اللي تعرف الطلق الطبيعي ادش تفيدني

[Princess^Mom]

السلام عليكم
بنات انا صارلي اسبوعين بالتاسع وماني عارفه اﻷعراض اللي فيني طلق ولا خرابيط يحوشني مغص مثل الغازات يس ادش اتسبح اقول شكلي بولد كل شي يختفي جني جذابه وهم يحوشني مغص وادش الحمام.تكرمون اسهال ولويه
اللي تعرف ياريت تفيدني وبنات شنو ممكن اخذ عشان اولد بطلق طبيعي

 

[نور دنياه]

ابببب لعيونج

انا بجر ماعرف بس قالوا لي انه يكون مثل الام الدوره :bbbiu: ويكون منتظم كل 10 او 5 دقايق

 

[RO0O7Y KUWAITYA]

عسا الله يرزقج الطلق الطبيعي ... ولاتجربين الصناعي


انا ولدت بطلق صناعي فماعندي فكره ياقلبي عن الطبيعي ... بس ان شاءالله اجربه هالمره ...

 

[om-flan]

دام عقب السباحة بماي دافي يروح يعني خرابيط

الطلق الصجي مابروح بعد السباحة بالعكس يزيد

الدكتورة قالت لي جذي والله ييسر امرنا انا نفسج يروح

 

[أبكاني ذنبي]

انا بجريه وامس الدكتوره قالتلي

الطلق يكون مثل آلام الدورة بس زيااده الالم

وقالت منتظم مثلا كل ساعتين وبعدين كل ساعه وقالت لا تروحين المستشفى الا لما يكون

كل ربع ساعه احسن لج

والله يهون عليج يااارب

 

[ريماا]

اهو يختلف من وحدة لي وحدة وحتي من حمل الي حمل انا باول طفل كاان باااارد الطلق بس نزل عليً دم وبولدي الثاني ماحسيت بشي وبثالث طفل الم من تحت يروح ويرد ولما رحت المستشفي قالولي مفتوحه4 سانتي
بس عاما لو تقرين عن الالام تكون مثل الدورة وضغط من تحت والالام منتظمه
الله يسهل علينا ان شالله

 

[حنان1983]

والله انا ولدت مرتين طبيعي بس محتاره نفسج بالضبط لان اول حمل ما دشيت الشهر التاسع وولدت اخر الثامن كانوا توأم وكان عندي تخطيط بالليل بالمستشفي وعطوني ابره ظهر وقالي لازم تولدين الماى ناقص على البنات
وتاني حمل والله انى نسياه بس انا كنت لاهيه بالامتحانات وتعبت شوي بالليل اخذت بسكوبان ونمت صحيت عقبها بساعتين على الم قوي ورحت المشفي ولدت عالطول


هالحمل غير بالمره انا الحين اخلص اول اسبوع بالتاسع ويجينى الم وامس رحت الطوارى وسويت تخطيط صحيح فيه طلوق بس الرحم مسكر وما اعرف شلون افرق بين الطلوق الصجيه وبين االالام اللى تكون نفس المغص مع الم فى الظهر والله انها كانت منتظمة واخر شى الدكتور يقولى بالصباح مو ولادة تفشلت ورديت البيت

 

[ام اغلى الناس]

حتى انا صراحه ماعرف للطلوق
بولدي ولدوني اول التاسع من غير طلق
و من اسبوعين نزل دم رحت الصباح قالوا طلق من غير مايفتح الرحم
عطوني ابره توقف الطلق لاني بالسابع
وكنت احس بعوار دوره خفيف مو قوي

 

[الأميرة جوري]

يمكن طلق كاذب من الشهر الثامن يبتدي لتمهيد لطلق الولاده

 

[روح الأحزان]

حبيبتي اهيا في ثلاث علامات للولادة
اما نزول المخاط او نزول الماي او الطلق آنه صارت معاي كلهم بس المخاط كان قبلها باسبوع الطلق اذا يالج لوشنو تسوين ماراح يخف بالعكس يزيد واذا خذيتي دوووووش دافي يزيد
والله يسهل عليج ويقومج بالسلامة ان شاء الله

 

[جـــواهر]

كل ولاداتي صناعي

بس اللي اعرفه ان هذي تساليف لان الطلق حااامي يستمر معاج
او نزول ماي اول نزول دم

والله يسهل عليج

 

[نااناا]

انا ولدت مرتين او مره صناعي وثاني مره طبيعي
ان شاءالله ماتجربين الصنااعي،،،
ويكوون طلقج طبيعي،،،،،
وبحمالي هذا ان شاءالله يكون طبيعي....الطلق

 

[سارة ة]

ااااااب

 

[BubbLe87]

اب اب

 

[ام الحلوااات]

الاعــــراااض اللــي فـــيــج مـــوطــلــق
لانـــي مــريــت فــيــهــا مـــن بـــداايــه الــتــاســع
والــطـلــق يــكـــون مـــثــل الـــم الـــدوره يــصــحــبــه نــزوول الــســدااادة
مــع افــزاات يــحــتــمــل ان يــكــوون مــعــهـا خــيــوط دم خــفيف
ويــســتــمــر الالـــم عــلــى فــتــراات مــنـتــظــمــه
كــل ســاعـتـيــن ثــم كــل ســاعــه ثــم ربــع سـاعــه وهــكــذا
وكــل طــلــقــه بــزيــااادة الـــم واذا حــمـــى الــطــلــق يــنــزل عــلــيــك مـــاء الــجــنــيــن فـــلابــــد مــن الــمــسـتــشــفـــى
اللــــه يـــســهـــل عـــلــيــج وتــــولـــديـــن طــــبــيــعــــي
​

 

[دلووعة أهلهاا]

قبل جم يوم قالي الدكتور اعراض الولاده ثالثه
المخاط او نزول الماي او الطلق والطلق يستمر مايخف او ينقطع الا لما تولدين وقالي كثري مشي وجماع وتمر وهم قالي اشربي دارسين وقلتله يقولون موزين لان يجيب المغص والطلوق ويمكن مايكون الرحم مفتوح جان يقولي اصلاً الرحم ماينفتح الا بالمغص بس مادري خفت وماشربت دارسين

 

[*kim*]

انا طلق صناعي وعساج ماتجربينه

الله يسهل عليج يارب

 

[أم عزيـز]

مثل ماقالوا البنات مثل عوار الدوره ايلج قبلها بجم يوم ويختفي
لما ايلج على لترات منتظمه وتكون بين كل طلقة والثانية اقل من ٥ دقايق يعني انتي وصلتي خير
والاهم ان تطيح السداده اللي مسكره عنق الرحم وتكون مثل كتلة دم على بني
والافضل لما تحسين بالطلق تاكلين تمر وتشربين حليب بزعفران وتسبحين بماي دافي على حار شوي
اهو اللي يحمي الطلق

والله يسهل عليج يارب

 

[Princess^Mom]

مشكورين بنات بعد قلبي ماقصرتوا الله يسهل علي وعلى الجميع يارب واولد بطلق طبيعي

 

[moon 15]

يارب يسهل عليك ويفرح قلبك بشوفه البيبي