الله يوفقكم ساعدوووووووني مالي غير الله وانتم

[اتعبني غلاه 1]

قووه امهات ماراح اطوول عليكم
بنتي عمرها سنه صارلها اللحين 5 ايام ماترضع كلش
يعني تقعد كم ساعه توصل اكثر من 8 ساعات مو راضعه
وللعلم بنتي نوعيتها ترضع وهي نايمه اذا قعدت وشافت الرضعه
تقطها يعني ماترضع وهي قاعد كلش اللحين صارلها كم ماترضع
وانا تعذبت والله وانا اوشوفها جذي هالحاله جتها قبل وراحت وردت اللحين
الله يوفقكم الله عندها خبره تقوولي اهي بجري يعني مالي خبره
الله يجزاها الجنه ويحقق مرادها يارب

 

[barbie girl]

رد : الله يوفقكم ساعدوووووووني مالي غير الله وانتم

يمكن مريضه فيها احتقان او بلاعيم جيكي

بعدين تنطرين مساعدتنا احنا مو فاحصين البنت طيري فيها عالدكتور اشتنطرين الله يحفظها

 

[عبث طفله]

عادي بنتج كبرت تبي الاكل


انا بنتي اعطيها الرضعه بالليل قبل لاتنام والفجر اذا قامت .. والصبح اريقها واغديها



وبالليل اعشيها حرام بطنها يكون خالي بس حليب

 

[عبث طفله]

ويمكن صج مثل ما قالت الاخت مريضه او فيها فطريات بحلجهااا

 

[منالـ]

وديها لأي دكتور لا تسكتين عنها
ترا الجاهل ما يعرف يقول هالشئ يعورني او يشكي
تقبلي مروري

 

[اتعبني غلاه 1]

جزاكم الله خير
اهي تاكل بس الحليب لا
يعني فترة النوووم كلش

 

[أم حيدر]

وديها طبيب أحسن عشان تتطمنين

بس من خبرتي المتواضعه الياهل يمر بفترات ذروة يبي حليب وايد وبفترة خمول ما يبي الحليب كلش

وانتي انتبهيلها لما تاكل وتشرب تفتح حلجها ؟ تتنفس من حلجها ؟

لان هم اللحمية تخلي الياهل يقطع الحليب مثل ما صار مع عيالي

 

[آلهيــ ــلآويهـ]

رد : الله يوفقكم ساعدوووووووني مالي غير الله وانتم

لا باس على بنتتس

اولا عنوانتس غلط
مايجوز تقولين ((مالي غير الله و انتم !
المفروض والصح (( مالي غير الله ثم انتم

ودي البنت للطبيب يمكن احتقان مثل ما قالوا البنات
او خشمها مسكر !
اوووووووووو مليون احتمال
الافضل الطبيب

واذا مالها الا العافيه

ترى حلو رضعه بالليل وهي نايمه
والصبح وكليها بهالعمر تاكل وشربيها حليب الورعان الكراتين نكهات ... خليها لو ما تشرب عدل تذوق
ومع الوقت تتعود ترى ازين لصحتها

​