اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[لولوة الكويتية]

ان شاءالله النيه موجوده على تاريخ 3 بشهر 7

نيويورك واورلاندو وميامي

بس مايندرا شبيصير على فيزت ابونا *

ماكو الا العافيه
حبيبتي
تفاؤلواا بالخير تجدووه
:yaaaaaarb:​

 

[لولوة الكويتية]

بنات اشرايكم اخلي روحتي بعطلة الربيع
بس نيويورك ولا ما تسوى
​

 

[لولوة الكويتية]

عاد الي يدش لا يطنش
ناطرتكم
بللللليز​

 

[new woman]

اشلونكم يا العضوات وبنفس الوقت الخوات

لولوة حرام عليج ما تسوى روحتج بعطلة الربيع كل هالدرب علا 15 يوم بس

 

[new woman]

ابي اعرف ليش الغالبية ما يحبون منطقة التايم سكوير اللي بنيويورك ؟؟

اذا علشان لوية انا عندي عادي احب الحركة والأضاءة

ولا في شيء ثاني

 

[كويتية أصيله]

بنات اشرايكم اخلي روحتي بعطلة الربيع
بس نيويورك ولا ما تسوى
​

من صجج؟؟؟ طاقه درب على نيويورك بس ..... عاد مو من زينها ...... كلش كلش ماعجبتني........

 

[كويتية أصيله]

ابي اعرف ليش الغالبية ما يحبون منطقة التايم سكوير اللي بنيويورك ؟؟

اذا علشان لوية انا عندي عادي احب الحركة والأضاءة

ولا في شيء ثاني

حبيبتي آنا وحده من الناس مااااااااااااحبيت القعده في تايم سكوير ولا حبيبيت نيويرك بكبرها زحمه زحمه ومن كثر الزحمه ماسكه عيالي بإيدي وديزل ووسخ وبكل مكان تشمين ريحة اكل

 

[لولوة الكويتية]

ليش ترى نيويورك سووقها حلو والاوت لت احلى. اوت لت بامريكا كلها. والمناطق الي حواليها حلوة والطبيعه شي عجييييب. لان اذا وصلت نيويورك ما فيني. شده درب ثاني بالطياره مع اليهال

 

[لولوة الكويتية]

كويتيه اصيله دام انك مووجوده صج نيويورك مووحلوه

 

[كويتية أصيله]

كويتيه اصيله دام انك مووجوده صج نيويورك مووحلوه

شوفي اختي لولوة الكويتية نيويرك منقسمين الناس برايهم قسمين قسم يقول واااااااو عجيبه وقسم مااااااعجبته ما احب الزحمه احب المناطق الراااااايأه والهاديه نوعاً ما يعني موكلش صخه........ نيويرك اسواقها كبيره وعلى كبرها زحمه وتكاسي ماتوقف ...... تخيلي كنت ساكنه بالتايم سكوير امسك ايد عيالي قبل لا اطلع من باب الفندق وزوجي ورانا من نطلع يمشينا السيل معاه هههههههه ماكدونالد طوااااابير ستاربكس طواااابير اولف قاردن طوابير رد لابستور طوابير شالحاله؟؟؟؟؟لا يمكن ارجع لها مره ثانيه

 

[blues]

سلاااام عليكم عضواااااااات

انا اول مره اشارك اهني فبلييز بغيت مساعدتكم ولا تردوووني

احنا ان شاء الله قررنا انه انسافر امريكا هالعطله )))))))))))

بس واجهتنا مشاكل منها

الفيزا ,, انه اشلون يسوونها ,, انا لما بطلت السايت مالهم وبطلت الابليكيشن قعدت اقرا الاسئله جاان يسكر علي الابليكيشن !!!! ,, انه امبي مووو من صجهم لا و يبيني احفظ الكوود بععد ,, و شروط الصوره حق المو متحجبه مووو من صجهم خل نفصخ الحجاب بعد مووو احسن ؟!!!

