اللي تطلقت وعندها عيال ... وتزوجت واحد ثاني ... شاركينا

[ام هزاع]

مرحبا


الطلاق مو نهاية المطاف ممكن الوحده تعيش حياتها مع شخص ثاني يستاهلها


بس السؤال:


اللي تطلقت وعندها عيال .. وتزوجت واحد ثاني ... ياليت تشاركنا بتجربتها ...

وعيالها من الاول خذاهم والا ظلوا عندها ؟؟؟

 

[DooLy88]

والله خالتي كانت متزوجة واحد لايطاق
والحمدلله انفصلت وعاشت ياتها بيت يدتي (بيت اهلها) احلى من عيشتها مع زوجها بألف مرة
ماصارت غبية مثل بعض النسوان اللي صابرين على المذلة والاهانة والخيانة ويقولون مانبي نتطلق عشان بيتنا لاينهدم << شدعوة مانهدم يعني
وعندها بنت ونطرت والحمدلله ياها نصيبها وخذت بنتها معاها وكاهي بنتها بتدش الثنوية وريل امها صار مثل ابوها بالضبط ورباها اكثر من ما ابوها رباها
ابوها (طليق خالتي) كان اييها مرة بالاسبوع بعدين مرة بالشهر مع ان يوم تطلقت بنتها توهااااااااااااااا مولودة ام ايام - وانقطع ماقام يجوف بنته
ريل خالتي خذها مع بنتها اللي كان عمرها 4 سنين تقريبا او اقل

 

[ام هزاع]

ماشاءالله علي خالتج فعلا اتخذت قرار صحيح والله وضها باللي يستاهلها ويصونها ويعز بنتها

الله يتمم عليها ويسعدها يااااااااااااااااارب


مشكوووووووووووره على مشاركتنا هالقصه ...


تقديري لج

 

[dj.RomanCe]

رد : رد: اللي تطلقت وعندها عيال ... وتزوجت واحد ثاني ... شاركينا

مرحبا أم هزاع
يالغلا أنا بعدي ما تزوجت توني بزر
بس بقولج عن خالي يا جعله العافيه
تزوج وحده مطلقه وعندها عيال ولا بعد أكبر منه
بالأول كانت بالمحاكم ويا زوجها الأولي على العيال وخالي وقف معاها لين ما صارت الحضانه كامله لها
وخالي حبيب قلبي ما يدري وين يحطها وشيسويلها
وعيالها يغليهم أكثر من نفسه وربي أنه يحبهم أكثر من بنته من مرته الأولى
ومعززها هي وعيالها ولا عليهم قصور وشوفيهم عندهم عيال وعايشين بخيــر وربي سوالفهم تضحكككك
تقولين معاريس مع أنهم من زمااااان متزوجين
مو كل زوج أم أو مرت أبو مو زينين

وأتمنى تعجبج مشاركتي

تقبلي مروري مع خالص تقديري واحترامي لج يا الغلا

 

[ام هزاع]

رد: رد : رد: اللي تطلقت وعندها عيال ... وتزوجت واحد ثاني ... شاركينا

مرحبا أم هزاع
يالغلا أنا بعدي ما تزوجت توني بزر
بس بقولج عن خالي يا جعله العافيه
تزوج وحده مطلقه وعندها عيال ولا بعد أكبر منه
بالأول كانت بالمحاكم ويا زوجها الأولي على العيال وخالي وقف معاها لين ما صارت الحضانه كامله لها
وخالي حبيب قلبي ما يدري وين يحطها وشيسويلها
وعيالها يغليهم أكثر من نفسه وربي أنه يحبهم أكثر من بنته من مرته الأولى
ومعززها هي وعيالها ولا عليهم قصور وشوفيهم عندهم عيال وعايشين بخيــر وربي سوالفهم تضحكككك
تقولين معاريس مع أنهم من زمااااان متزوجين
مو كل زوج أم أو مرت أبو مو زينين

وأتمنى تعجبج مشاركتي

تقبلي مروري مع خالص تقديري واحترامي لج يا الغلا

هلا وغلا

سبحان الله فعلا ممكن زوج الام يكون احن من الابو نفسه

والله فرحتلهم الله يهنيهم ويسعدهم ويبعد عنهم العين .....

