اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[Om_Ksha]

والله احنا ماحسينا بالسكارى خييييييير شرررررر حتى كنت مستغربه شلون مسوين كنترول .. حتى واحنا رايحين بالرده من فيغاس لي لوس انجلوس طووول الدرب حاطين علاماااااات واعلانات الللي يشوف سكران يدق على هالرقم ،، لانه يعتبر طريج سفر فخايفين

احنا رحنا الوقتين وعلا حسب اذا نوعكم ماتقعدون الصبح تتمشون يلا العصر يمدي حجزو ٩
احنا جذي في يوم قعدنا مبجر الصبح تمشينا وجذي فحجزنا ٧

عادي الديره امان ٤ ولايات ماشفت سكيييييير يمكن بس واحد بسان فرانسيسكو*

 

[new woman]

انا مو مقتنعة احجز حق العروض من الحين

وانزين بالنسبة للتكاليف سعر اليهال غير

 

[new woman]

موتنسين ورقه التأكيد مالت المقابله حق كل شخص ولازم تاخذين معاج بعد فلوس حق dhl يستحسن بطاقه البنك لان ما اعرف جم بياخذون منج أنا خذوا مني ١٤ دينار وابشركم بأجر يوصل جوازي دقوا علي يارب أتبشرني بمواقفه ريلي

مشكورة حياتي علا المعلومات

وان شاء الله يخلص جواز ابو العيال

 

[لولوة الكويتية]

هااااااااااي
اشلوووونكم

 

[new woman]

هلا والله اشلونج لولوة

 

[q8tiaa81]

قوة بنات شلونكم ؟ وخلصتوا ولابعد للحين

 

[لولوة الكويتية]

هلا والله نيوو ومن أنا الحمدلله زينه انتي اشلوونك

هلا والله اشلونج لولوة

 

[Om_Ksha]

نيو ومان مو من الحين من الحين
يعني قبل لا تروحون الولايه اب 3 ايام طلي عليهم اذا في اماكن ولا لا خاصه عرض او كله فللللل


انا اصلا احجز قبلها بيوم

 

[digital]

شلونكم بنات

انا بنضم لكم

حجزنا امس تاريخ 29/6 اسبوعين اوريجن و اسبوعين اورلاندو

بالنسبه لي اوريجن اول مره بس ريلي رايح لهه مره من قبل

واورلاندو هذى المره الثالثة

 

[عروس الدنيا]

ديجيتال عل بركه اي خطوط حجزتوا ؟و شنو فيها اوريجون ؟

 

[مفتـون]

مراحب حبايبي شخباركم؟

عساكم كلكم بخير

واللي يتريون وصول الفيزا ان شالله توصل فيزكم على طووووووول....


انا بالنسبه لي مثل ما قلتلكم تجدم موعد سفرنا .. يعني باقي عليه اقل عن اسبوع

خلصنا الحجوزات كلها الحمدلله بس باقي الطيران الداخلي اميريكان ايرلاينز..

عاد صادف انه وقت وصولنا سان فرانسيسكو بيكون في ماراثون مشهور وايد من ١٠٠ سنه يسوونه

والدنيا كلها فولي بوكد..


المهم انه حصلنا فندق حليو بس انه الاسعار كله مرتفعه

عاد ان شالله نلاقي حجز طيران داخلي ..

 

[أم حمادين]

صباح الخير بنات اشلونكم امس الدايخ مندوبdhl ياي البيت ومادق علينا شفت اورقه حاطينها عند الباب
ان شاء الله اييبونه اليوم جوازي بالنسبه للي احجزوا التذاكر اي طيران ؟

 

[كويتية أصيله]

حجزنا على الإماراتيه دايركت لي لوس أنجلوس 16 ساعه ........ الله يعين ياااااااااااااارب .......... وأدعولي يوقعون إجازتي هذي المشكله الثانيه..........الكل بيسافر ماكو أحد قاعد بالمويت شهر 6 و7 ضغط مو طبيعي محد يبي يسافر برمضان .....

 

[أم حمادين]

يارب اتسهل امورج (كويتيه اصيله) واتسهل امورنا بعد

 

[لولوة الكويتية]

اشلووووووونكم بنات

 

[new woman]

صباح الخير بنات اشلونكم امس الدايخ مندوبdhl ياي البيت ومادق علينا شفت اورقه حاطينها عند الباب
ان شاء الله اييبونه اليوم جوازي بالنسبه للي احجزوا التذاكر اي طيران ؟

انا حجزت دايركت نيويورك بس توقف بلندن ساعة علا الكويتية بسعر 380 دينار

بقيت اسألج انا حطيت موعد حق المقابلة يوم الأحد الحين يتصلون علي يأكدون الموعد ولا عادي انا اروح علا طووووول ؟؟؟؟

 

[أم حمادين]

لا روحي على طوول لانج انتي حددتي الموعد والوقت بس مو تنسين اوراق التاكيد ملوتكم اهم شي
متى حجزتي نيو وومن من زمان ؟

 

[أم حمادين]

نيو ومن دشيت على الكويتيه ماكو يقولي غيري التواريخ غيرت الف مره مايطلع معاي لايكون فل ماكو حجز !!!!!!!

 

[new woman]

نيو ومن دشيت على الكويتيه ماكو يقولي غيري التواريخ غيرت الف مره مايطلع معاي لايكون فل ماكو حجز !!!!!!!

اي والله من زمان شريت التذاكر من أول شهر 3

ماكو أماكن علا الكويتية شوفي طيران ثاني

القطرية

الألمانية

الخليجية

الهولندية

في ناس حاجزين علا الأردنية
نا رتبتلج اياهم من حيث الأحسن

وهذا رقم السفريات اللي حجزت منهم قي هندي أسمه حسين خووش واحد عطيه الأسامي وهو يومين وايب لج احسن الأسعار
22475335
ا

 

[كويتية أصيله]

انا حجزت دايركت نيويورك بس توقف بلندن ساعة علا الكويتية بسعر 380 دينار

بقيت اسألج انا حطيت موعد حق المقابلة يوم الأحد الحين يتصلون علي يأكدون الموعد ولا عادي انا اروح علا طووووول ؟؟؟؟

حبيبتي new woman لاتوهقين عمرج ساعه ما تكفي ترانزيت ..... تأكدي إذا لازم تغيرين تيرمنال ولا لأ.........