الله يوفقكم افيدوني بالتحليل هذا ؟

[اختكم بالله]

السلام عليكم



شلونكم يا اغلا بنات والله اني استفدت منكم حيل يابنات ديرتي


دكتورتي اوصفت لي كلوميد والاسبوع اللي طاف عطتني ابره بس مادري كم قوتها المهم اليوم السبت لي 21 من الدوره قالت سوي تحليل بروجستيرون اعتقد اسمه

سؤالي هذا يبين اذا في حمل ؟
شلون تكون النسبه
واللي عندها خبره شلون تعرف اذا الوحده كانت حامل او اعراض
يعني في بنات اخذوا ابر ومافادتهم هل في خلل في تحاليلهم اللي سوها ؟

واللي خذوا ابر وطلعوا حوامل شنو شلون اعرفوا في اعراض معينه ؟


مع العلم ان قبل يومين ارحامي كانت تعورني حيل والحين الم خفيف


شاكره لكم وياليت تفيدوني


ادعولي يابنات والله خايفه اليوم موعدي يارب اكون حامل


رب لاتذرني فردا وانت خير الوارثين

 

[فراشة مغرورة]

يارب حامل بحق اللي ماتنام عينه

 

[m e m e]

حتى انا الدكتووره عطتني التحليل تقوول عشان يبين لنا اذا البويضه فعلا بويضه و لا بس شكل و من داخل فااضل

و اهي قالتلي ان راح يبين اذا في حمل بس انا استغربت اشلون يبين و الابره التفجيريه ( حتى انا خذيتهه) عباره عن هرمون حمل

يعني اذا حللتي قبل الاسبوعين راح يبين حامل

بس من الافضل تسألين الدكتووره لأن انا قالتلي يبين و نسيت اسألهه شلون انتي لارحتي المختبر قوليلهم


العوار اللي تقولين عنه هذا من الابره التفجيريه حتى انا يصير فيني حذي



انشاء الله يا رب تكونين حامل

 

[شمس]

يا رب تكونين حامل

ويرزق كل اثنين يتمنون العيال


يارب ياكريم

 

[تفااحة]

هذا التحليل يبين استجابة البويضة وقوة الرحم وسماكتة بس مو بالضرورة تكونين حااامل انا سويتة اكثر من مرة وكان ماشاللة ممتاز بس سبحان اللة ننزل الدورة ومايصير الحمل ............ اللة يرزقج يارب ويرزقني والحمل مايبين الا قبل الدورة بيوم اويومين تسوين هرموني ولا انطري لين تتاخر الدورة وحللي احسن

 

[&رعبوووبه&]

الله يرزقنا وياج يارب

انشالله حامل

موفقه

 

[فتكات بنت كيداهم]

انشالله حامل صبرى شوى وبعدين سوى تحليل وبشرينا

 

[Coffee-Girl]

انشالله حامل

 

[strawberryq8]

الله يرزقج الذرية الصالحة
ويرزقني معاج
ويرزق كل اللي تبي يارب

 

[ReD^FaNta]

الله يرزقج يارب

 

[اختكم بالله]

الله يجزاكم خير والله يرزقني ويرزقكم


الدوره جتني وان شاء الله بشهر الخير ربي يستجيب لنا ونحمل


اجمعين يارب