واشلوون يعني على الفيزا احسها صعبه ,, واذا تعرفون مندوب يسوون ويخلصون معاملات فعفيه قولولي ,, و اشلون الوضع داخل السفاره ,, يعني جم ياخذ وقت ,, وشنو طبيعه الاسئله اللي يسألونها بالمقابله و ولازم يكون الجواب بانقليزي ولا عربي كووز معاي امي وابوي الله يخليهم لي ان شاء الله ,, ومااهم بيرفكت بالانقلش يعني يطقطقوون شويه انقلش ,, فاخاف يتوهقوون بالمقابله ولا شي ؟!

و المشكله الثانيه ,, انه ما نعرف اي ولايات انرووح لانه امريكا فيها واايد ولايات ونبي احنا احسن واونس الولايات وطبعا لازم تكون فلوريدا من ضمن الولايات اللي راح انروحلهم ان شاء الله )

فقولولي شنو احسن الولايات اللي تناسب العوايل وفيها سوق والعاب و طبيعه ,, خصوصا انه احنا 4 ,, الوالد و الوالده وانا واختي )

وخصوصا انه هذي اول مره راح انروح فيها امريكا ,, فتنصحوني انه انروح بقروب ولا بروحنا ,, و ترا احنا اذا رحنا بروحنا لا تقولون تعالوا تنقلوا بالسياره بين الولايات وجي بي اس لانه بصراحه الوالد ما يعرف حق هالسواالف كللللللللش ,, احنا متعودين لي بغينا انسافر نعتمد على التكاسي وبس

وان شاء الله مده السفر راح تكوون شهر ,, من 29-6 او اواخر سته لي 27-7

وبغيت تقولوولي شنو الاماكن الحلوه في كل الولايات اللي تقترحوون انه انروحلها

وجم راح تكون اسعار التذاكر والسكن " يفضل انه يكون منتجع " ؟!

واي طيراان تنصحوووون ؟!

وبسسسس واتمنى مساعدتكم باللي تقدروون عليه واكووون شاكرتلكم جميعا

 

[لولوة الكويتية]

شوفي اختي لولوة الكويتية نيويرك منقسمين الناس برايهم قسمين قسم يقول واااااااو عجيبه وقسم مااااااعجبته ما احب الزحمه احب المناطق الراااااايأه والهاديه نوعاً ما يعني موكلش صخه........ نيويرك اسواقها كبيره وعلى كبرها زحمه وتكاسي ماتوقف ...... تخيلي كنت ساكنه بالتايم سكوير امسك ايد عيالي قبل لا اطلع من باب الفندق وزوجي ورانا من نطلع يمشينا السيل معاه هههههههه ماكدونالد طوااااابير ستاربكس طواااابير اولف قاردن طوابير رد لابستور طوابير شالحاله؟؟؟؟؟لا يمكن ارجع لها مره ثانيه

ترى هذا الحال بامريكا كلها انا رفيجتي رايحه كاليفورنيا هذيك السنه تقوول كل مكان زحمه المولات والمطاعم والسينمات ةالقهاوي كل مكان تقوول بشر وين ما ترووحين بشر وعاادي تنطرين عند المطعم ساعتين.
انا قاعده اخطط بروحي الحين اقوول يا اروح بعطلة الربيع يا انطر لي الصيف الياي.
بس تبين الصج امريكا تونس بزحمتها وازعاجها احسها عالم ثاني
انا بستخير وبشووف
ومشكووره حياتي تعبتك معاي
واذا عزمت ابي منك كم سؤال بخصووص نيويورك

 

[كويتية أصيله]

ترى هذا الحال بامريكا كلها انا رفيجتي رايحه كاليفورنيا هذيك السنه تقوول كل مكان زحمه المولات والمطاعم والسينمات ةالقهاوي كل مكان تقوول بشر وين ما ترووحين بشر وعاادي تنطرين عند المطعم ساعتين.
انا قاعده اخطط بروحي الحين اقوول يا اروح بعطلة الربيع يا انطر لي الصيف الياي.
بس تبين الصج امريكا تونس بزحمتها وازعاجها احسها عالم ثاني
انا بستخير وبشووف
ومشكووره حياتي تعبتك معاي
واذا عزمت ابي منك كم سؤال بخصووص نيويورك