ويرزقج باللي يستاااااهلج ويحطج بعيونه وفوووووق راااااسه


تقديري لتواجدك الطيب

 

[بنت الواوان]

رد : رد: رد : رد: اللي تطلقت وعندها عيال ... وتزوجت واحد ثاني ... شاركينا

هلا وغلا

سبحان الله فعلا ممكن زوج الام يكون احن من الابو نفسه

والله فرحتلهم الله يهنيهم ويسعدهم ويبعد عنهم العين .....

ويرزقج باللي يستاااااهلج ويحطج بعيونه وفوووووق راااااسه


تقديري لتواجدك الطيب

والله على حسب المرتة والريال نفسهم

 

[BABY MASTER]

مرحبااااا

ام هزاع انا حاليا مطلقه وحامل يعني بعدي ماخلصت عدتي وسبحان الله قاعده

احاتي هالياهل شلون بربيه و لو تزوجت شراح اسوي معاه

عسى الله يعينا ع الدنيا بخير

وبالنسبه لموضوعج اي انا اعرف مرت جيران بيت عمي تزوجها

واحد مطلق وهي بعد كانت مطلقه ومعاها بنت و زوجها ربى بنتها ليما تزوجت

وهي تعتبره ابوها اكثر من ابوها الصجي

ادعيلي اتزوج ويكون زوجي مثله:tongue22:

 

[hopfull]

بنات كملو

مادري ليش افكر بالموضوع!!!!

ياالله ابي اسمع اكثر وشلون حياتها صارت بعد الطلاق ومعاها عيال

:n2006107:

 

[UNICORNA]

شخصيا مادرى عن واحده تطلقت وتزوجت وعندها اطفال

بس انا من مشجعات المطلقات على الزواج

صراحه ماحب ابدا المطلقه تجلس تقول انا عمرى ضاع وليش اتزوج واجلس على العيال اربيهم

حراااام والله ليش تحرم على نفسها شى احلله لها الله

وصراحه مدرى ليش ما بقدر اتعاطف ابدا مع اى واحده تعيش مع زوجها مهانه عشانها

تشوف انه اهانتها اهون من طلاقها

الا اللى مالها اهل ولا لها راتب هذول اتعاطف معهم ولكن تكون عندها فلوس وبيت وهو يضربها ويهينها

وماترضى تطلق هذى ماتحتاج تعاطف ابدا

المهم انى من مشجعات المطلقات على الزواج لانى ماحب الحياه توقف عند احد :eh_s(17):

 

[السهل الممتنع]

بصراحه انا متطلقه بس ما عندي اعيال بس بقولج عن حالتين :
الاولى عمتى كانت متزوجه مع واحد وتطلقت واهي حااامل وعندها بنتين واللحين اهي مملجه ع واحد بس بخصوص بناتها ما ادري هل بيكونون عندها ماادري عن هالشي
اما الحاله الثانيه اهي حماات اختى مطلقه وعندها ولدين وبنت وكان زوجها الله يستر عليه صايع برتبة سربوت وبعد ما تطلقت منه الله رزقها بواااحد دين وعنده مره بس زوجته الاوليه ماتجيب ضنى وتزوجها وظفها اهي واعيالها وربى اعيالها حتى احسن من ابوووهم وهم ربج رزقها منه بضنى واعيالها معاهاا ومشاء الله تمدح حياتها ..

 

[3so0ola]

هلا حبيبتي
اعرف واااااايد مطلقات وعندهم عيال وتزوجوا رياييل ما سبق لهم الزواج بعد عااادي
وأنا مطلقة وعندي بنت الله يحفظها 4 سنوات
وتزوجت وبنتي عندي
أبوها سوا سوالف ومشاكل بالمحاكم بس طااااف ماله شي لان الحضانة تكون لامي وانا ساكنة بفريج امي
وبحكم دوام زوجي فانام عند اهلي 3 ايام بالأسبوع
وزوجي علاقته ببنتي تهببببل الله يتمم عليهم وأحسن من أبوها
واهي وااااايد تحبه وتموت فيه وصايرة شريجتي معاه فديتهم
لما كنت عند أبوها مايهمه الا الحديد والنادي والمواتر حمدالله والشكر
بس الله عوضني بزوجي خير فديته
وأحلى شي صار لي أني تطلقت لأني تزوجت واحد كااااامل والكامل الله قولوا ماشالله
وأشكرج عالموضوع المميز

 

[انتظر حبه]

رد : رد: اللي تطلقت وعندها عيال ... وتزوجت واحد ثاني ... شاركينا

الله يتمم عليكم ويسعدكم وصج الطلاق ولا العيال عايق انج تشوفون حياتكم

 

[أبله كويتيه]

اي وايد تصير

عمي تزوج وحده اكبر منه ومطلقه وعندها ولدين بعد

والحين ياب منها توم .. وبنوته ..

