اللي بـ السبعينات ويبون الستينات حياكم ، خلونا نشجع بعض ^_^

[MISS_RIOOM]

الحماس يزيد و الوناسة تزيد
مقاستي صغرت
يارب سهل علينا باقي المشوار

 

[طريق السعاده]

���������� ههههههههههه بنات مب انا الكلام كتبت بالصفحه الي قبل كله منقول من منتدى ثاني عجبتني وحمستني وكتبت يومياتها

 

[الكلثوم]

تغديت تشريب لحم حاشي ( ثريد ) وروب خالي الدسم
والحين سناك برتقاله وقاعده اشرب زنجبيل

 

[shosho]

جدولي الغذائي و الرياضي لشهر ( 4 )
الوزن الحالي : 80 >> بكره اتأكد منه
الهدف بعد شهر ( 4 ) --> 74

النظام الغذائي المتبع ان شاء الله لو تغير بعض الشي مع الايام سأكتب التغير باليوميات ()

الرياضة المتبعه :

* ساعتين مشي
* رياضةة الدرج 10 مرات صعود ونزول > يمكن نزود ع حسب :eh_s(10):
*حركة بالبيت قد ماأقدر + رياضه خفيفة ع حسب الوقت


بكره بدايه شهر ( 4 ) ويارب ماينتهي هالشهر الا وانا نازله 6 كيلو من وزني > يعتبر انجاز ان شاء الله
ولو نقصت اكثر الحمدلله كله من فضل ربي والحمدلله قبل والحمدلله بعد

بسم الله توكلت ع الله يارب ساعدنا ونحفنا ع صحه وعافية يارب :eh_s(7):


دعواتكن لي لاني تعبت من سمنتي :eh_s(11): وجاء وقت التغير والتحدي مع نفسي ومعكن :rerrerek::ggdw:


شجعوني تكفون :eh_s(2):


احبكم في الله

​

 

[احبك يايمه]

باااااااااااااااااااااااالتوفيق شوشو إن شاءالله توصلي الي تبين

 

[احبك يايمه]

يومياتي

الفطور///ربع ساندوش دجاج+2مالتريزر+نص علبة عصير ربيع
الغدا///برتقاله+6 حبات زبيب
العصر///شيبس كيس مع شطه
العشاء///4قطع بيتزا خضار+كاس بيبسي+صحن ثوم+صحن صغير تبوله

 

[MISS_RIOOM]

يومياتي
الريوق( بيض و لبنة ووحليب
الغدا( ٥ ملاعق عيش مع دجاج
العشا ٣ قطع بيتزا جبن و خضار و دجاج مع ربع كاس بيبسي
اليوم خربطت و ماسويت رياضة

 

[طريق السعاده]

برنامجي اليوم

فطور مافطرت صحيت متاخر وبعد فيني تخمه مو طبيعيه اليوم :/
قزرتها ماي لين الغدا

غدا ع الساعه 1 ونصاو 2 كليت حبه يوسف افندي
وكملت ماي لين الساعه 7 ونص او 8 كنت نايمه ع العصر والمغرب وصحيت راسي ينبض من الجوع ووقت النومه غلط

شربت فنجانين قهوه عربيه مع قطعه قد الاصبع كاكاو جلكسي ساده خذيت منه كسره من راسه بس عشان تنشطني وتعطي طاقه
وحبه تمره

كملتها مويا اليوم لين احين الساعه 11 قاعده اكل عنب خذيت لي 7 حبات بصحن وقاعده اكلهم شوي شوي

يارب يتسهل امري ويروح عسر الهضم الي ينشب لي :/

شوشو بالتوفيق وشدي حيلك ي رشيقه وعسا الصحه والرشاقه فالنا وفالك
احبك ي يمه & الكلثوم & جوجو & مس ريومه & سما الشقين & عسل وكل الصبايا

شدو حيلكم وخل نشوف السبت ارقام تحمس

بنات تسلمون ع التفاعل مع الخواطر الي نقلت لكم واحين بكملها لعيونكم واكرر للمره الثانيه هالخواطر مو لي وحده من البنات ربي يسعدها ويهنيها نزلت 70 كيلو من وزنها وكانت تكتب ف حسيت نحتاج مثل ارادتها عشان نكمل طريقنا ولازم نكون قويات مثلها ..

