اللي تقدر تساعدني تدخل

[رضا الله غايتي]

السلام عليكم
بنات منو مرت بمثل حالتي او سمعت فيها
انا حيل تعبانه والي الله المشتكى من الوسوسه بالموت
بس ابكي لوحدي اشوف عيالي ابكي
ضايقت زوجي بس يلقاني ابكي يقول ليش اقول خايفه
اموت
يقعد يكلمني بكلام مقتنعه فيه بس ما اقدر
يروح وبعد فتره يرجع واظن سببه حلم شفته قبل سنتين ونصف اتمنى افسره
بس خايفه حيل انه افسره وكل هالفتره السنتين يروح ويرجع
واتضايق من نفسي ومقصره بحقوق زوجي لانه احس مشغول بالي بس افكر واهملت بنفسي
وعيالي
الحمد لله مجتهده بالدعاء والله المستعان
ياليييت تساعدوني يا خواتي

 

[دلولي]

حبيبتي تعوذي من الشيطان انتي تقولين الحلم من سنتين وان انتي مقصره على زوجك ممكن تفسيره ان زوجك حاس بتقصيرك من ناحيته والموت ياحبيبتي حق لازم نؤمن فيه مات سيد الخلق محمد عليه الصلاه والسلام لاتشغلين نفسك فيه حاولي تشوفين عمرك وحياتك اخلصي لربك بالعباده واخلصي لبيتك وزوجك واولادك وقت ماتحسين جتك الوساوس اقراي القران واقراي المعوذات وان شاالله مايكون الا كل خير واذا حسيتي مافي مو عيب اذا رحتي طبيب نفسي ممكن عندك فوبيا الخوف من شي وجت على حاله الموت واسال الله العظيم رب العرش العظيم ان يشفيك

 

[Kocheko]

الله يشفييج حبيبتى ......... انا حلمت من سنه ونص انى راح امووت وسمعت صوت يقولى راح تموتين جريب وهذانى للحين عايشه
الاعمار بيد الله حبيبتى ... اهتمى بنفسج وزوجج .. مثل ما قالت الاخت روحى دكتور نفسانى بيفيدج واايد
وتعوذى من ابليس واقرى قران

 

[mamma mia]

لا تحاتين حبيبتي .. انزين حتى لو متنا ,, تره الموت رقدة طويلة بس وبعدين ان شاءالله راح نلتقي في الجنة ونعيش حياة ابدية وان شاءالله سعيييييييدة يارب في الجنة .. حبيبتي كل الي لازم تسوينه انج تشتغلين حق هاليوم اشتغلي وعطي ربج الي يحبه عشان تنالين الجنة يارب ..
اللي يشتغل حق اخرته مايخاف من الموت .. ابتدي من اليوم تزيدين عباداتج واشغلي روحج في اي شي واستغفري في اليوم الف مرة
والله ان شاءالله يجمعنا في الجنة الفردوس ونعيش مع بعض حياة سعيدة ابدية

 

[رضا الله غايتي]

الله يجزاكم خير على الردود الطيييبه
والله يرحمنا برحمته

 

[طموحه بزياده]

اختي ما يخاف من الموت الا العاصي

اذا انتي عندج ذنوب ومعاصي لي الحين تسوينها اكيد بتخافين من الموت

انتي لازم تشغلين نفسج وتتفائلين وتظنين ظن حسن بالله انه هو بيده الموت والحياة و اتركي عنج هالوساوس انتي تعذبين نفسج وانتي بروح تقدرين تتخلصين منها محد بساعدج كثر نفسج