الله يوفق ويرزق من ترد علي محتااااااااره بلييييز !!!!

[تفوق الوصف]

كيفكم كويتيات ...
انا ناويه اروح هالصيف لاوربا انا وريلي بس المشكله مترددين بعده امور :eh_s(10):
اولا احنا بنجلس 15 ليله فينا وزيلامسي وسالسبيرغ وميونخ وباريس ...
طبعا نبي منكم تدلونا على فنادق حلوه واسعارها معقوله لان الميزانيه محدوده ...
وعلى فكره يمدحون السكن بكابرون افضل من زيلامسي اذا تعرفون بهالمدينه ياليت تساعدوني ))
واخر طلب قسموا لي الايام يعني الافضل اقدم مدينه على مدينه او اطول في مدينه اكثر بقولكم احةنا مفكرين نجلس
((اولا فينا يومين وبعدها سالسبيرغ يومين و كابرون او زيلامسي 5 ليالي وميونخ 3 ليالي وباريس 3 ليالي ))
وهذي احلى ورده للي ترد علي​

:eh_s(7):​

[/B]

 

[قاهرتهم17]

انا ما رحت اوروبا بس من عمتي قالتلي انه السكن بكابروون احسن من زلمسي لانها غاااليه ..
و
ان شا الله البنات يفيدونج ..
و
للرفع ..

 

[نورة بنت الكويت]

أنا و الله نفسج حبيبتي هذي أول سنه بروح فيها لأوربا
بس إحنا حجزنا مع سفريات الوسيط مع قروب قلنا أضمن لإنها أول مرة لنا
بس في التقارير السياحيه في المنتدى ممكن تساعدج على إنج تختارين
و بعد منتدى العرب المسافرون ممكن تعرفين شنو احلى المدن
و الله يوفقكم يا رب

 

[عبير-الشرق]

حياتي انا رحت فينا زلمسي ميونخ وكانت 15 يوم ويادوب كفت تبين نصيحتي زيدي الايام لباريس واحسن شي خط الرحله كويت فينا ميونخ كويت وتروحين من فينا الي زلمسي بالقطار او بالباص 4 ساعا ت بس كنها 4 دقايق من حلات المناظر اللي تشوفينها واذا بتسكنين بزلمسي احسن فندق جراند هوتيل الوحيد اللي يطل علي البحيره بس غالي وذا بتاجرون سياره انصحج تسكنين بكابرن لان فنادقها احلي وارخص وتفتحين البلكونه اطلاله علي جبال الالب منظر عجيب بس كابرن وايد هاديه وزلمسي لويه وكافيهات ومطاعم ووناسه تردين من الرحله للفندق وترتاحين وتبدلين وتكملين لي بالليل بزلمسي وبعدين لاتنسين مصنع شوارفسكي من زلمسي عجيب لاتغتقدين انه مصنع ومكاين والات اهو معلم سياحي شحلاته وفندقنا بكابرن ماني ذاكره اسمه بس اذكر كلمه وبعدها برجر سوي سيرش علي الفنادق وتلقينه فندقنا بفينا ريسانس حلوبس مكانه هادي يعني تروحين للسنتر بالاندرجراوند بس عجبني موقعه هيلتون لانه بالسنتر ولا طوفج طبعا الثلج اللي بكابرون والزحليقيات الصيفيه مغامره حلوه وتروحين من زلمسي الي ميونخ بالباص او القطار ساعتين وفندق هوليدي ان سيتي سنتر ممتاز وخلي ميونخ للشوبينغ راح ارتبلج اهم الاماكن السياحيه بفينا رحله بالباخره بنهر الدانوب مع غداء وبرج الدانوب ومغاره هتلر طبعا احنا يالحريم ماعجبتنا بس عجبت الرياييل والتل فريك مع الزحلاقيات الصيفيه قصر الشنبرون ملاهي براتر وطبعا بالليل تتمشون بالسنتر عند مبني الاوبرا لي الساعه 12 بالليل زحمه وامان وبالنسبه لزلمسي الثلج بكابرون والشلالات والمصنع شوارفسكي وانصحج لا تسكنين بسالزبورغ ماتسوي روحيلها رحله من زلمسي وبنفس اليوم ردي مافيها الاقلعه ومادري عن باريس لاني مارحتلها واتمني اني افدتج

 

[ام مهاوش]

حلو خط السير بس لوتلغين باريس يكون احسن لانها وايد غاليه وبعيده يعني لازم تروحين لها بالطيران الاقتصادي او بالقطار والرحله اتوقع 7 ساعات او اكثر
فندق حلو وسعره زين ومجرب بفيينا بالسنتر اسمه يوروبا اذا حجزتو من بوكنق تضمنون نص الاسعار
سالزبورغ فندق ستين بالسنتر ويطل على النهر او فندق كراون بلازا او رينساس
زلمسي فندق هيتزمان او زوم هيشن موقعه بالسنتر وسعره زين
ميونيخ فندق ميركور ميونيخ ستي سنتر او ليوناردو ميونيخ ستي سنتر بالسنتر واسعارهم زينه
للعلم الفنادق اللي حطيتها لج كلها 4 نجوم واسعارها خياليه مقارنه بموقعها ومميزاتها انا اهم شي عندي النظافه والموقع والسعر وهذيل الفنادق احسن شي

 

[*صاحبة السمو*]

مرحبااا
يفوق الوصف ذكرتيني بأحلى رحلة بعمري :rerrerek::rerrerek:

شوفي انا بأعطيج اقتراحات
اولا مدة 15 يوم لكل هالمناطق ماتكفي كلش
بس اذا تبينهم كلهم انا اشوف ان تكون خطة سيرج بالشكل هذا

