اللي تحب البنفسجي والاخضر تدش تساعدني ؟؟

[F.L.O.N.A]

بنات بليز ابي مساعدتكم ...

انا غرفتي صغييييره حييييييييل وبيتنا زاوية وانا غرفتي صايرة بالزاوية مالت البيت <<< موقع استراتيجي بس المشكلة انها صغييييرة ومتروووسة درايش وعارفين عندي طوفتين كلهم درايش ..

المهم انا بستغل الطوفتين الثانيين ... وحده مخليتها حق المكتب ووحده حق التسريحه لاني ماخذه الميرور اللي تتثبت عالطوف ...

حاليا قررت اصبغ غرفتي خلال هاليومين لان عطلة ومشتهية اصبغها بنفسي بس ابي اسالكم من وين اقدر اشتري الاصباغ والعدة ؟؟؟

وثاني شي انا محتارة بين جم لون ؟؟؟


اختياري الاول ودي ادمج بين البنفسجي والاخضر هالدرجتين ..
يعني اسوي الطوفة اللي فيها دريشة صوب السرير والطوفة اللي فيها التسريحه بالنفسجي الليلكي عشان الهدوء والاسترخاء ، وصوب المكتب والدريشه الثانية اخليه بالاخضر الفاتح ... واطعم الطوفة بالاستكرز باللونين ... عالخفيف ...

هذول الالوان : << طبعا الصورة للمثال بس ، ادري الفراشة سوالف يهال واصلا ماكو مكان فوق السرير حق جذي لان صايرة وراه دريشة ،

بس شرايكم ؟ احط ستاير ورا السرير بحيث تغطي كل الدريشة اللي وراه ؟؟ والا بس رول على كل قطعه ؟؟
لان الدريشة صايرة مضلعه بهالشكل :

الاغلبية اشوفهم يستغلونها يسوون قعده ، بس انا غرفتي حييييييييييل صغيرة ماكو مجال اضيف ولا شي وانا مستغلة هالدريشة مدخله السرير داخل بالطول وعالاجناب حاطة الكوميدينتين .

بس شرايكم ؟ احط ستارة كاملة بحيث تغطي الشكل المضلع من ورا السرير والا اخليه نفس ما اهو وكل قطعة شباك عليها ستارة روول بروح ؟؟؟؟؟؟



هذا بالضبط اللون الليلكي اللي بخاطري ؟

وهذا الاخضر التفاحي

بس افتح بدرجتين ... يمكن



مثال تطبيق هالصورة << بغرفة ياهل بعد هههههه بس ميخالف تخيلوها غرفة وحده كبيرة

شرايكم ؟؟؟؟


والا احط كل الطوف باللون التركواز البحري <<<< شفته بديكور محل حلويات طوسي وصراحه عجبني لان حاطين معاه نفس لووون اثاثي (( الخشب old style )) نفس لون الارضية بالصووورة 7

ادري طولت عليكم ومصختها بس هم ابي تدلوني ..؟

وين احصل الحروف اللي مثل جذي تنحط عالطوفة واختار الحروف اللي ابيها

وابي الارفف اللي جذي ؟؟

 

[قاهره عذالي]

احسن لج صباغ يصبغ ويكون فاهم

احسن لج من انج تحوسين بنفسج

اصبغي وحده من الطوف اللي مافيها دريشه ولا باب صبغ تقليم اخضر مع بنفسجي والطوف الباقيه بنفسجي فاااااااااتح مطفي مايل للبياض

 

[F.L.O.N.A]

احسن لج صباغ يصبغ ويكون فاهم

احسن لج من انج تحوسين بنفسج

اصبغي وحده من الطوف اللي مافيها دريشه ولا باب صبغ تقليم اخضر مع بنفسجي والطوف الباقيه بنفسجي فاااااااااتح مطفي مايل للبياض

هلا فيج حبيبتي ..

والله بيني وبينج انا خايفة اعفس الدنيا لو اشتغلت برووحي بس ودي ... وابي يكون الصبغ بدون ريحه لان معاي ربووو وما اتحمل الريحه كللللش ...

بالنسبة للتقليم X ما ينفع للاسف مع غرفتي لان اساسا الطوف حيييييل مرتفعه واتوقع مع التقليم بالطول يزيد الارتفاع وبالعرض مادري احس بيطلع حلوووو تصدقين ؟؟؟

بس المشكلة الطوفة الوحيدة اللي عندي مافيها ولا باب ولا دريشة اهي طوفة اللي صوب التسريحه وهم قبال الباب هههههههه

مادري اذا يطلع حلو والا لا


مشكووووووورة يالغالية على مرورج ومساعدتج لي :eh_s(7):

 

[أحبه موت]

الاخضر والبنفسجي اينننننننننن انا وايد احب هاللونين فا توكلي وسويها
بالنسبة حق دريشتج ليش ما تستغلين المسافه لأن لو بتغطينها كلها في برده وحده راح تصغر الغرفه اكثر وانتي ما تبين هالشي
يعني مثلا ليش ماتحطين فيها المكتب وبالعكس راح اتصير الدراسه احلى جبال الدريشه واتحطين حق كل دريشه ستاره
او اتحطين فيها المس تواليت انتي مو عندج 3 درايش يم بعض نفس الي بالصورة يعني المنظرة اتصير بالدريشة الي بالنص وتظل عندج دريشتين الي عاليمين واليسار
عاد اذا صبغتي لا تنسين اتحطين لها الصور قبل وبعد​

