلك الشخص لان الصلاة الصحيحة تنهى عن الفحشاء و المنكر و اللي تسوينه منكر حبيبتي شلون تبين التوفيق من الله و الستر و الراحة النفسية و انتي مغضبه ربي طبيعي حياتك مظلمة لان ما فيها طاعه لله و لاحضت من كلامك بأن فيك خير بقرأتك لسورة البقرة و هذا يؤكد بأن قلبك ما زال متعلق بالله لكن ليس تعلق كامل بل جزئي و اذا فعلا تبين الراحه و الاستقرار قومي الان و انفضي ما تعلق بك من ذنوب و توضي و اقبلي على ربي قولي ربي تبت فأقبلني و ارحمتي فستسمعين ربي يقول لبيك وابكي على خطيئتك و استغفري من تلك العلاقه المحرمه التي لن تجني وراها الا الضياع فهو ذئب يتسلى و اذا جاء وقت الجد والله ثم و الله لن يختارك زوجه و ام اولاد اسمحيلي لم اقصد التجريح لكن هذا الواقع المر بيتزوج و بيعيش حياته و يتركك للهم و لكلام الناس من الان اتركيه و لا تفكري فيه ارفعي يديك قولي ارب تركته من اجلك فعوضني بزوج صالح افضل من هذا الكاذب و ثقي ان من ترك شيئا لله عوضه خير منه و استغفري في اليوم الف مره و اكثر غيري حياتك طهريها من الحرام جددي علاقتك مع الله فستجدين الانس مع الله وحده لا مع ذاك المخادع الذي يتسلى بك و بأذن الله تشعرين بالراحة و السكينة و انا واثقة بأن ربي لن يخذلك فقد قال (امن يجيب المضطر إذا دعاه و يكسف السوء) و قال تعالى (ادعوني استجب لكم ) و سترين ذلك بنفسك و بأذن يرزقك تعالى بالزوج الصالح و الذرية الصالحة و ستشكرين ربي على ما انعم عليك و لا تنسين بر والدتك قبلي قدميها و قولي احتاج دعاؤك و اذا كنتي صادقه مع الله الان توضي و صلي الفجر و ابكي بين يدي ربي فهو يس لك معك و يستجيب و كسري شريحة التليفون لتقطعي تلك العلاقة الشيطانية و تبدين علاقتك مع الكريم الرزاق السميع الغفور 000
اسفه حبيبتي كنت قاسية معك لاني كنت اي اصحيك من نومك العميق دعواتي لك بالهداية و الستر و الزوج الصالح طمنيني عليك

 

[ياعشيري جعلك السلال]

الله يعينج هذا شكله يلعب فيج اتكريه احسن لج وانشالله ترتاحين

 

[noona9-3noona]

اختي الغالية:
صدقيني مافيه شاب يرضى انه يتزوج بنت كلمها وانتي مو أي وحده انتي مطلقة مثل ماتعرفين المجتمع يرفض المطلقة نصيحتي لج ابتعدي عنه وغيري تلفونج واستغفري ربج واكثري من الصلاة والدعاء واقري سورة البقرة كل يوم لأنها كما قال الرسول-صلى الله عليه وسلم-<<اخذها بركة وتركها حسرة ولاتستطيعها البطلة>>اي السحرة وحاولي تشغلين وقتج بشي ينفعج ادرسي توظفي عشان تساعدين نفسج واهلج
الله يهديج ويوفقج ويصلح الأمور ان شاء الله

 

[جوك احلى جو]

كثري استغفار وماكو شي يظل علي حاله والزواج قسمه ونصيب وبعدين شكله يتهرب

وانتي قطعي العلاقه دا اهو يلمح ان ماراح يتزوجج ترا اللي قاعده تسوينه حبيبتي حرام

تركي هالاشياء وتقربي لربج اكثر وان شاءالله يفرج همج ويرزقج كل اللي تتمنينه ياربق

 

[قلبك وحشني :(]

للاستغفار مفعووووووول عجيب داومي عليييييييه والله يوفقج

 

[أبلة اجتماعيات]

اختي نصيحتي لج اتركيه قبل يجي يوم واهو يتركج لأنه مستحيل يتزوج منج هذا قاعد يلعب وعذره انج مطلقه , أصلا لو يحبج ما اهتم باي شي
وداومي على قراءة سورة البقره والله انه مفعولها عجييييييييييييييييييييييييب وبقولج كلمه وحطيها قاعده والله ان رب العالمين ما يخيب ظن أحد فيه وراح يفرج لج ضيقتج بس اذكريه عشان يذكرج ..

 

[الحراير]

صدقيني هذا يلعب عليج لو يحبج ويبيج يكلم اهله والله بس يبي يتسلي باجر يتزوج ويخليج ونصيحه من اخت لاخت اتركيــــــــــــــــــــــــه

 

[غير كل الناس]

باختصار

لو في شمس بانت من امس

اتمني انش فهمتيني

 

[cuteya22]

كلام منورة كويتية عجيب
فعلا سهام الليل لا تخطيء
اكثري من قيام الليل والصدقة والاستغفار جربي والله انتي الكسبانة
كثري من الاستغفار طول نهارج و ليلج استغفار والله بتصير لج مفاجئات عظيمة بس امانه بكل شي حلو يصيرلج ادعيلي

 

[صمت الليل]

يمكن أكون قاسيه بالرد بس اتحمليني ,,,,, يا قلبي كيف تقولين أنتي وحيده ولج رب ما ينسى عباده ,,,,,,,يا بنتي اتركيه والله لو كل وحده

بتحكيلج مشكلتها كنا بنرد بأفلااااااااااااااااااااااام ما تصدقينها هذي مو مشكله تتعبج هالكثر وتنهارين ,,,, دوسي على قلبج وخلج بنت أبوها

خلج بنت رجال أنتي اللي تتحكمين وتختارين مو أهوا اللي مو قادر يختار حتى زوجه من خوفه ,,,,,, وتقبلي كلامي لو انه جارح بس ما راح أجامل وراح أرد كانج أخت ....

