اللي تبي تعرف عن كوزمودم اللي بالمهلب

[شربت بيذان]

عندهم جلسات للبشره مثل التبييض الشيخوخه البشره الدهنيه وحب الشباب و النضاره والرونق واسعارهم من 30 الى 50 للجلسه الوحده
العنايه بالجسم مثل مساج استرخائي مساج تنحيف وتصريف الماء مساج الصخور الحاره وحمام مغربي و حمام تبييض وتقشير البشره و الحمام العطري و الحمام الامبراطوري بالعسل او التفاح او العنب او الشوكولا
وعنهم مستحضرات العنايه بالجسم
وعندهم تنحيف وتشكيل الجسم بالاجهزه و المستحضرات اذا تبين تشترين
والعنايه بالقدم واليد
العنايه بالشعر
عندهم تاتو وبيرم وصبغ الرموش
والحين عندهم عروض مثل الجلسات كانوا 180 الحين 100
وجم شغله بعد لي تاريخ 31_5_2007

 

[ii DareeN ii]

مشكوره حبوبه بس ياريت تحطين رقم التليفون:eh_s(17):

 

[شربت بيذان]

تامرين رقمهم 2640640
2640670

 

[ii DareeN ii]

مشكوره حبوبه مايامر عليج عدو ولا ظالم تسلمين

 

[noty]

يعطيج العافية حبيبتي

انا سويت بدكير و منكير ب 15 ديناار الوع الجبد .. حاله حال الردي اللي بالفنار حتى الدم طلع مني

 

[Dancing^Queen]

سؤال حيث اني سوبر وومن وهافي ديوتي ابي مره من نفسي ادلل نفسي
شرايج بمساجهم ابي شي يلخلخ العظام بدون تلخلخ ميزانيه

 

[شربت بيذان]

عن البديكير و المينكير ما ادري . لا بس اهو يلخلخ عظام

 

[ورد الصبا]

انا يالغاليات جربت عندهم جلشات التخسيس باللف الحراري وبالاجهزة وشريت منهم كريمات ومجموع ما دفعدت عندهم قرابة ال 400 ولا ااااااااااااااااااا شفت نتيجة بس مخاسير وحره

 

[شربت بيذان]

صح اهو غالي . بس اهو حلاته مه بالشهر ادلعين عمرج بمساج او شي ثاني مو الدسته اللي قلتي عنهم

 

[cacaw_q8]

صح لسانج بصراحه الواحد منا يحتاج يدلل نفسه على الاقل مره بالشهر ريلاكس

 

[ورد الصبا]

تبين تدللين روحج روحي لسبا شي خيالي من قلب انا جربته شي بالاحلام اكثر من رائع هذا صج للدلال
واللي انا سويته عند كوزمودم و كان للتخسيس يعني انهريت حرارة وتيارات كهربائيه مو مساج للريلاكس

 

[كويتية أصيلة]

انا ما ادري ليش احب السبا تايم اكثر كمساج وريلاكس

 

[ii DareeN ii]

سبا تايم:eh_s(22):

 

[$$مذهلة$$]

يعطيج العافية

كل مرة انوي اروح ويعطلني شي

 

[غموض المطيرى]

ما عجبنى سمعة على الفاضى مافى احلا من ديسانج وبس

 

[^كويتية^]

ما عجبنى سمعة على الفاضى مافى احلا من ديسانج وبس

حبيبتي كوزمودوم و ديسانج و اوباجي نفس الشركة ..،
تملكهم احدى الشيخات الغنجاوات <== شفيها ام لغة

المهم انا جربت الأثنين .. اصلن نفس اللي يشتغلون ونفس الأجهزة ونفس الأسعار .. بس العروض ما يسوونهم بديسانج لأنهم ما يبون زحمة هناك!
وبعدين بالعكس انا وايد نفع وياي الكوربو مال التنحيف والشد .. شي خيالي .. بس صج اللي تاخذه عالخفيف ما ينفع .. انا من اول ما ادش اوصله 99 <=== خاشه عالجامد

و بعدين نفسيتهم حلوه صج البديكير و المنيكير مو شي عندهم بس جربي البرافين والسبا لليدين والرجلين(شفيها أم يدين ورجلين) امبيه وايد حلوه !!