 

[طريق السعاده]

نكمل الخواطر الجزئيات حقت اليوم :eh_s(7):

تذبذبنا

واستفسارتنا العقيمه

وهالدايت كم ينحف باسبوع

وهالدايت فيه رياضه او لا


اسئله وتذبذب يدهورنا الى حالات لايمكن ان نرجع منها بسهوله

ونتعدا الارقام الفلكيه

و لازلنا نبحث عن شي سهل ينزل وزننا مثل سهوله طلب الوجبات السريعه وأكلها الاسرع

ننتظر الوجبه السريعه نص ساعه وناكلها ب 5 دقايق

ونعاني منها سنوااااااااااااااات...
ليش مانتطور في كل شي

مو بس حالاتنا الماديه والتعليميه والاسلوب والكلام

نتطور بالاكل وافكارنا تجاهه

اكرر الاكل متعه مثل اي متعه لو زادت عن الحد بتكون نقمه.........!!
خذي قرار قوي وصارم
وكل ماضعفت نفسك قويها وقولي الى متى انا وانتي بنتعب؟؟

هو الاسبوع رايح رايح باكل او بدايت..خليني اجرب ماراح اخسر إلا وزن وهذا اكيد
لو نزلت نعمه لو مانزلت حاولت وحاشيت زياده وكمان تعلمت ان هالدايت ماناسبني

ادور غيره وافكر اكثر واكثر واكون واقعيه اكثر



نظرات الاعجاب فيك تغنيك.......

 

[طريق السعاده]

تابع ...

من الاشياء اللي تعلمتها في هذي الرحله

_ الاكل متعه لكن المفروض نستمتع بعقل....اللعب والفلوس والزواج والحب و و و و كلها متعه لكن لو زاد التفكير فيها او زاد استخدامنا لها او ممارستنا له او تعلقنا فيه بيكون مرض

_ مع الاعتذار الشديد لكل ذات وزن كبير....لما كنت من ذوات السمنه والسمنه المفرطه الان اعتبر ذاك الامر تشوه


_ كثير نسمع كافئي نفسك بوجبه ...او كافئي نفسك بيوم مفتوح...كيف تعتبرين اساس مشكلتك هو المكافأه؟؟؟ ...لازلت اقول الاكل متعه لابد انها ماتزيد عن المعقول


_ لاتخططين لوجباتك خلال اليوم تخطيط مسبق ... خليها زي ماتجي خذي اللي يناسبك والكميه اللي ترضي عقلك وليس معدتك..
لانك بتصحين مخططه على فطور معين وغدا وعشا غالبا نخطط انه خفيف..بالنهايه ولاوجبه من اللي خططنا لها ناخذها ماعدا الفطور ولاحظوا هذا الامر..!!>>>>تراه اكتشاف

_ نبهي نفسك وحاوريها خلال الاكل...انهريها و هزئيها وشجعيها..تكلمي معها


_ خذي اللي تحبين مو اللي لازم تاخذينه...يعني لاتقولين لازم جدول ولازم نظام
النظام انتي تطبقينه


_لما تخبصين في وجبه..كملي عادي الوجبه اللي بعدها لو ماقدرتي تستغنين عنها و لاتعتبرين اليوم او الوجبه هذي مشكلة الاسبوع وتقولين (( يوووووووووه خرب يومي ونظامي خلاص اخربها اليوم!! لا عدلي الخطأ بكذا حل منها

** مشي ساعه او نص

** الاستغناء عن وجبة العشاء من اليوم اللي بعده

** الاستغناء عن وجبة العشاء لو التخبيصه غداء

** اهون الشرين كملي يومك خفيف وانسيها وكملي الاسبوع عادي..​

​

 

[طريق السعاده]

تابع ...:eh_s(7):



_ حبي نفسك...


_ اعتبري الرياضه تنفيس وراحه..


_ وقت البيريود او قبلها بكم يوم اعتبري نفسك بالوزن المثالي وانك تحافظين عليه باكلك...يعني كلي اكل يثبت وزنك ...راعي نفسيتك ولاتضايقينها اسبوع بالشهر لاينزل وزنك مو ضروري


_ "هذي النقطه جدا مهمه"

&&& معدل نزول وزنك معدل ثابت يعني لاترهقين نفسك

* من وزن 115 وفوق معدل النزول من 10 الى 12 كيلو بالشهر باي دايت

* من وزن 100 الى 90 معدل النزول من 9 الى 7 كيلو بالشهر

* من 85 الى 75 معدل النزول من7 الى 5كيلو بالشهر

* من 70 الى 65 معدل النزول من 4 الى 3 كيلو بالشهر

*من 65 الى 55 معدل النزول من 3 الى 2 كيلو بالشهر

طبعا هذا النزول الصحي والطبعي...لكن بتجي وحده تقولي انا 70 ونزلت 7 او 8 او 10 بشهر

اتحداها لو الوزن نزل شحوم وان الكتله العضليه ماتأثرت..واتحداها لو قدرت تسيطر على وزنها اكثر من 3 شهور..!!