 

[شوشو الشقيه]

اختي الغالية:
صدقيني مافيه شاب يرضى انه يتزوج بنت كلمها وانتي مو أي وحده انتي مطلقة مثل ماتعرفين المجتمع يرفض المطلقة نصيحتي لج ابتعدي عنه وغيري تلفونج واستغفري ربج واكثري من الصلاة والدعاء واقري سورة البقرة كل يوم لأنها كما قال الرسول-صلى الله عليه وسلم-<<اخذها بركة وتركها حسرة ولاتستطيعها البطلة>>اي السحرة وحاولي تشغلين وقتج بشي ينفعج ادرسي توظفي عشان تساعدين نفسج واهلج
الله يهديج ويوفقج ويصلح الأمور ان شاء الله

انا بصراحه مع الاخت او العضوه في رائي
ما شاب يتزوج بنت كلمها باي طريقه سواء تليفون او ماسنجر او غيره
اختي لا توهمين نفسك يتزوج تعيشين في احلام اختي هذه قاعده احنا ما قلناها ولكن الشباب بنفسهم قالوها
ما ناخذ بنت كلمنهااااااااااا
وحتى لو يحبك بيتسلي فيج كم شهر وبعدين يتغير عليج وعرفيها ما يحتاج يقول بلسانه امشي او نريد ان نفترق من علاقتنا
عرفيها من نفسك
وحفظي ماء وجهك وانتي اطلبي منه الفراق وانهاء كل شيء
لانه معظم الشباب جبانين
ما يطلبون الفراق ولكن يفعلون تصرفات عشان تتركينهم
وبعض الاخر ما ابي احرجها خليني اتغير عليها واعاملها نفس الجدار عشان تحس بدمها وتمشي مني
ما يقول ولكن تصرفاته تقول انه يريد الفراق
من كذا
يا اختي لا تعطينه فرصه هذا الرجل يعمل فيج هذا التصرف وحفظي كرامتج
انتي قدرك كبير وليس صغير عند كل شخص يتملل منك يطردك يا اختي
انتي عبالج بيقول لج نريد الافتراق بعد ما يتملل منج احلمي
ولكن بيتغير عليج 180 درجه من تصرفاته عشان انتي تطلبين منه هذا الشيء
ولا يضع على نفسه اللوم انه هو من ارد الافتراق
يحسسك بعذاب الضمير انك ظلمتي شخص
يا اختي الشباب اذكي مني ومن الف بنت موجوده في العالم
بذات في هذه المواضيع
احنا نطلع قدامهم اغبيه
يعطونج الامان ويظهر بمظهر الطيب والاخلاق
لما تتركينه شوفي وجه الثاني والله بيصيبك رعب وتمنين الف مره ما عرفتيه
انا اقولج توبي لله توبه نصوحه
والله ما اكذب عليج الشباب ما ياتي منهم الا مصائب
تقربي من الله واتركي هذا التصرفات واتجهي لله وحده
ما تدرين الموت والصحه كله بيد الله
اذاذ انتي اليوم صاحيه باكر الله يعلم انتي كيف حالك.............
فالانسان يعمل ليومه قبل باكر او الغد
من اختج شوشو الشقيه
يا اختي البيوت اسرار
وكل شخص لديه هم فوق ما تصورين
في ناس همهم المال
في ناس همهم الصحه
في نناس همهم الشهاده والمنصب
لا يغرج انسان يضحك او انسان يتكلم تعالي شوفي قلبه فتحيه بتعرفين كيف نار الي بداخله

 

[(كويتيه عسل)]

انتي متعلقه فيه لان عندج فراغ عاطفي ابوج واخوانج بعيدين عنج
واهوا مالي عواطفج وشاغل وقت فراغج
وانتي مبين عليج خوش بنيه وماتستاهلين اللي يصيرلج
اهوا لعوبي ماراح يتزوجج وسالفة امه موراضيه ماضنتي السالفه صج
انصحج تقطعين علاقتج فيه وانسيه ادري صعب بس حاولي تشوفيلج شي مفيد تشغلين وقتج فيه
شوفي شنو هوياتج وطلعي مواهبج بهوايتج
وفي حل ثاني اتوقع هذا انسب حل لج
ليش ماتتزوجين مره ثانيه وتفتحين صفحه يديده وتبدين حياة يديده وتنسين الماضي
شوفيلج خطابه تدولج ريال سنع

 

[بطاط مهروس]

الله يفرجها عليج ان شاء الله ..... قومى صلى ركعتين واقراى اشوية قران الله يريح بالج
وعلى هذا اللى تكلمينة ....... خلية الله فوقة وانتى استغفرى ربج الله باجر يرزقج بالريال الصالح والزين
واذا خلاج مو معناتة نهاية العالم
عسى ان تكرهوا شى وهو خيرا لكم وعسى ان تحبو ا شى هو شرا لكم

 

[tmtmt]

البنات ما شاءالله ما صروا
بس حبيبتي انتي تقولين ما اقدر اقرا سورة البقره
شغليها وطولي عليها خل تشتغل بالبيت كله وبغرفتج
سمعي
وكثري من الاستغفار
والله يعيينج