اللي تعرف بالسونار تعلمني

[الحسن كله]

السلام عليكم
شلونكم كويتيات

والله يابنات ماعندي أحد أفرغ عنده اللي في خاطري غيركم ياكويتيات

بنات أنا متزوجه من 12 سنه وعندي بنتين الله يارب يخليهم لي بنتي الكبيره 4 إبتدائي والصغيره بأولا إبتدائي أنا حمالي صعب مع إنه ماكو سبب الحمد لله كل شي عندي سليم بس سبحان الله أطول بين حمال والثاني بنات أنا نفسي بولد صارلي 5 سنين أعالج مع إنه مافيني شي بس عشان الحمال وزوجي الحمد لله سليم بس مشيئة الله .. وطبعا جربت البوكس الأزرق والإبر والحميه وكل شي والحمد لله حملت وزوجي إستانس حييييييييل وصار يناديني أم عبدالرحمن عشان متأمل حيل إنه ولد بسبب العلاج وأنا الحين حامل بالإسبوع 14 ورحت للدكتوره اليوم وسوتلي سونار ثلاثي مادري رباعي المهم اللي شاشته كبيره وقالتلي بنت .. الحمد لله قدر الله وما شاء فعل بس بنات هل ممكن يكون السونار غلط مادري ليش حيل تفاجئة يعني كان نفسي حيل بولد هذا غير دعاوي الناس لي بالولد لمن درو إني حامل أحس إني متضايقه حيل أستغفر الله العظيم لا إعتراض على مشيئة الله .. بس بنات أمانه اللي غلط معاها السونار بالإسبوع 14 تقولي .. وأبي منكم دعوه من قلوبكم لأن والله حتى زوجي ماقتله..وأحس بإحباط لأنه حتى لو جبت هذي بنت مادري جم يبيلي وراها عشان أحمل أحس العمر يمشي تكفون إدعولي..
ومشكورررات​

 

[كويتيه مذهله 87]

حبيبتي الحمدالله علي كل حال بنت ولد والله هذي كتبه الله

اختي سوت بالاسبوع السادس عشر قالولها بنت و100% راحت شرت وجهزت وردي علبوا بنت
وبالاخير يابت ولد صدمه

معني يقولون الصبي مايغلطون فيه

بي حطي ابالج ان رزقتج من رب العالمين مالج شغل بالناس الي تقولج ولد ولا بنت
ان شالله تولدين وتييبين توام صبييين

 

[eemee]

حبيبتي بنت ولا ولد كلهم نعمه من رب العالمين واهم شي الخلقه السليمه وموزين تقولين جذي انج متضايقه ودام قالو لج بنت ارضي باللي الله رزقج فيه وشكري في ناس تتمنى الحمل وانشالله ياربي يرزقج بالولد وتفرحين فيه بس لا يضيق خلقج البنت والله انها باجر اهيا اللي بتشيلج ولا الولد لاهي مع مرته وربعه الله يوفقج انشالله

 

[الحسن كله]

جزاكم الله خير

 

[tota q8ia]

ايي حبييبتي تو الناس انا فبنتي قالولي ولد لي السابع وبعدين طلعت بنت

 

[غلا عيوني]

اذا ربج كااتبلج بنت بتيبن بنت واذا الله كاتبلج ولد بتيبن ولد,,,,,,,,,,,,,,,وكافي رسولنا صلى الله عليه وسلم اشرف الخلق عنده اربع بنات خليه عبره بينكم

وانتي بس بنيتن ودج بولد......................؟؟ قولي الحمدلله لاتخلين الشيطان يلعب براسج واللي يجي من الله حيه الله وعسى ربي يهون عليج ويرزقج

 

[AVE.NJ]

الحمد الله على حال
ترا البوكس الازرق والحميه هم تغلط
انه اختي بتموت على بنيه وسوت كل شي وطلع فيها ولد
هذي ارزاق بايد رب العالمين وهالدكاتره هم اسباب
وتاكدي انه اللي الله معطيج اياه اهوه الخير لج
ان شالله يتمم عليج وتقومين بالسلامه ,,ويرزقج باللي تتمنين

 

[انصاريه قمره]

انا ببنتي كوكا قالولي دار الشفا 5 مرات انها ولد رحت جهزت ازرق وسبحان الله قلب الام دليلها كنت اقولهم صدقوني بنت انا حاااااااااسه وفعلا يوم ولدت ما انصدمت لاني كنت حاسه

