الله يوفج اللي ترد، حامل وريلي بيرجع من الحج شسوووي أفكاركم بلييييييز :((

[NaThYa85]

قوة بنات

ريلي بيرجع من الحج بالسلامة انشالله ومحتارة شسوي او شنو اهديه او شلبس شغير بعمري

مع العلم اني حامل بالخامس مابي اسوي شي يصك على اربعيني انشالله

أفكاركم الحلوة يا حلوين 

حتى وان كانت بسيطة الله يخليكم لا تبخلون علي هذي اول مناسبة من هالنوع واول مرة يسافر ويتركني من غير شر *

 

[قسوة الزمن]

اممممم لا تسوين شي اوفر بس زيني الغرفة وحطي طاولة فيها باقة ورد كبير داخلها هديته بوك ساعة بيبي ايباد ايفون

لبسي ميني دراعة

 

[ياغفور اغفر لي]

غيري الكفر حاولي تغيرين ترتيب الغرفه مثل مكان التسريحة الكمودينه
غيري تسريحة شعرج مثل اذا انتي كبه استشوار سيدا اذا رجع ان شا لله سوي ويفي او كيرلي او لاشات
بس لاتصبغين
حفي جسمج حفي ويهج شقري حواجبج وصبغيهم غيري رسمتهم تعرفين سوالف الصالونات عاد سوي نقشه تاتو خفيفة فوق كعب الرجل خليها لرجل وحدة بس رووعه انا سويتها

اشتري لبس جديد للبيت *

 

[EleGanZa]

في نفس موضوعج بالقسم دشي واستفيدي فيه وايد افكار حلوه

والله يرده لج سالم ان شاءالله

 

[دلوعة أبوهآ]

أول شي غيري ديكور غرفتك .. اشتري اثاث جديد او اكسسوارات للغرفه جديده
غيري ستايلك .. يعني قصي شعرك أو صبغيه ..

غيري ستايل ملابسك .. اشتري قمصان جديده الوان غريبه وتناسبك ..

اشتري شموع وزيني البيت فيها ..

جهزي له عشا رومنسي في اول يوم يرجع

 

[آتعــبني غـلآآك]

اب اب لعيونج

 

[زوجة عزيز]

الله يرده لكم بالسلامه

 

[توتا حمرا]

اتسوين له عشاء وبعض التغييرات في الديكور يعني خلي كل شي بسيط
والهدية جوفي اهو شنو محتاج او شنو بخاطره وييبيه له​

 

[كويتيه مـزيونه]

الله يرده لج بسلامه

اول ما يرجع بليل لبسي قميص قصه حوامل ويكون قصير فوق الركبه وسووي شعرج كيرلي وحطي فيونكه ع شعرج ع جمب
ولبسي عدسات وحطي ميك اب ناااعم وحمررره قوويه نفسس الفوشي او الاحمر
ولبسي صندل نفس لون الحمره وسووي عششا خفيف مثلا عيش مشخول وسوي حمسه ربيان وحطي شموع واذا عندج اضاءه الديسكو حطيها
واممممممم واشتريله حطيه مثل قلم غالي او بووك او جوتي وانتي بكرامه حق الشتاء
وان شا الله تكون اعجبتج الفكره والله يخلليه لم وتولدين بسسسلامه

 

[Laidy n3ooma]

طلبي كيكه وكتبي عليها حج مبرووك وسعي مشكور .. وحطيها على طاوله مع عشان خفيف وجم شمعه ولبسي لبس ناعم

وسوي تسريحه ناعمه ماسويتيها من قبل وخلي القص حق بعد الاربعين

 

[zaina alotibi]

الله يرده لج بالسلامة ....

عشا خفيف رومانسي على اضواء الشموع وفستان حريري طويل وموديل شعر ستريت وميكب خفيف

وفكرة ليلة المساج حلوة بعد خصوصا جاي من حج وتعبان من المناسك بس على الخفيف عشان حمالج

 

[نوور]

والله كأنج تتكلمين عني. بس الفرق انا بالتاسع
الله يهون علينا ان شاءالله
انا طبعت عبارات مثل ( تقبل الله منك ) ونورت بيتك حبيبي وعلقتهم بالسقف بفتحة السنترال وشريت مجسمات الكعبه من سوق المعلم وعلقتهم بالسبوت لايت
وغيرت كفر السرير وعندي شاشة سي دي تعرض صور حطيت كل صوّره بالاحرام وبشغلهم لما يوصل وبجهزله الحمام شموع وبترسله البانيو اكيد بيكون تعبان ويبي يرتاح. هذه افكاري للحين باقي بس لبسي والاكل. الاكل مقدور عليه بس اللبس شنو يلوق على هالكرشه !!!!!!! ادعيلي بالتيسير

 

[الحرير]

اب لعيونج
الله يرد ازواجنا بالسلامه يارب

 

[اسيل الصمت]

اب لعيووونج

 

[@ DLOO3TAH@]

ـأب

 

[Dam3t Daloo3a]

انا نفس حالتج بالضبط
وفكرت بالي بسويه اول شي غرفتي النوم بغير بطريقه الاثاث ومكان الكرفايه وشكل الغرفه عشان يحس بتغير
وعاللبس بلبس شي ناعم حيل مو شايفه علي من قبل و اهم شي ما يطلع بطني بشكل واضح يعني مايكون مخصر حيل وبغير كفري الي حاطته
وبحط اشياء الرومانسيه مثل الشموع وهالسوالف
وبالنسبه للهديه خلصتها امس وارتحت
الصراحه انا ما كنت ابي شي يكلفني وايد
فرحت سوق الديرة وخذيت مجموعه عطور رجاليه ووديتهم حق الدر المنثور وحطيتهم بصندوق وزينتهم وكتبله كلام بمناسبه رجوعه من الحج
وحق المطار مفكرة اسويله طووق ورد لان يحب الورد
وعجبتني فكرة نور شكلي بكتب عبارات تخص الحج وبنثرها بطريقه حلوة
ومفكرة اغير ستارتي الي بغرفته النوم
وبس سلامتج اتمنى اكون فدتج بافكاري *​

 

[غلا-زوجي]

غيري الكفر .. واسي شعرج لاتقصينه خلي القص عقب النفاس
رسمي حنه على ظهرج .. رسمة فراشه باخر الظهر او شمس..
قميص نوم يديد.. حطي هتي مشموم وحطيه تحت الكمبل ورشي لشرشف بماي ورد قبل لا يدخل

 

[كـ غلا ــلي]

يتروالي اول ما يرجع زوجج بيكون حده تعبان يعني كلش مو مال جو رومانسي خلي اول يوم ريلاكس حقه

عطري الغرفه بعطر مريح مثل الخوخ ولا الفل قعدوا بضو الشموع و حطي عشا بسيط عقبها تجهزين له حمام دافي وكوب اعشاب

ونوم العوافي ولبسج خليه بسيط وناعم عقب يومين سويله ليله رومانسيه بكون ارتاح وخلص استقبال

الاهل واهم نقطه لا تغيرين بشي الا عقب الاربعين عشان تكون زهوه