اللي بتروح او راحت ماليزيا من قبل يا ليت تفيدني بهالسؤال

[كليوباترا]

حبيباتي انا بسافر ماليزيا قريب ولاني في اجازه ما ينزل لي راتب وما في مخباي غير 400 دينار للسوق..بس للسوق.. ظنكم تكفيني للتسوق..تكفون ردوا علي وطمنوني لانه في حال قلتوا ما يكفي بدبر روحي..

 

[[Q8TYA]]

السلام اختي
اي انا اقول تكفي اذا بس حق تسوق ولاتحاتين انها ماتكفي .. انا كنت رايحه بالعطله لصغيره وصرفت يمكن 500 منها تسوق ومنها رحلات والتسوق مابقى شي ماشريته رديت الديره بجنطتين متروسين فلاتحاتين .. بس نصيحه اذا انتي اول مره تروحين ماليزيا انصحج لاتشترين سوالف تقليد ماركات ومادري شنو لا كله اشتري الماركات ملوتهم وايد حلوين وارخاص مو غالين والحلو فيهم انج لمن تاخذين الشغله ماراح تلاقين احد ثاني عنده مثلها
وتروحين وتردين بالسلامه

 

[brettey]

لا تحاتين تكفي انشالله
انا توني راده منها ترى رخيصه وحلوه بس لا تاخذين صوايغ منتي ملزومه استانسي فيهم

 

[البدرة]

تكفيج حبيبتي لأن ماليزيا واااااااايد رخيصة روحي استانسي عليج بالعافية

 

[ArEEj]

400 دينار يعنى بعملتهم 5000 رينجت
بتسوقين فيهم عدل
بس بشرط ما تشترين ماركات
لان السوق حيل رخيص عندهم
الاحذيه ما تتعدى 5 دنانير
الشناط التقليد من 20-40 دينار
القمصان وترى مقاساتهم صغيره ما تتعدى 5 دنانير
واللحين اللى اعرفه عندهم تنزيلات بعد

 

[ummallok]

كليوبترا حبيبتي الشيكات السياحية تقدرين تسوينها بالبنك او بشركات الصيرفة المعروفة يعني تحطين فلوس مبلغ معين ويسوون لج شيك فيهم أو عدة شيكات يعني بدال لا تشيلين بيدج كاش تشيلين هالاوراق وتصرفينها هناك سواء بالبنوك أو محلات الصراريف أو حتى المحلات بعضهم أو غالبيتهم يقبلونها وهذي الطريقة فيها امان اكثر من الكاش وتقدرين بعد تتحكمين بصرفج :eh_s(15):

ام ملووووووووووووووك

 

[كليوباترا]

الله لا يحرمني منك ما قصرتوا ريحتوني وطمنتوني

 

[vevo]

لا تحاتين تكفيج الحين عندهم تنزيلات انا جناط guess اخذتهم على 10 و 15 و الشحاطات وانتي بكرامه رخيصه حيل حتى تقليد الماركه في الشاينا تاون حيل رخيص ما تطوف 20 دينار والملابس الداخليه سعرها حيل رخيص ما تتعدي 3 دنانير تروحين وتردين بالسلامه

 

[dl3 q8]

وايد وايد وايد رخيصه


و بعد اغراضهم حلوووة

اذا ىتبين تقليد ماركة و هدايا

روحي china tawn

شارعه فيه بسطات كلها جناط و ساعات وايد رخيصه و حلوه بشكل مو طبيعي


و فلوسج تكفيج جناط و ملابس و ساعات و كل شي و هم حدايق و بزوود بعد

 

[نجمه*]

ممممممممم مادري بصراحه مستغربه من ردود البنات انا توني راده من ماليزيا توه بشهر 7 اللي طاف بس بصراحه ماينقال عنها رخيصه يعني انا شفت فيها شغلات والله اغلى من الكويت مع ان عندهم نزيلات بس مو ذاك التنزيلات يعني 10 او 20 بالميه بالكثير

اما بالنسبه للمبلغ 400=4560 رينجت

بالنسبه للتسوق تكفي اذا ماراح تشترين صوايغ لاحد

عن نفسي صرفت تقريبا 900 دينار في 10 ايام بس

 

[dalprincess]

نفس حالتي انا بسافر بعد اسبوعين ماليزيا وكنت اسأل عن سوقهم
مشكوووورين اخذت فكره عن الاسعار

 

[شهدQ]

راهيــــــــــــــــه


بس مو للشغل الماركات لشغلهم

مثل

جناطهم شحاطاتهم الخ الخ من صناعاتهم

عندج مجمع سنجواي بلازا لايطوفج بتصيرين اميره فيه وازيدج من الشعر بيت شغله جدا راقي

 

[bambena]

وايد

تكفي وتزيد بالنسبه للبضايع العاديه مو الماركات