اللي،عندها خبرة بالتجاري او متخرجة تساعدني

[nano_n]

السلام عليكم ورحمة الله وبركاته
انا خريجة ثانوية شهادتي قديمة وانشالله بقدم للتسجيل يوم 21/8 بنات

وانشالله بسجل تخصص تجاري بس متخوفة لانه دبلوم

ابي استفسر هالاختصاص له مستقبل وظيفي ولا لا لانه انا وافدة وخايفة اذا
تخرجت م القى وظيفة:bbbiu:

واذا كان الختصاص مو مناسب لي شنو الاختصاص الانسب ويأمن لي مستقبل وظيفي

 

[سآرون -_-]

وعليكم السلام ..

حبيبتي التجاري اقوى تخصص فيهم معروف اللي اهوا محاسبة . . بس ماعشمج يعني بالوظيفة وجذي لان الكويتين بالديوان واصله ارقامهم ب 100 وشي .. فما بالج اذا وافده شلون تحصلين وظيفةة .. بس القطاع الخاص يقبلون محاسبة وايد .. ف ممكن تلاقين وظيفة فيه ..

وماكو كليات بالتطبيقي الا التجاري والتربية و( التكنيلوجيا للعلمي ) والباجي معاهد اللي اهما سكرتارية ومعهد اتصالات وملاحة ..
والاحسن اكيد الكليات .. لان شهادة الكليه حتى لو دبلوم اقوى من المعهد لان اكاديميه ..
وبالتوفيق حبيبتي ..

 

[بنتmbc1]

طبعا مثل ماقالت ساروون ان اقوى تخصص محاسبة وبضيف همن تخصص قانون وتقدرين اذا بتكملين ويكون معدلج لما تتخرجين 3.50 وتقدرين تكملين بالجامعة او نظام بعثات للبكالريوس :-

تخصص محاسبة ممتع ويبيله مجابل وممارسه دائما للمسائل عشان تمشين بباقي المواد
تخصص قانون اولا حفظ بعدين فهم وممتع همن ومستقبله قوي اهو محاسبه
تخصص اداره الاكثر اقبالا بالكلية والكل اغلبه تخصصه هذي وتخصصي انا بعد ههه
تخصص شامل عن باجي التخصصات يعني تلقين فيه شوي من الاداره والمحاسبة والحاسب الي والقانون والتامين ومستقبله بالتكميل البكالريوس اوسع من التخصصات بالباقيه لانه شامل وتقدرين تكملين باي تخصص بعدين
تخصص اداره مواد مستقبله امينه مخزن هذا الشائع بين البنات بس فيه وايد من المحاسبه والقانون تقريبا وماسمعت عنه مستقبل له بالتكميل
تخصص حاسب الي تخصص نادر بالكلية وكله انجليزي وفيه رياضيات لانه (علمي) وله مستقبل بالتكميل
تخصص بنوك الاصعب بالكليه ومستقبله بالبنوك ويبيله احد يشد حيله من البدايه
تخصص تامين الاسهل مثل مايقولون البنات بس ماله مستقبل يقطونج باي مكان ماله شغل بتخصصج

طبعا الكلام الشائع ان ماكو مستقبل للاي تخصص تقولينه وبتلاقين الكل يقول كل تخصص ماله مستقبل يعني يسكرون بوجهج الباب ان تكملين بس طبعا اللي يبي الشهاده ويبي يكمل يقدر يحصل عليها وين ماكانت
فلا تسمعين لناس وشوفي وبحثي بالنت عن التخصصات

بالتوفيق لج باي تخصص تختارينه :*

 

[nano_n]

مشكووورين و م تقصرون ي بنات :* شكرا ع الافادة

 

[^^طالبه^^]

حبيبتي تخصص محاسبه جدا قوي ويقبلونج جميع الشركات الخاصه
ويجي من بعده تخصص اداره فقط هذول التخصصين الي ينفعون للقطاع الخاص

قانون تجاري ماينفع
ادارة مواد ماتنفع للبنات بقطاع الخاص
تأمين زين يوظفونهم بالحكومي هالمره بقطاع الخاص ماينفع اكيد


الحاسب الآلي تخصص حلو ونادر بالكليـه لان دراسته انقليزي مواد التخصص فقط علشان جذي اغلب البنات مبتعدين عنه

بتوفيـق

 

[nano_n]

مشكورة خيتووو يعطيج الف عافية