اللي تعرف مطعم عائلي يفتح الصبح بالمنطقة العاشرة

[[]نهاوند[]]

صباح الخير

بصراحة مادري هالمكان مناسب لموضوعي والا لا
بنات بغيت مساعدة منكم

منو تعرف مطعم عائلي فيه كباين يفتح الصبح بالمنطقة العاشرة يفضل بابو حليفة

أغب المطاعم اللي اعرفها تفتح حزة الغدا وانا خاطري اروح اتريق على يوم الصبح عشان المكان يكون فاضي وعشان ناخذ راحتنا

تكفون لاتبخلون علي

 

[شادية]

مشاركة: اللي تعرف مطعم عائلي يفتح الصبح بالمنطقة العاشرة

جنه بهار او اسمه بهارات مدري ببو حليفه عند شار كويت مجك ومكدونلز فيه كباين وحلو مره بس يلح غدى

 

[[]نهاوند[]]

مشاركة: اللي تعرف مطعم عائلي يفتح الصبح بالمنطقة العاشرة

يعطيج العافية حبيبتي
بس انا ابي الصبح حق الريوق
ماكادونالدز فيه كباين اللي بابو حليفة ؟؟

 

[طال السكوت]

مشاركة: اللي تعرف مطعم عائلي يفتح الصبح بالمنطقة العاشرة

لا حبيبتي


ركبوا سيارتكم وطييييييييييييييروا على الكوت

فيه مطعم اسمه زعتر .......رهيب ولذيذ الصاج عندهم والكبب

كم مره تريقنا فيه ونقعد عالجامه اللي تطل عالبحر...........منظر يريح البال ويهدي الاعصاب

خصوصا ان مافيه ناس ........هاااااااااااااادي

واذا قعدتي هناك وارتحتي لا تنسيني بدعوه حلوه بظهر الغيب...اختك طربيزه

 

[[]نهاوند[]]

مشاركة: اللي تعرف مطعم عائلي يفتح الصبح بالمنطقة العاشرة

حبيبتي طربيزة عارفته زعتر اللي بالكوت وجم مرة اروح له
والفحيحيل فيها مطاعم عائلية تفتح الصبح بس مشكلة الفحيحل انها زحمة طول الوقت حتى الصبح زحمة

عالعموم مشكورة ياقلبي على المساعدة

اللي يعرف بابو حليفة لا يبخل علي اي مطعم فيه كباين ويفتح الصبح

وسلامتكم

 

[جارة القمر]

مشاركة: اللي تعرف مطعم عائلي يفتح الصبح بالمنطقة العاشرة

بنت الطنايا


كباين بأبوحليفة


سمعت عن مشاهير


بس دقي تأكدي

ودعوات كباين بس أكيد يفتح علي الغداء

وسلامتج

 

[واحشنى موت]

مشاركة: اللي تعرف مطعم عائلي يفتح الصبح بالمنطقة العاشرة

هلاا اختى انا مجربه مطعم كاسل باجيال الدور الثالث وفيه كباين والخدمه فلبينيات -- ورحتله وقت الضحى واكلاتهم حلوه صراحه وابوحليفه ماعرف واتمنى البنات يفيدونج اكثر

 

[[]نهاوند[]]

مشاركة: اللي تعرف مطعم عائلي يفتح الصبح بالمنطقة العاشرة

أختي جارة القمر
اي مشاهير فيه كباين بس ما اظن يفتح الصبح

أختي واحشني موت انا مابي بالفحيحيل لأنها زحمة طول الوقت

مشكورين حبايبي على المساعدة