وماشااءلله عليهم مرتاحين الله لا يغير عليهم

 

[lovely jojo]

ابـــــ

 

[Lemon Juice]

وحده من أهلنا توها متزوجه

كانت منفصله وعندها ولد عمره 6 سنين , ولدها الحين قاعد عند امها "يدته"

اهي ما عندها مانع تخليه عندها وحتى ريلها متفهم بس امها تبيه عندها تعودت عليه

وابو الولد هم بعد يحبه وعلى طول ياخذه ويطلعه

الله يرزق كل وحده ريال صالح يحبها ويخاف عليها قولوا آمين

 

[_ظل الياسمين _]

ربى يسعد الجميع بما يرضى .

 

[hopfull]

ياالله بنات نبي سوالف بعد استانست عالموضوع

يالله بنات:eh_s(3):

 

[تعويذه الحب]

حبيبتي انا تطلقت وعندي 5 والحمدلله تزوجت وعيالي عندي و زوجي يعامل عيالي احسن من ابوهم والله شاهد

كنت بالاول متردده ومتخوفه من المشاكل اللي ممكن تصير لو طليقي درى اني بتزوج خفت لا ياخذ اليهال مني

بس فكرت بخطه والحمدلله نجحت دقي عليه وقتله فلان انا بتزوج قالي بالمبارك جان اقوله وشلون على اليهال

بتاخذهم انا طبعا قتله جذي وقلبي يتقطع لاني ابي عيالي بس لازم ابين له اني مهتمه عشان لا يمسكني من ايدي اللي تعورني

مثل ما يقولون وفعلا الخطه نجحت وقالي لا مابيهم خليهم عندج انا اشوف نهايه كل اسبوع وبالعطل وانا ما اقدر على مجابل

اليهال وامي مره كبيره ما تقدر عليهم واللي بياخذج لازم يرضى بعيالج وهذا اللي كنت ابيه فقتله خلاص نروح وتسويلي

تنازل عنهم وفعلا سوى لي تنازل والحين عايشين احلى عيشه وريلي يحب عيالي واايد لدرجه انه اذا شافني معصبه عليهم

او اهاوشهم ما يرضى الله لا يغير علينا

 

[طعني B-hejraNh]

رد : اللي تطلقت وعندها عيال ... وتزوجت واحد ثاني ... شاركينا

مرحبا


الطلاق مو نهاية المطاف ممكن الوحده تعيش حياتها مع شخص ثاني يستاهلها


بس السؤال:


اللي تطلقت وعندها عيال .. وتزوجت واحد ثاني ... ياليت تشاركنا بتجربتها ...

وعيالها من الاول خذاهم والا ظلوا عندها ؟؟؟

والله يا ام هزاع ما اقدر افيدج بس سمعت عن وحده تطلقت من ريلها وهي معاها 4 , وصارت مشاكل لان ابوهم يبيهم وامهم تزوجت , المهم القضاء حكم للابوهم ياخذهم وتزوج وللامانه ما يشتكون من زوجت ابوهم .

بس عاد من كملوا السن القانوني راحوا لامهم والحين كلهم متزوجين وجالسين في بيت زوج امهم وعادهم مثل اعياله
صدقيني الاعيال مردهم لامهم لو طالت المده .
:aha:

 

[وفا]

رد: رد : اللي تطلقت وعندها عيال ... وتزوجت واحد ثاني ... شاركينا

والله خوووش موضوع

وتجارب ونصايح ........ مفيده للكل

بس حبيت اسئل ويارب الاقي جواب عندكم

عمتي مطلقه وعندها 2 ولدين واحد عمره 9 سنيين وواحد عمره 10 ........... واهي تبي تتزوج بس تخاف ياخذهم لان اهو مهددها اذا تزوجت راح ياخذهم

ما تدرون جم السن القانوني للولد ويرد لحضانة أمه ؟؟؟؟؟؟؟؟؟؟؟؟؟؟؟؟؟؟