الله يفرج للي ترد علي حيل حيل متضايقه

[ماما احبك]

سلام عليكم خواتي وشلونكم. بنات انا اليوم رحت موعدي عند منصور الصليلي وكان لي ثاني يوم الدوره. وقالي ان هرمون الحليب 980 وان عندي غده. بس ماقالي نوعها بظبط وقال انها هي تزيد الوزن وكشف علي سونارررر داخلي وكتبلي كلوميد. وكتبلي لهرمون الحليب dostinex. اكل يوم السبت حبه والثلاثاء حبه. يعني بلسبوع مرتين. وكتبلي. للغده. حبوب. Eltroxin. حبه ع الريق. وكتبلي كلوميد وسألته عن حجم البويضه وقال ماتاضح. وقالي تعالي ايام. التبويض. اكشف. عليك. بس الي محيرني. ليه يكتب منشط. وهو يقولي. ماعندك تكيس وصراحه. حيل مصدومه. منه حيل حييييل. مستعجل تكفون الي. جربت هذي الحبوب للهرمون والغده. والكلوميد. تقولي متا نزل معها. بعد كم. شهر. نزل. والله يابنات. أني حيل متضايقهه. بس متوكله. ع رب العزة والجلال. وتدعون لي ان ربي. يسخر. لي زوجي. زوجي حلل اليوم وطلع سليم. واحس تغير علي واليوم. شخصيته. تغيرت حيل علي.يعصب ع اي شي وقام يلمح لي انه يقدر ينجب أطفال وانا لا. يارب افرجلي احس مخنوقه يارب افرجلي لاحول ولاقوة الابالله *

 

[ماما احبك]

وأبي رايييييييكم. بدكتور. منصور الصليلي. من عالجت عنده واحملت. من الهرمون وآسفه ع الاطلاه بس تكفون تحملووني والله مخنووووقه وأبي افضفض.

 

[جوليانـو]

يا قلبي لا تكدرين نفسك وسبحان الله كل شي من الله وبعدين لو فيه شي كبير قال لك مالك علاج ويارب يسخر الله لك زوجك ويا حبيتي توكلي على الله واشربي علاجك وطمنيني عليك اختك لولو من السعودية وابغى الرسالة الثانية تكوني مرتاحة ومتفائلة خلاص و يارب ويارب الله يوفقك ويرزقك وتكون هالسنة خير لك وليا ولجميع المسلمين

 

[ام دليار]

الله يرزقك يارب
معك خمول بلغدة الدرقية عادي تتعالجي بس تلتزمي بلدواء بتحملي
أما زوجك الله يهديه الدنيار دوارة مابخاف الله يبتليه
قوليله الله بتلاني لأنو بحبني
لاتضايقي حبيبتي وأنتي بتقدري تجيبي أطفال الطب تطور كتير خلي أملك بلله

 

[بدوية بملامح كشميرية 86]

الله يرزقج. يارب

ومنصور العرف. حييييل. شاااااطر

 

[برنسيسة2007]

حبيبتي ترا اذا الخلل منج احسن منه يكون بزوجج لان المره علاجها ابسط من الرجل بعدين انتي اسم الله عليج ماشاء الله تباركرالرحمن مشكلتج بسيطه محلوله وترا مشكلتج عاديه والادويه ان شاء الله تفيدج
بس انتبهي ترا التفكير والهم بالحمل يرفع هرمون الحليب اكثر
واشربي البردقوش لانه منظم هرموني اخذي العشبه من العطار وحي عليها ماي فاتر ٣مرات باليوم والقسط الهندي بعد كل صلاة وادعي الله في سجودج بالشفاء وتسخير الزوج
وزوجج ليش معاملته قاسيه !! المفروض يشيل همج يعني فهميه حبيبي انا محتاجتك انا احاتي مع ان الدكتور والحريم يقول هلمشكله عاديه واللخبطه من نفسيتي>>>موهجوم وهواش لا حطي انج منهاره ومحتاجته
روح للدكتور وهو مايدري قولي دكتور زوجي مو فاهم الوضع وحاط براسه انه هلمشكله كبيره ويبي يتزوج وانا نفسيتي تعبت واللي اعرفه ان التفكير يلخبط الهرمونات اذا جيتك بالموعد الجاي فهم زوجي ان الوضع طبيعي وان النفسيه لها دور
وحاولي اتخلين زوجج يدخل معاج بس لايعرف انج امكلمه الدكتور وان شاء الله خير بس صلي استخاره قبل ماتروحين وتوكلي علا الله

 

[مربى و قيمر]

الله يرزقجً اختى الدكتور منصور ماشاء الله شاطر توكلى على الله وخليج على اعلاجه بإذن الله حامل عن قريب وحبوب هرمون الحليب تنزل الهرمون على طول وشهر الجاي ان شاء. الله راح ينزل نسبة الهرمون
بس صج كلامه هو مستعجل مايعطيج فرصه تكلمين عن نفسج بس عارف شغله لاتحاتيين خليج ريلاكس
والله يرزقجً ويرزقنا

 

[سمو النفس]

ماحبيت اطلع من غير ماادعيلج
يااارب يهدي زوجج ويرزقج بالذريه الصالحه عاجلا غير اجلاااا يااااااااااااااااارب ويرزقنا معاج

 

[ثنايا الورد]

البنات ماقصروا وربي يهدي لج زوجج ويرفع الله شانج عنده ويعرف قدرج
ويحنن قلبه عليج ويعطيج امنيتج قريب مو بعيد

 

[سعودية بالكويت]

أسأل الله الكريم رب العرش العظيم الحي القيوم​

ذو الجلال والأكرام أن يشفيج ويرزقج الحمل السليم ويسخر​

لج زوجج ويعطيه من الرضا والصبر أكثر اللهم آمين آمين آمين​

ربي يفرحج الشهر الجاي بس أنتي لاتتضايقين وكل شهر تفائلي​

عشان الهرمونات ماترتفع من النفسية وتنتظم داومي على الأستغفار​

والصلاة وعليج بقيام الليل وربي بتشوفين العجب من رب العباد أقلها الراحة النفسية​

والرضا التام سبحانه تصدقي بنية الشفاء والحمل وربي مايرد بابه عن عبده الضعيف​