أهليــن يا أحلـى تجمــع
إن شا الله راح أنضم وياكم ... لأننا نوينا على امريكا هالسنة
طبعا هذي أول زيارة بتكون إن شا الله ..
كل سنة اعزم عليها بس نغير ونرد لجنيف وباريس !!
الفيزا الأمريكية خلصناها و استلمناها قبل اسبوعين ..
وعلى كثر ما كنت احاتيها بس طلع ماكو اسهل منها
رحنا السفارة انا وزوجي وقدمنا لهم الابليكيشن لنا احنا و عيالنا ٣ صغار ..
طبعا على طوول وافقوا .. وفي نفس الوقت قالت لنا الموظفة انهم وافقوا علينا و عطتنا
احنا و عيالنا فيزا لـ ١٠ سنوات !! ما شا الله
المعروف ان اللي اقل من ١٦ فيزتهم بس ٥ سنوات ..
بس احنا مادري ليش >> شكلها الموظفة كانت راضية علينا لوووول
سألتنا عن سبب الزيارة و عن وظايفنا ..
و خذوا جوازاتنا و بعد ٣ ايام بالضبط وصلوها البيت ولله الحمد
احنا ناوين على ولاية كاليفورنيا بس ... بنقعد فيها شهر كامل ان شا الله ..
انا بصراحة كان ودي نروح لاكثر من ولاية بس زوجي ما يحب التنقل في السكن خاصة انها اول سفرة لنا !
بنحجز فيلا في لوس انجليس و نستقر فيها .. ونروح لباقي مدن الولاية بالسيارة اللي بنأجرها بإذن الله .
ليما الحين ماحجزت الطيران و لا السكن ولا حتى السيارة !
ودي بالاماراتية لانها تودي لوس انجليس مباشرة .
كويت / دبي / لوس انجليس ... على آخر شهر ٦ على خير
حبيباتي ....
شرايكم ببرنامج رحتلنا .. ؟! و طيران الامارات ؟!
ومن وين احجز فيلا حلوة ومرتبة في لوس انجليس ؟
انتظر رايكم يا الحبيبات ...
ما ننحرم منكم يارب .