فـ لاترهقون انفسكم


_ خلال 10 شهور انزل 30 كيلو افضل مليون مره من انه خلال 10 شهور وزني مكانك سر..!!


_ البحث والإكتشاف الدائم عن البدائل الصحيه الجيده واللذيذه


_ الابتعاد قدر المستطاع عن الكافيين...لانه له دور كبير بفتح الشهيه والتأثير عليها..خلو عنكم الكذب وانه يقفل الشهيه


_ كل شي مو طبيعي له عواقبه خاصه الادويه اللي تتحكم بالشهيه...جدا جدا مضره من تجربه كبيره وفاشله ادت بي اني اجرمت بحق جسمي ووصل للوزن اللي ذكرته لكم..استخدمتها 3 شهور بعدها بدت ماتأثر ابدا وشهيتي صارت اكبر واكبر...ووصلت 132 كيلو..


_ لاتحرمين نفسك ... صدقيني راح تنتقم منك أشده إنتقام


_ لاتخلين الأكل متنفسك الوحيد...جربي قبل المشي ..نط الحبله .. الجري بمكانك ... حركات الملاكمه...صدقوني بتلاحظون فرق


_ لاتخلين يومك كله تفكير وش باكل وش بشرب,,,خليها للظروف


_ الوصول للوزن المناسب اسهل بكثير من الحفاظ عليه وهذي مشكلة الكثير..


_ لاتبعدين الميزان عنك اكثر من 10 ايام....كثير تتعب شهر بالدايت بالاخير تكتشف انها مانزلت اكثر من 3 او 4 كيلو هي كنزول جيد لكن لوحده وزنها فوق 100 جدا تحطيم..


_ 3 لتر مويه يوميا مافيها اي كلااااااااااااااام..

 

[طريق السعاده]

تابع ...:eh_s(7):

للأسف حنا نأكل ونضيع اغلب سعرتنا او نقاطنا على الخرابيط

شبيس وشكولاته

صحيح نحسبها

لكن مانستفيد

لو اخذنا حصصنا اليوميه اللي المفروضه ناخذها ولزاما ناخذها

بتحصلين شهيتك قلت ونفسيتك تحسنت
وبشرتك وشعرك ماتأثروا


لكن للأسف نفكر بالطعم اهم شي

لو ركزنا وخلينا لنا يوم فري مو مشكله


وفري مو معناته اكل بجنون كني بجمع اكبر كمية اكل واكبر كمية طعم..

لأنه خلال ثواني بتحسين بتخمه تفقدك اي معنى للذه والاستطعام بالاكل..


لكن باقي الاسبوع ايامنا صحيه قبل كل شي

الحليب منزوع الدسم والفواكه والخضار ابدا ماتسبب زياده بالوزن

لما يصادف انك اخذتي معها كميه معقوله من النشويات والحلويات

الحرمان يولد شخص غريب وكريه بداخلك يكبر ويكبر معه الحقد ويفاجئك بكمية انتقام ماتقدرين ترديها



​

​

 

[طريق السعاده]

تابع ..



طيب لو اتبع هالنظام كم بنحف بالاسبوع.......؟؟؟؟


سؤال يتردد كثير من المترددات الكذابات

تجيك تعطل القروب وتسوي زحمه وكم بينزل لما اقولها 3 او 4 كيلو تقول لا قليل..

واحصلها بكل موضوع تسأل هالنظام كم ينزل؟؟

قسم احس اني بالسوق وتدور ارخص محل..؟؟

او كن وزنها ذهب وتسوم بهالمحلات..!!

ساعات اتابعها هالبنت بشوف وش ترسى عليه..

بالاخير احصلها كملت شهر وزنها ماتحرك ماغير تدور وتسأل

واحيان وزنها ينزل كيلو او يزيد

...

مشكلتنا دايم نبي شي سهل وسريع


الجمال يبي إحتمال ,,
​

 

[طريق السعاده]

تابع :eh_s(15):

رأي الآخرين

بين الإنتقاد والإرشاد


(( يووووه شنتي يافلانه )) (( السمنه احلى عليك )) (( اول شكلك اخف دم ))

او النقيض

(( والله بطله )) (( اهنيك على هالاراده )) (( قسم احسبك اصغر خواتك))


عبارات لما تجوعين تسمعين الاولى

ولما تقاومين تلقين قدامك الثانيه


يعني بالاخير نكون منغمسين بالتفكير بالدايت وحكي الناس

ولازم شكلي ع العيد يكون توب عشان الكل يقول واو

وضغط وحرمان

والاكل قدامك

يعني تعذيب نفسي بحت

ليه طيب؟؟

ولما يقولون واو..بالاخير هو كانوا طووول ذيك الايام نفسيا مرتاحين..ومحافظين على اوزانهم

ولاحرموا انفسهم

ولافكروا فيك اصلا

وانتي تفكرين فيهم عشان كلمة (( واو ))

تعاملي مع نفسك بهدوء

لاتقحمينها بين الان ويوم العيد


كل الضغط يولد الانفجار

ان نحفتي بحرمان وتجويع بتخسرين نفسيتك وصحتك

وان مانحفتي كونك حافظتي على وزنك لو هو اصلا زايد يعتبر انجاز..