كويت - فيينا - زلمسي - سالزبورغ - ميونخ - باريس - كويت

أولا فيينا :
مدة الاقامة يومين(ليلتين) كافي يوم اللي توصلون فيه خصوصا اذا كان الظهر واليوم الثاني
اول يوم روحي حق ستيفنز بلاتر و الماريا هلفر
ثاني يوم روحي قصر الشنبرون وكملي الماريا هلفر ( بالنسبة لنهر الدانوب مانصحج تروحين له لان زلمسي فيها مناظر طبيعيه ترررررررد الروح احلى من نهر الدانوب )
بالنسبة للفندق (Hotel de france ) واااااااااااااايد عجييييييب من كل النواحي واعطيه 10من10

ثاتيا زلمسي:
مدة الاقامة 3ايام (3ليالي)
اليوم اللي توصلون فيه روحوا للسنتر وتمشو فيه واخذوا جولة بالبوت
ثاني يوم روحوا لقمة حبل كشتاين هورن
ثالث يوم روحوا للزحلاقية الصيفيه
وبالنسبة لشلالات كريملر كللللللش مانصحج فيها ماتسوى كلش وبايخه
السكن عندج فندق see hotel مووووووقعه عجييييييييييييب والغرفة تهبل بس انه 3 نجوم ومااكو خدمة كللللللش

ثالثا سالزبورغ:
3 ايام (3ليالي)اليوم اللي توصلون فيه روحوا tour مع شركة بانوراما اسم الرحلة sound of music وايد حلوة ومدتها 4 ساعات من 2 لما 6 في حالة اذا وصلتوا حق سالزبورغ مبجر
ثاني يوم روحوا للكهف الجليدي
ثالث يوم تسوق في المدينة القديمة زحدائق الميرابل وجولة في نهر السالزك
الفندق كراون بلازا

رابعا ميونخ:
عن نفسي انا مارحت لها الا يوم واحد عن طريق سالزبورغ من الصبح لي الليل
اذا تبين بس تسوق يكفيها يوم من الصبح لي الليل
اذا تبين اكثر اما انج تلغين سالزبورغ او باريس لان الايام ماتكفي

بالنسبة لباريس 6 ايام كافي
وانا سكنت في امارانتي ماكان ذاك الزود واااايد قديم بس موقعه باول الشانزليزيه


وبس
ان شاء الله اكون افدتج حبيبتي :weight_lift:

 

[تفوق الوصف]

مشكورررررررات ويزاكم الله الللف خير .. والمعلومات اكيد استفدت منها انا وريلي بس من نصايحكم غيرت خط الرحله ...
فيينا نفس قبل ليلتين وسالسبيرغ 3 ليالي وزيلامسي 5 ليالي وميونخ ليلتين حق التسوق كافي وباريس 4 ليالي هم كافيه اتوقع
بالنسبه للفنادق بنشوف اسعارهم اذا حلوه بحجزهم من الحيين والاهم مواقعهم ماتكون بعيده وايد للاماكن الترفيهيه
بس بكون طماعه وبسالكم عن فندق يوربا بفيينا كيفه من ناحيه الموقع والنظافه الصور تشوق بالبوكنق ؟؟

 

[تفوق الوصف]

ام مهاوش مشكوره واييد يوربا وينه عن الماريا هلفر ؟؟؟؟
صاحبه السمو مشكوره عالمعلومات بس فديتج بسالج مو شرط يكون الفندق بباريس على شارع الشانزلزيه ابي لو امشي لمه ومايكون بعيد عن الشارع واايد ......
وعبير الشرق ونوره بنت الكويت وقاهرتهم مشكورات والله يوفقكم ..

 

[*صاحبة السمو*]

ماعندي اي فكرة بس وايد سمعت عن الكونكورد لافييت اغلبهم يسكنون فيه
بس صراحه مادري وين مكانه ولا عن مستواه
دخلي بوكنق وشوفي اراء الناس فيه

وبالنسبه لميونخ اذا بتحللين الاماكن اللي فيها من طبيعه واسواق والعاب ماتكفي يومين

وباريس لاتنسين تروحين دزني :ggdw:

وفي مجمع باللاديفانس اسمه 4temp (الفصول الاربعه)(كاتغ تيمب) عجييييييييب لايطوفج
والقاليري لافييت اذا تبين ماركات وطبعا الشانز

برج ايفيل نصيحه لاتصعدين دوووووووووووور وحاله على شي مايسوى لووووول

واذا عندج اي استفسار تعلى الرحب والسعه :68_asmilies-com:

 

[ام مهاوش]

http://www.booking.com/hotel/at/austria-trend-europa-wien.html?sid=c650bf6e53077d984de7cac45c688bab
فندق يوروبا قريب من ساحة ستيفانز ويكون بشارع للتسوق بعد خالي سكن فيه السنه اللي فاتت ويقول ما افكر اسكن بفندق غيره اذا رحت فيينا
هذا موقعه من بوكنق شوفيه وبصراحه سعره وايد زين بنسبه حق موقعه ومميزاته والاهم انه 4 نجوم

 

[ام مهاوش]

باريس انا رحت لها وسكنت مره بكونكورد لافايتت ومره بمريديان اتوال
انصحج في كونكورد لافاييت عائلي درجه اولى وحلو ولاصق فيه مجمع صغير فيه سوبرماركت وصيدليه وجم محل ومحطة اندرقراوند
تمشين عشر دقايق لي الشانز
ميرديان اتوال حلو وصاير جدام كونكورد لافاييت بس ما انصحج فيه لانه حمامه عزكم الله الباب زجاج وينسحب بصراحه تضايقنا من باب الحمام بس شنسوي قالو كل غرف الفندق نفس باب الحمام