اللى عندها قطوه ... وين يبيعون المخمه الكهربائيه اللى تخم شعرها ؟

[kuwaitya_zoGaa]

شلونكم بنوتات ؟؟
عندى قطوتين وميته من شعرهم ذبحنى بكل مكان
عاد في وحده قالت لى انه يبيعون مخمه خاصه لشعر القطاوة
وين يبيعونها ؟؟؟

 

[عود ومسك]

والله انا ما اذكر مخمه مخصصه للقطاوه لكن شفت كذا شغله
1:رول على شكل لزاق يشيل الشعر بأيس هاردوير وبأيكيا
2:شغله تحصلينها بأيس هاردوير يكون شكلها نفس المساحه بس صغيره حيل هم تشيل الشعر تسحبين فيه الشعر وتجمعينه بعدين تقطينه
3:بودره تلاقينها بمركز سلطان وتلاقين منها بتروفاليو وكذا مكان
هالبودره ترشينها عالزوليه وتوخرين قطاوتج من المكان بعدين بالمكنسه تخمينه فا ينخم الشعر كله مع هالبودره وبنفس الوقت البودره عطره
تعطر الزوليه والمكان