مرحبا
شلونكن عسآكن بخير
اول شي الي ماعرست وتبي العرس اقولها من كل قلبي جعل يقدم عليتس عريس عجلن ماهو ابطا < يعني ان شاء الله بآقرب وقت يجيج معرس وتعرسين
طبعن اول شي لازم تجذبينه ( العجوز ) الي اهي الرآس الكبير وام فآرس احلامج
بس مو آي عجوووز ولدها بالحرس ولا بالجيش ههههههههآي
لا عجوز عندها عيال حلوين مزايين مثقفين شطآر منآصب :eh_s(9): < هع هع هع يعني عجوز عيالها ماك جكن
لاتصيرون مطفوقين واترززون عند عجز عيالهم طآيح حظهم
ويالله بقولكم قواعد عشان تصطادين فآرس آحلامتس :
آولآ : لآشفتي عجايز متجمعين فلي شعرج وحطي حمره بس والبسي دراعه مابي وحده فيكم تلبس بنطلون ومادري شنو ترا العجز مايحبن
هالسوالف
الي تلبس دراعه عندهم يعني اجوديه وجيده .. والي تلبس بنطلون وتنانير رفله ودلوعه < ويع من يلبس دراعه الحين
يعني خلي ستايلج دآيم جذي :
ههههههههههههههههههههههههههههه ماتخيل اشكالكم جذي لا مو صج :krkrkr:
وبالعروس خليج جذي بعد وآهم شي اللهامه والحنه لاتنسين اتحطينهم :
ههههههههههههآي
ثآنيا : اتفقي مع امج لاقعدت مع عجايز وعجبهم شي من طبخ امج تقول والله بنيتي حبيبتي مسويته < آي خير انتي زين تسوين بيض طمام
ثآلثآ : بلاك بيري وآيفون ابيج تلغينه نهآئيا وخلي تلفونج بشار ولا نوكيا القديم < لا بو ليت اكشخ
رآبعا : لاجابو طآري العيد ولا السوق ولا الآعراس .. تنعمين صوتج وتنزلين رآسج وتقولين والله انا ماطلع من البيت كل شي امي
تجيبي لي ارضى فيه
ماحب اطلع كلش من البيت < وآضح ماتحبين وانتي كل يوم بالافنيوز و360 هههههههآي ورزاتلي طولج وصآفه دور عند بينك بيري تبين برد ياعوينتي
هالطابور هذا انسيه ولاجنج صفيتي فيه ابد .. < قزريها برد ابو ذهب وبرد صاروخ
خآمسا : شعرج لاتفكرين تقصينه لان عند العجز جمآل المره بشعرهااااا وان قصيتيه مالج آي قبووول عندهم < حتى لو تقصينه لي رقبتج
جنج عندهم رجآل مربي شعر ههههههههههههههههآي :krkrkr:
يعني انتي عندهم مثل جذي لاقصيتي شعرج
يآدافع البلا ههههههههههههههههههههههههآي :krkrkr:
سآدسآ : خليج جيده وحيه وسنعه لازاروكم بالبيت قومي اخذي الدله وصبي القهوه بكل دلع وحيآ ولاتخلين امج تسوي شي خلي كل شي عليج
< جذي قدامهم ولا طلعو كل شي على امج ياعزتي لها :eh_s(11):
سآبعا : تعلمي طريقه طبخ القبوط والمرقوق والهريس والجريش < آفضل آكلات العجز < حشآ مو عروس خدامه :krkrkr:
ثآمنا : خليج ثقيله بالكلام لاتصيرين خبله ورقله يعني نظآم ( وآي .. آي شي .. آمبيه .. مو صج .. ان شاء الله مو جذي )
شيليهم شوي من قآموسج لين تصطادين فآرس آحلامج
ولما تصطادين العريس قولي الي تبين خخخخخخخخخخخخخخخخخخ :eh_s(9):
تآسعا : لاشفتي جاهل يبجي ولا ملابسه وصخه ولا هادينه اهله بروحه اتبعي هالخطوآت : :eh_s(15):
1) ( عطيهم نظره صدمه وبرآءه ) :eh_s(2): << مثل هالفيس بس بدون دموع لو سمحتي
2) قولي > هالجاهل منو ولده
3) حرآم ليش جذي قاطينه وصخ
4) رزي طولج وقومي بكل دلع اخذيه ونظفيه خليه يلق لق
5) ضميه بصدرج وخليج حنونه معاه ولعبيه لين يسكت
( طبعن كل هذا تسوينه عشان يتطمنون على مستقبل آحفادهم الي اهم عيالج اذا اصطدتي واحد من عيآلها )
وفي النهآيه اتمنى ان تعجبكم الخطوآت وتتبعونها < آي هين اذا اتبعتوها ههههههههههههآي
جعلكن العرس جميعآ خواتي العزيزآت :eh_s(7):
.gif)