 

[منال $]

بدك بنفسجي واخضر منفس الوان المنتدى تبعنا؟؟مالاحظتي هالشي
البنات ما قصروا انشالله فادوكي

 

[F.L.O.N.A]

اب بناااااااااااات

وبليز بضيف شغله
ابي ضروووووووووووري كفر حق السرير بهاللون وسااااااااادة وين احصل ؟؟؟؟؟

 

[قاهره عذالي]

مو شرط حبيبتي دوري بالسوق

حتى لو يكون نفس لونه بس فيه نقشات بنفسجيه

 

[&*(جروووح)*&]

ررررررررررررفع

 

[أدريانا.]

رفففع

 

[F.L.O.N.A]

مشكورين بنات اللي رفعوا الموضوع الله يرفع قدركم

اب يا حلوين ساعدوني

 

[أم عيد]

انا اقولج الرول احلى واجدد

 

[أم عيد]

والالوان الي مختارتهم حلوين انا اموت ع الخضر الفاتح الي يسمونه فستقي مادري تفاحي

 

[F.L.O.N.A]

هلا حياتي ام عيد
انا بعد امووووت عاللون هذا
مع البنفسجي

تسلمين لي ياحياتي ماعندج فكرة وين احصل اكسسوارات بهاللون الاخضر هذا؟؟؟

 

[خلطات المذهله]

البنفسجي انا اخترت درجع غامجه وحشاني غلقه موطبيعيه لين غيرت اللون اختاري الدرجات الافتح من كل لون فيهم

 

[F.L.O.N.A]

اي صاجة مذهلة .. اللون الغامج كلش مو حلو حق الديكور بس باللبس والميك اب حلو

تسلمين لي يالغالية


للحين محد جاوب استفساراتي

 

[الدنيا غير]

هاللونييييييييييييييين احبهم و ربي رووووعه
وامس كنت بالغانم لا تشوفين البراويز و و الكوشيات و التحف على اللونين رووعه لا تطوفج
و هم هالرفوف تلقينهم هناك و نفس اللون بالضبط ..
و اذا تبين ارخص عندج بنتا اللي بالضجيج عندهم نفس الرفوف و بألوان ثانيه

 

[F.L.O.N.A]

حبيبتي مشكووورة عالرد والله منورة

اهم هاللونين قمة في الاسترخاء والهدوووء وانا عندي مشاكل بالاعصاب بعيد عنكم الشر فانصحوني باللون البنفسجي وانا احب البنفسجي مع الاخضر بس ناقصتني هالاشياء وابيكم تساعدوني

 

[ريحانة الجنوب]

رفع لعيونك

 

[منصـ1981ـورية]

هلا أختي ... وأنا من المعجبين بهاللونين .. وثيم عرسي البنفسجي والأخضر .. بس عاد هذا من 5 سنوات قبل ...


المهم .. توكلي وسوي هاللونين .. بس نصيحه إذا أنتي فيج ربو .. ف لا تصبغين الحجرة بروحج .. خلي الصباغ يصبغلج .. وبيخلص في نفس اليوم،، وهذي شغلتهم وهم سريعين .. بس إذا أنتي بتتعبين وااايد ...


وإذا عن الدرايش .. تقدرين تغطينهم بطريقة ،، يعني تقدرين تحطين كبت وتلغين الدريشة نهائياً .. نحنا جي مسوين في البيت .. خليلج عالأقل دريشة أو دريشتين ..


بس من وجهة نظري الوول بيبر أحلى بوايد ويكون فخم ..

وعلى فكره هذا أول موضوع أشارك فيه . . :3lm1:



وبالتوفيق ...

 

[Maybe_87]

أول شي الألوااااااان واااااايد حلوة

وأهنيج على خطوتج الحلوة إنج تصبغين غرفتج بنفسج
أحب اللي يسوي شغله بنفسه خصوصا إذا ما يبيله شي
بس احنا نعتمد ع الغير بكل شي
وحبوبة إذا الطوف زينة ما يبيلها معجون
توكلي على الله واشتري الفرشة والصبغ
تحصلينهم بمحلات اللي يبيعون أصباغ
وسئليهم إذا بصبغ بروحي شنو أحتاج


وبالنسبة للطوف دام إنج تبي تصبغين لونين
خلي كل طوفتين يم بعض نفس اللون
يعني مو الطوف المتقابلة نفس اللون
أتمنى إنج فهمتيني
عشان لا تصير الغرفة مشتته بالألوان
دام إنج تبينها تكون هادية وريلاكس


والستارة خلي كل دريشة بروح مثل ما قلتي برول بروحها
عشان يعطي احساس بالاتساع شوي


والأرفف اللي تبينهم شوفي بنتا وايكيا
إن شاء الله تحصلين عندهم


وبالنسبة للأحرف شوفي بوتري بارن وماماز آند باباز
شفتهم عندهم وإن ما عجبوج قولي للنجار يفصلهم لج


وبس أتمنى أفدتج
وتراني ناطرة غرفتج بموضوع بشوفها