اللي تو انقبلوا شسالفه نروح نراجع ولا ننطر الجرايد

[يبيلك قلب مايتعب]

السلام عليكم ورحمة الله وبركاته



بنات اللي نزل قبولهم تو بالديوان ونقبلوا

الحين نروح نراجع ولا لماينزل بالجريده :cxxxp:

لان نزل القبول يوم الثلاثا واليوم الخميس مافي شي بالجرايد


شنسوي نقعد ولا نروح :gr4uu:


في احد منكم راح ​

 

[om_5looody]

انا قبلج سألت هالسؤال وناطره بموضوع (انزلت الاسامي) وكل يوم ادش على الجريده ماكو شي
على حطت ايدج........ حبوبه وين انقبلتي؟

 

[سمراء كالخمري]

اي والله حتن انا قاعده انطر نروووح ولا ننطر شسالفه بنات جنهم مايبونا نراجعهم ههه
وبعدين بسألكم انا شفت بموضوع عن الاوراق الي لازم اوديهم معاي من اول مقابله
صج لازم اخذ ويااي ورقه تحويل راتب؟؟

 

[om_5looody]

اي والله حتن انا قاعده انطر نروووح ولا ننطر شسالفه بنات جنهم مايبونا نراجعهم ههه
وبعدين بسألكم انا شفت بموضوع عن الاوراق الي لازم اوديهم معاي من اول مقابله
صج لازم اخذ ويااي ورقه تحويل راتب؟؟

والله ماعندي فكره شنو الاوراق المطلوبه يا ليت تقوليلنا....
ورقة راتب ولا احساب بواحد من البنوك؟

 

[سمراء كالخمري]

صوره من شهاداتج

4 صور شخصيه

صوره من الجنسيه

صوره من شهادة الميلاد

صوره من بطاقة المدنيه

ورقه تحويل راااااتب

اي تروحين البنك تقولين له ابي ورقه تحويل راتب حق الوزاره الفلانيه واهو يعطيج اياها سهالات بس احس وايد مستعيلين على هلورقه انا باخذها باجر احتياط

 

[يبيلك قلب مايتعب]

رد : رد: اللي تو انقبلوا شسالفه نروح نراجع ولا ننطر الجرايد

انا مقبوله بالتربيه

سمراء وين قريتي هالطلبات انزين شرايكم نروح ولا ننطر الجرايد

 

[سمراء كالخمري]

قريته باحدى الواضيع الي بالمنتدى انا الي اعرفه اخذ ويااي صوره من ( بطاقه مدنيه - جنسيه -ميلاديه - وشهاده ) بس

سالفه تحويل راتب مو داشه بالي ماعلينا منها
وسالفه متى نراااجعهم ,,, انا بعطيهم مهله و الاحد بروح اراجعهم احسن

 

[om_5looody]

صوره من شهاداتج

4 صور شخصيه

صوره من الجنسيه

صوره من شهادة الميلاد

صوره من بطاقة المدنيه

ورقه تحويل راااااتب

اي تروحين البنك تقولين له ابي ورقه تحويل راتب حق الوزاره الفلانيه واهو يعطيج اياها سهالات بس احس وايد مستعيلين على هلورقه انا باخذها باجر احتياط

مشكوره حبيبتي على المعلومات اتوقع على السبت يمكن انزلونهم بالجرايد عشان انراجعهم الاحد

 

[شقرديـه عالطل]

بنات لازم تنطرون الجرايد وبعدها اتراجعونهم
وماادري عن التحويل الراتب اتوقع لازم عشان اتكون اوراقج كامله مره وحده ومن البدايه

 

[om_5looody]

الله كريم شكلهم مطولين على الجرايد ......

 

[bnt_7waa]

بنات عادي انا قبلوني وكاتبين لي بالمسج يرجى مراجعت المكان قبل 15 يوم

روحو شوفو وين بودونكم قبل الزحمه

 

[bnt_7waa]

رحت وبصراحه قصو ويهي

قالو للحين ماوصل لنا شي من ديوان الخدمه فبنطر ليمه تنزل الاسامي بالجرايد او بعد جم يوم

انا مرشحيني لشئون القصر

 

[سمراء كالخمري]

انزين ماسألتيهم عن الاوراق المطلوبه ولا بيقولون لنا بالجرايد؟؟

 

[bnt_7waa]

لا والله ماسألت كلش الي اهناك مايعطون ويه

 

[سمراء كالخمري]

واااااي مو من صجهم مايعطون وي @@ ليش عاااد طارين منهم احنا
على الاقل جان قالو لج تعالي باليوم الفلاني ويبي وياج جي وجي
الله يستر انا باخذ وياااي ابوي لووول لزوم الهيبه عشان يحسبولي حساب

 

[أميرة 22]

متى يحطون خبر بالجريدة .. انا رشحوني بالتربية ..

بس قالت لي نطري لما يدزون لج مسج عشان تراجعينا حق مقابلة !!!

 

[Toffeya]

رد : اللي تو انقبلوا شسالفه نروح نراجع ولا ننطر الجرايد

السلام عليكم، انا انقبلت بوزارة الأوقاف
ورحت اليوم بس عالفاضي قالي تو لازم
المرشحين ينعرضون على لجنة عشان يحددون
أي قسم محتاجكم، وقالي بعد أسبوع تعالي وعطاني رقم
للإستفسار، اللي انقبلت بوزارة الأوقاف وتبي الرقم احنا حاضرييين ؛)[/quote]

 

[MgRoDa]

bnt_7waa
انا بعد رحت اليوم وانقص ويهي قالولي خلي رقمج واحنا ندق

 

[om_5looody]

يعطيكم العافيه على الروحه والعنوه وووووي عاد انا ناويه اروحلهم الاحد
خوش بشاره بس شكلهم مطولين ......

 

[قفشـه]

رد : اللي تو انقبلوا شسالفه نروح نراجع ولا ننطر الجرايد

يقولون بعد في دفعه راح تنزل جنه على يوم الاحد

الظاهر اجراءاتكم راح تكون وحده

وترا هذا سمعته يمكن يكون مو اكيد