اللي تقدر تصور نسخه من قرار الناظره اللي مانعه فيه الاستاذان والعرضي ترسله لي

[(كويتيه عسل)]

اللي تقدر تصور نسخه من قرار الناظره

اللي مانعه فيه الاستاذان والعرضي يوم الثلاثه

ترسله لي ابيه يكون فيه اسم الناظره مع اسم المدرسة

وشعار المدرسة او ختم المدرسة وتوقيعها ترسله لي على الخاص

 

[سـعـاد]

قوا كويتية عسل .. غايبة؟

انا توني قاعدة من النوم .. ( عشتو معتصمة )

المهم .. احنا ناظرتنا مجتمعة مع رئيسات الاقسام .. ورئيسة قسمنا مبلغتنا

وقالت ان مكتب مدير المنطقة داق عليها شخصيا .. ( طلق الهيم ) وقالهم ان الاستئذان والعرضي ممنوع في هاليوم واللي تغيب تتحول شؤون قانونية

 

[ورود وأزاهار]

رد : اللي تقدر تصور نسخه من قرار الناظره اللي مانعه فيه الاستاذان والعرضي ترسله لي

المشكلة إن القرارات بالتليفونات والمجات من أم بلغتني الناظرة بالموضوع وقالت الوزارة خايفة ،، من مسجاتهم والا من متى القرارات صارت مسجات

 

[(كويتيه عسل)]

ايه غايبه :eh_s(6):

 

[نسمه بارده]

حبايبي القرارات لفظيه علشان ماينمسك عليهم شي
حشا اسلوب ثعلبي خطير

 

[دلع ستايل 1234]

هذا القارارات لفضية ما يقدرون يسونة كتب عشان ماتصير رسمية وينمسك عليهم شي
في مدرستا العزيزة بعد ووقعنا على النشرة انة ممنوع الغياب العرضي والاستئذانات

 

[مزيـانه]

يا بنات اللي تحاسبها ادارتها على الغياب .. خل ترفع التظلم حق جمعية حقوق الانسان

و الله لي متى يعني؟؟؟؟

خل يوصل الموضوع لي بره .. يمكن تنقص ويوههم من هالخرابيط اللي يسوونها !!

 

[(كويتيه عسل)]

انا اليوم غايبه بشوف منو اللي يقدر يحولنلي للتحقيق

حبايبي الجلب اذا نبح مايعض

 

[أحلى^حياه]

والله خووووووش وحده انتي كويتيه عسل
احسن خليكم اقويااااااااء
واتوقع السكرتارية يقدرون يعطونج الورقة اللي تبينها
مدرسة واحد من اللي نعرفهم
الناظر مخليهم يوقعون تعهد بعدم الغياب او الاستئذان بهذا اليوم تخيلي!!!!!

 

[moony77]

وانا غايبه بعد تضامنا معكم وهمن لاني مريضة ومافي ني حيل حتى الطبية خذيتها يومين اليوم وباجر

 

[moony77]

اي حتى احنا موقعين على كتاب كاتبته الناظره بخط ايدها ومار على كل الاقسام عشان الكل يوقع مو بس رئيسة القسم بس يا عسل اذا يبتلج نسخه اشراح تسوين يعني