حبيبتي بقولج عن برنامج سهل سهل سهل و ما يكلف ابداً ::
حق الوجه و الجسم روحي الجمعية و اخذيلج سنفرة ستيفز الخاصه للوجه و الخاصه للجسم اعيز و انا اقووووولج هالسنفرة عجيــــــــــبه ,,
سنفرة الوجه كل يومين سنفري عدل و سنفرة الجسم مع كل شور ...
و لازم لازم لازم الترطيـــــــــــــب عقب السنفرة و حبيبتي همن اخذي العصاااار الكبير مال ستيفز اللي على شوفان و عندج اللي على خيار ترطيبهم للامانه للامانه عااااااااااااااالي و يبردون جبدج ,,, و كل هالاغراض تحصلينهم بالجمعية ,,, و مثل ما قتلج الترطيييييييب مهم لان الجفاف اهو اللي يسبب السمار و الترطيب يعطي نظاره و يشد جلدج حبيبتي ...
الشعر انا جربت زيووووووت ليما قلت بس ,, آخر شي استقريت على زيت برشوت الازرق القديم ماااااااااكو على حمايته و تغديته حق الشعر و يخلي شعرج يلمع ,, شوفي شعوووور الهنود شلون قوية تبارك الرحمن جنه شعر حصان لا اله الا الله ,, حطيه بالاسبوع 3 مرات بس ,,,
بالبنسبه حق الريول ,, كل 3 ايام نقعيها بطشت فيه ماي دافي و قعدي فركيها و قصي اظافرج و برديهم و رطبيها و لبسي دلاغات ,, و بالنسبه حق الايدين نصيحه من اليوم ليما يوم عرسج كل ما بغيتي تطلعين لبسي دسوس بيج او بيض مو سوووود عشان اللون الاسود يمتص الحرارة و طبعا سنفريها بسنفرة ستيفز و حطي كريم و لبسي الدسوس و شوفي التفتيح و النعومه بس يبيله استمرار عالاقل اسبوعين ,,
مسك الختام :: الوجــــــــــــه ::
نصيحه نصيحه من اخيتج ,, اشكثر عابلت بالكريمات اخر شي وفررررررررت على نفسي كل هالعباله و استقريت على شيين و صرت ما استغني عنهم ,,
العضوه الحبيبه وردة سلفر ما قصرت و علمتنا على تونيك تسوينه حق الويه موووو طبيعي :: يعطي نظاره و يخفف الهالات السوده و يصفي الويه ::
الله يسلمج روحي الحواي و اخذي منه جيس صغير بنص دينار فيه بابونج و جيس ثاني همن بنص دينار فيه لافندر
و روحي البيت و جيبي قلاص و حطي فيه قفشه بابونج و قفشه لافندر و صبي فوقهم ماي حار و غطي القلاص بصحن صغير و نطري عليه ساعه و عقب صفيه بمشخال و حطي هالتونك بقرشه زجااااااااج و خليها بالثلاجه و كل 5 ايام سويلج واحد جديد لان اساسا التونك اللي راح تسوينه شويه مقدار كوب واحد و التونيك راح يخترب ف حده 5 ايام و لازم تخلينها بالثلاجه و جيبي قطنه و مسحي ويهج بالتونك باليوم 3 مرات و شوفي ويهج عقبها ,,,
و الشغله الثانيه المرطب ,, اشتري من الجمعية مرطب غارنييه البنفسجي مكتوب عليه اساسيات وااااااااااااايد حلو و الكل يحبه و المرطب حطيه قبل المكياج و قبل لا تنامين غسلي ويهج و حطيه ,,,
و أي استفسار بخصوووووووووووووووص اي شي تراني حااااااظرة حبيتي دزيلي عالخااااااص ,,,
بليز الله يوفقكم
