اللي بتسافر امريكا صيف 2011 .. تركب معانا ( تجمع امريكا .. شيكا بيكا)

[**بياض الثلج**]

صباح الخير بنات يسرني اني انضم لكم في هذا التجمع تونا حاجزين 4 كبار و 2 يهال تذاكر على اليونايتد دايركت تطب بواشنطن دي سي 4 ساعات وعقب اورلاندو بتاريخ 3-7 لي 25-7 انشاءالله وخذينا الايكونومي بلس + سياره ميني فان + فندق 3 غرف وتكرمون وحمامين في فندق قريب من الانترناشيونال درايف انا مجربته من قبل اسمه vista cay by millinia عن طريق اكسبيديا باكيج كامل ب 5500 وسلامتكم

 

[كويتية أصيله]

بنات صج 3000 ونص ماتكفي حق امريكا حق 25 يوم ؟رفجيتي عقدتني تقولي شوية احنا مودين 3500 ومعاشاتنا تنزل هناك شدعوة مايكفون ولاشرايكم

حبيبتي يكفي ويزيد .... لاتحاتين أشدعوه ترى الناس تبالغ بالمصرف....أخذيها مني تكفييييييييييييج وقولي كويتية أصيله ماقالن بس هاااااااا مو تشترين ماركات أسعااار نار خلج على الوسط

 

[كويتية أصيله]

بنات يصير احجز تذكرة وحدة شاملة كل حدايق دزني ؟

إي حبيبتي في أكشاك بالإنترناشيونال درايف تبيع تذاكر عليها عروض حلوه.....إحنا شرينا تذاكر باكج كامل وعطونا وحده فري ردينا رحنا ماجك كنغ دم علشان نشوف الألعاب الناريه مره ثانيه.....

 

[new woman]

صباح الخير علا الحايسسن بالسفره

يعني اورلاندو حده حره مثل الكويت ولا أرحم اشوي ؟؟

اذا حر لا والله اروح كاليفورنيا أحسن وفيها ألعاب حق اليهال

 

[كويتية أصيله]

صباح الخير علا الحايسسن بالسفره

يعني اورلاندو حده حره مثل الكويت ولا أرحم اشوي ؟؟

اذا حر لا والله اروح كاليفورنيا أحسن وفيها ألعاب حق اليهال

الأحسن لوس أنجلوس صدقيني........ أورلاندو حلو بس بعطلة الربيع موبالصيف

 

[new woman]

بالنسبة حق فنادق لوس انجلوس شنو احسن شيء ؟؟؟

واهم المناطق السياحية ؟

 

[ناسي626]

احنا حجزنا شمال لوس انجلوس بمنطقة بيفيرلي هيلز اسبوع والجنوب بمنطقة كوستاميسا 6 ليالي

 

[أم صالح]

الأحسن لوس أنجلوس صدقيني........ أورلاندو حلو بس بعطلة الربيع موبالصيف

انا بعد نفس رايج عن تجربه اولاندو بالصيف حر ورطوبه وزحمه عاللعبه دور وغير المطر اللي ايي فجأه لوس انجلوس جوها احلى

 

[new woman]

يقولون العاب كاليفورنيا مو حلوة مثل اورلاندو ؟؟؟

انتوا اشرايكم

يعني سفرتنا حق اليهال فبختار احسن الاماكن ---- مثل شنو ؟؟؟؟؟

 

[أم صالح]

صباح الخير علا الحايسسن بالسفره

يعني اورلاندو حده حره مثل الكويت ولا أرحم اشوي ؟؟

اذا حر لا والله اروح كاليفورنيا أحسن وفيها ألعاب حق اليهال

بصراحه حر ورطوبه وزحمه عالالعاب من نظري ماتسوا انتي مغيره جو روحي كاليفورنيا جوها حلو وفيها دزني وفيها اليونيفرسال تونس حلوه وفيها السى وورد بسان ديغو عروض حلوه ولاس فيغاس يمج
انا بالنسبه لي احب سفره نيورك واورلاندو وميامي بروح ولوس انجلوس يبيلعا سفره بروح

 

[new woman]

بصراحه حر ورطوبه وزحمه عالالعاب من نظري ماتسوا انتي مغيره جو روحي كاليفورنيا جوها حلو وفيها دزني وفيها اليونيفرسال تونس حلوه وفيها السى وورد بسان ديغو عروض حلوه ولاس فيغاس يمج
انا بالنسبه لي احب سفره نيورك واورلاندو وميامي بروح ولوس انجلوس يبيلعا سفره بروح

انتي شفتي العاب كالفورنيا يعني مثل اورلاندو ولا احلا

والتكلفة اتوقع كاليفورنيا ارخص

 

[أم صالح]

نيو وومن صح العاب دزني اورلاندو حلوه وكل الحدايق يم بعض بس هذي ميزتها بس والله ماتسوى النطره عاللعبه بالحر وساعات ايطق مطر فجأه ينحش العالم وانتي حاجزه ودافعه ويروح عليج اليوم

