اللي تعرف عن هالمرض تدخل جزاها الله خير

[أبله أستاذه]

السلام عليكم ورحمة الله وبركاته

يعطيكم العافيه يالغاليات
بغيت أسأل واللي تعرف الله يعافيها لاتبخل علينا بالاجابه

أخوي فيه اعاقه عقليه بس نسبتها متوسطه ولله الحمد والمنه راضيين بما قسم له رب العالمين
قالوا لنا الأطباء أنه ممكن يكون مصاب بمرض اسمه برادلي ويدر
سألنا شنو أعراضه قالوا يكونون المصابين بهذا المرض متشابهين عيونهم لوزيه ووزنهم ثقيل
ونسبة الذكاء منخفضه 00 وبس وماعطونا لاحق ولاباطل
حتى التفاصيل ماعطونا فرصه إنا نسألهم 0 والوالده حيل متضايقه
أنا قلتلها لاتحاتين راح اسألج عنه وأعطيج خبر بإذن الله تعالى

بس أنا ماخليت في الأنترنت عن هالمرض بقرا وأطلع عليه وعلى أعراضه
مالقيت نهائيا ولاطلع معاي بقوقل ولاغير قوقل عن هذا المرض

خواتي الله يجزاها خير اللي تعرف عن هالمرض تخبرني عنه
أو اللي تعرف عنه موقع تعطيني خبر

وجزاكم الله خير خواتي الغاليات​

 

[الصابرة المحتسبة]

هلا يا استاذه

يمكن السبيلنغ غلط ياليت تعحطين الإسم بالضبط اللي موجود بالتقرير
وراح ان شاءالله نساعدج

 

[الصابرة المحتسبة]

وينج؟؟؟

 

[الصابرة المحتسبة]

بانتظارج؟؟؟

 

[girl_in_abottle]

مالقيت عن إلي تقولين عنه
بس اعتقد في خطأ بالسبلنج
ولو تعطينا السبلنج صح خصوصا بالإنجلش يكون وايد احسن
انا لقيت شي مقارب للوصف إلي قلتيه وهو هذا المورض
http://en.wikipedia.org/wiki/Sturge-Weber_syndrome

طبعا من اعراضة الإعاقة العقليه, و نقص بالذكاء, و وجود وحمات ولادة وايد

 

[ام نوونه]

لايضيق خلق امج ولا شي
ترى التشخيص اهني ولا شي
والله يشافيه انشالله

 

[الصابرة المحتسبة]

شصار عليج

 

[حضور القمر]

اتوقع هذا اللي تقصدينه
http://www.q8yat.com/t942605.html
الله يجزا الاخت الصابرة الف خير
ويشافي مرضانا ومرضاكم