حياج الله لولوة باي وقت
انا مو معاج بانه امريكا كلها زحمه ...... ميامي حلوووووووووه فيها ناس بس مو زحمة نيويورك اورلاندو زحمه بس زحمه مقبوله تنطرين دور خفيف..........شوفي احسن شي تروحين وتجربين :eh_s(7):

 

[كويتية أصيله]

Blues
شوفي الفيزا انا مسويتها من جم سنه نسيت التفاصيل......بس الحجاب عادي صورة بحجابي وسألونا بالسفاره عن شي غير وين تشتغلون انتي وزوجج مع انه مكتوب بالابلكيشن...... انا سمعت من بنات المنتدي انه في محل بحولي اسمه الديوان يسوي فيزا لامريكا..... وياخذ على الشخص ٥ دنانير..... واقولج المختصر المفيد اذا ماتحبون تسوقون سياره امريكا ما تنفع لكم....... السياره ضروريه بامريكا.....وبالنسبه للولايات ما ادري عن ذوقكم شنو؟؟ ..... طيران انا افضل القطريه الاتحاد الاماراتيه...... والباجي لا بأس فيه......واي خدمه البنات مايقصرون معاج......

 

[لولوة الكويتية]

كويتية اصيله فدييييت قلبك انا

 

[blues]

لووووووووووووووووول اهوووو شكله جذيييي

يعني صعبه ناخذ سياااااره و نحوووس فيها بين الولايات ,, يضيع الوقت واحنا كلللللللللله ضايعين ما نردي شالسالفه !!

لا يعني ما يصير بدون سياره !!

احنا ما نبي نتجول بينن الولايات واذا بغينا انروح من منطقع لي منطقه يا بالطيران الداخلي وخلااص

 

[blues]

انزيييييييين ممكن تعطيني رقم المحل ولا عليييج امر ؟!!

 

[كويتية أصيله]

Blues
حبيبتي حتي لو بتروحين اورلاندو من مكان لي مكان تحتاجين سياره......الولايات اللي ماتحتاجين فيها سياره نيويرك سانفرانسيسكو ....من قال حبيبتي تضيعون؟؟؟ والجي بي اس اشمهنته؟؟؟؟
رقم الديوان تلقينه بالصفحات العشره السابقه.....

 

[blues]

امممممممممممم

والله مااااااادري

,,,,,,,,,,,


انزين اوكي شنو الولايات اللي تنصحوني فيها ,, اهم شي يكوون بالولايه الهدوء و الطبيعه والعاب و شوبنغ وبس

 

[Om_Ksha]

بلس
هذا رقم مكتب الديوان 22644644


هههههههه مو جني مسافره 24 مجابلتكم ://///////// امس وصلنا لوس انجلوس بس ماشفناها على طول نمنا وماقعدنا الا الدنيا مظلمه .. واثاري اسواقهم تسكر امبجر ... المحلات 6 والمجعات 9 .. والحين قعدت امبجررررر ابي اتمشى ماكو وقت وريلي نايم !!!!!!!!!

اوفيه .. انزيييييييييين بناااااااااااات منو فيكم شاطره بالانقليزي ؟؟؟؟؟؟؟؟؟
تخيلووو طبعا هالسفره صرت شطوره واعتمدت بنفسي بحجز الفنادق اول مره اسويها .. وكلا ابوكنغ اسهل شي المهم اللي صار حاجزه 4 فنادق منه ولالالالالالالالالالا فندق سألني عن راايي عنه او دزولي شي الالالالالالالالالالا فنشن .. امس دزولي يسؤلون عنه عاد انا قلت الصج انه الفندق حلووو وجذي بس كتبت سالفه كامرتي .. انه مضيعتها بالغرفه ومايابوها ,,,


عاد ردو علي توه ترجمت الكلام مافهمت بس شوي فهمت ,, يقولون انهم مهتمين بكلامي ودزووه لمدير الفندق وجذي عاد برد عليهم ومو عارفه اترجم حطيت بقوقل الترجمه الكلام كله بدليات !! منو تساعدني اترجم كلامي لهم !!