بس دزني كاليفورنيا هم حلوه انا العم اعيالي وايد استانسوا كنا كل اسبوع او ارع ايام نسوي يوم كامل ترفيهي مره دزني ويوم يونيفرسال والنوتس وسان دييغو فيها اكبر زوو بالعالم والسي ورد

 

[أم صالح]

كاليفورنيا مو رخيصه انا ما احجز من الكويت ماعرف خليناها عاى الله ويوم وصلنا الدزني حجزنا من الباب لان في حديقتين يعني اشوف بعدين احجز احنا 2كبار واعيالي 3 كان التذاكر شامله يوم كامل واخر اليوم عرض العاب ناريه 300 دولار بس يبيلها من الصبح عشان يمدي اخلصها

 

[new woman]

شوقتيني وااايد اختيارات بكاليفورنيا

بشيك علا الطيران الداخلي ولا انا ما احبه لان الوزن شوية واحنا شناطنا بتكون اكثر

يصير احطهم بالفندق بنيويورك

 

[new woman]

انا اقول بقسم رحلتي

3 ايام نيويورك

ونحجز سيارة ونروح اورلاندو اسبوع 7 ايام

ونطير حق كاليفورنيا ونتقعد 15 يوم نفتر بين لوس انجلوس لاس فيغاس

ونرجع نقعد يومين في نيويورك حق الرجعة

 

[أم صالح]

حلو وايد شوفي الاثنين أجروا سياره بلوس أنجلوس وافتروا فيها ودي اليهال شارع النجوم اللي بهوليود وايد راح يستأنسون يصورون مع كل الشخصيات اللي واقفين بالشارع ووديهم سانتا مونيكا أخذوا الخط الساحلي عالبحر وكله سيدا وروحوا مالييبو وسانتا بربرا الجو عجيب والأوت لت على كيفج وهم لأس فيغاس دخلي اليهال العروض. اللي بالفنادق. عجيبه إحنا دخلنا لاين كينغ. انبهروا اليهال وفي حق البنات عروض حلوه والله السفره كلها حق اليهال جنج حظي

 

[new woman]

حلو وايد شوفي الاثنين أجروا سياره بلوس أنجلوس وافتروا فيها ودي اليهال شارع النجوم اللي بهوليود وايد راح يستأنسون يصورون مع كل الشخصيات اللي واقفين بالشارع ووديهم سانتا مونيكا أخذوا الخط الساحلي عالبحر وكله سيدا وروحوا مالييبو وسانتا بربرا الجو عجيب والأوت لت على كيفج وهم لأس فيغاس دخلي اليهال العروض. اللي بالفنادق. عجيبه إحنا دخلنا لاين كينغ. انبهروا اليهال وفي حق البنات عروض حلوه والله السفره كلها حق اليهال جنج حظي

هالسنة انتوا بتسافرووون ؟؟

جنا اتحبين لوس انجلوس اكثر

توني شيكت علا الطيران الداخلي محد يمدحه كله طيران قديمة واتخرع وقوانين دايخه

انا بفهم ليش ما يصير نروح لها بسيارة من اورلاندو ؟؟

 

[كويتية أصيله]

انا اقول بقسم رحلتي

3 ايام نيويورك

ونحجز سيارة ونروح اورلاندو اسبوع 7 ايام

ونطير حق كاليفورنيا ونتقعد 15 يوم نفتر بين لوس انجلوس لاس فيغاس

ونرجع نقعد يومين في نيويورك حق الرجعة

من صجج؟؟؟؟؟ من نيويرك لي اورلاندو جنج رايحه لندن بالسياره شالخطه الحوووووووسه

ركزي ركزي الله يرحم لي والدينج هههههههههههه

ما تبين تضيفين بعد شلالات نياغرا علشان تكمل الرحله ......تحمليني علشان اخليج تركزين عدل

 

[new woman]

من صجج؟؟؟؟؟ من نيويرك لي اورلاندو جنج رايحه لندن بالسياره شالخطه الحوووووووسه

ركزي ركزي الله يرحم لي والدينج هههههههههههه

ما تبين تضيفين بعد شلالات نياغرا علشان تكمل الرحله ......تحمليني علشان اخليج تركزين عدل

يعني أخاف من الطيران الداخلي شسوي طيرانهم مو مثل الأوادم

وبعدين بقعد شهر ويومين تبيني أجابل تمثال الحرية واقعد :eh_s(16):

 

[كويتية أصيله]

يعني أخاف من الطيران الداخلي شسوي طيرانهم مو مثل الأوادم

وبعدين بقعد شهر ويومين تبيني أجابل تمثال الحرية واقعد :eh_s(16):

لا ماقلت لج تجابلين تمثال الحريه وتسكتين...... روحي من نيويورك لي سانفرانسيسكو داخلي ونزلي لي لاس فيغا س ورجعي نيويورك قعدي فيها ليلتين ومنها للكويت