وان نحفتي وانتي مريحه بالك ومخففه ومتعامله بذكاء مع الاكل..هنا راح تصدقين كلامي


ان الاتنقاد والارشاد

فقط كلام من الاخرين يذبذب قراراتك
​

​

 

[طريق السعاده]

تابع :ggdw:

شكلي ووزني



فكرة ارهقتني وارهقت الكثير


لما اقول وزني لأحد مايصدق ..يقولي شكلك اقل

ارجع بين فرح مخلوط باحباط

ليه طيب الميزان مايتحرك

لما اروح من اسبوع لأسبوع لجمعة الاهل او القرايب

يقولون

وين بتروحين وقفي خلاص مره ناحفه..!!

وزني ماتحرك ياناس..؟؟

واحيان يكون العكس

لما كنت اروح للنادي وكانت فترة 3 اسابيع وتركته لظروف

كنت اشوف بعض الحريم والبنات هناك

لما اسمع المدربه تقولهم اوزانهم استغرب

اشكالهم تعطي اكثر

تلاقين الوحده 85 وكنت اتوقعها فوق 95

هنا

اقول

الميزان والشكل والحكي

كله مهوب مهم


المهم

انا وش اقول عن نفسي...!!

لو رضيت عنها برضيها

ولما ارضيها


اكيد بترضيني...!!
​

​

 

[طريق السعاده]

تابع ..

الرجيم ليس تعذيب وارهاق وعقاب...!!


فعلا كثير يجلسون ايام فااااااالين ابوها
اكل وبلع وهبال
حلويات وشكولاتات وشيبسات ومشروبات غازيه وايسكريم
ومعجنات
ولما تششششششبع لين تعورها ضلوعها

تحس بالم نفسي عظيييييييييييييييييييييييم


ليه كذا
طيب خلاص ماراح افكر باللي راح


وبكرا ببدا رجيم

الفيشار

او رجيم 3 ايام مويه بس

او رجيم السوائل

او رجيم الـــ .... شي من العذاب

وتتوقع ان هالامر بينفعها

ممكن تسوي يومين كحد اقصى..بعدها تكرر الموضوع

وتتراكب المعجنات باردافها...والشوكولاتات بظهرها..والحلويات بكرشها


وترجع ذيك الليله السوداء اللي تتخذ فيها القرار الجرئ

<<<<<<>>>>>>>> السوائل
الفيشار
الخرابيط

الرجيم تعامل راقي وذكي مع الاكل

او انك تاكلين بحدود التثبيت وتتحركين لحدود النزول....​

​

 

[طريق السعاده]

تابع ...


بكرا.. خلاص خبصت اليوم..!!

ليه نتعامل بهالحيله الغبيه بس عشان ناكل

انا ضد الحرمان بالاكل

كل ممنوع مرغوب...

موضوع العقاب لاننا خبصنا امر مافيه غير الانقلاب على النفس

خبصت اكلت لابد اني انبسط بهالتخبيص

وبكرا يوم جديد..

الخطه البديله او التصحيصيه

لاهي حرمان ولا سوائل ولا زبادي ولاتفاح

الخطه

الالتزام وكثير من الحب والاحترام..

والحديث تكرر...


اكتفي بهالجزئيات اليوم اتمنى تعزز فيكم الحماس وتتشجعون ونستفيد من فلسفتها البسيطه..

 

[عسل على عسل]

ماتريقت ولا تغديت قمت متأخر وحدي تعبانه حراره وصداع اهئ اهئ
وقضيت الوقت كله بالفراش بس تعشيت فطيره وعصير علشان اكل دواء ومالي نفس شيء

 

[عسل على عسل]

شوشو الله يوفقك حبيبتي ارادتك قويه
والصراحة شيشتيني وانشاءلله توصلين أهدافك بكل سهوله


وحبيبتي طريق السعادة الله يخليج حبي
ماقصرتي لهذا المجهود

 

[طريق السعاده]

ماتشوفين شر ي عسل ودامك تعبانه حاولي تاكلين عشان صحتك اذا ماكلتي يهدك التعب