 

[عسل فى العسل]

اولا مبروك الحمال والحمدالله على ما اعطى اهم شي الصحه والعافيه

بخصوص احتمال خطأ انا اختي لما كانت حامل بولدها قالولها بنت لين قبل تدخل غرفة الولاده قايلن لها بنت واخر شي طلع ولد ربي يخليه لها

يقولج والعلم عند الله اذا قالولج بالسونار بنت يكون فيه احتمال انه ولد لان مرات الجنين يكون مسكر رجوله

واذا قالوا ولد معناته ولد والعلم عند الله

والله يرزقج بالذريه الصالحه

 

[زوجة الوسيم]

الحمدلله ع كل حال حبيبتي ماتدرين وين الخيرفيه
مومهم بنيه والا صببي المهم يكون سلييييييييييم وزباتم صحه وعافيه
الله يرزقج اللي تتمنيييييييييييييين وتييبين توام صبيان ان شاءالله ...........

 

[من حقي أغير]

الله يرزقج الولد الصالح

 

[آهات الليل]

شوفي السونار بالشعهور الاولى اذا كيس البيبي هلالي او على شكل موزه ولد واذا دائري او بيضاوي بنت وهالطريقه صح100%

 

[hneen2]

انا عكسج طررررررررررررررررت من الفرح يوم قالولي بنوته وييييييييي يازين البنات 10 واقول شويات لوووول

بس الله يرزقج بلي تتمنينه يااااااااااااا رب

 

[twinsmam]

يا حلات البنات و الله يهبلون
حمدي ربج على هالنعمة ليل و نهار و الله يرزقج بالولد الصالح انشالله

 

[آهات قلبي]

والله كلهم نعمه من رب العالمين .....والله له حكمه بكل شي......

 

[NauGhty nuRse]

حرام عليج لا تقولين جذي احلي شي البناااااااااااااات ملابسهم ودلعهم كربووونهم والله
انا بجري بنت وهالمره قلبي حاس انهااااااا بنوته والدكتورة قالتلي 70% بنت واالله طايره من الفرحه((بس الصراحه احس ريلي كان وده بولد لان كل شوي كان يسال الدكتوره انتي متاكده انها بنت هههههههههههههههههههه واستانس اكثر لمن الدكتوره قالت الياهل ريوله مصكره بس اعتقد بنت والله اعلم))

 

[NauGhty nuRse]

حرام عليج لا تقولين جذي احلي شي :stars: البناااااااااااااات :stars: ملابسهم ودلعهم كربووونهم والله
انا بجري بنت وهالمره قلبي حاس بنوته والدكتورة قالتلي 70% بنت واالله طايره من الفرحه _03BA:
((بس الصراحه احس ريلي كان وده بولد لان كل شوي كان يسال الدكتوره انتي متاكده انها بنت هههههههههههههههههههه :eh_s(20): واستانس اكثر لمن الدكتوره قالت الياهل ريوله مصكره بس اعتقد بنت والله اعلم))

 

[ماريا 1986]

مرحبا ..


اذا السونار رباعي اعتقد مافيه مجال للغلط ..


بس تدرون استغرب لما اقرا كلامكم عن اخطاء السونار ..يعني لو مرة او مرتين فالحمل ماعليه ..بس طول الحمل يقولون شي ويطلع العكس ..هذول مو داكاتره اسمحولي ..!!!


لاني انا وخواتي وكل الي اعرفهم من اهلي وصاحباتي ولا وحدة غلط معاها السونار ..من الرابع نعرف ويطلع صح حتى لو بنت ..وبالسونار العادي بعد مو الرباعي ..شي غريب صراحة ..

 

[.،:"$الـعـوبــــة$":،.]

والله ثم والله ماينفعكم بكرة الا البنات ،،
وعسى الله يرزقك بالولد وعسى السونار غلط ،
بس والله بكرة تذكري كلامي !

 

[أهداب]

مايعلم مافي الارحام الارب العالمين وهذي صفه خص نفسه فيها سبحانه جل وعلا.
واختي اهم شي انج حملتي وهذي نعمه المفروض تشكرين ربج عليها ولا تتذمرين حتي لوطلعت بنت وحطي براسج مدام حملج صعب ان ثلاث بنات دائما افضل من بنتين واربع بنات هم افضل من لاشئ!!!!