اللي جابت اربعه اطفال او اكثر تدخل

[مدام زيزي]

يسعد مسا كل اللي بيدخل اللي بكتبه يمكن يمس فئه كبيره من الحريم اللي انجبو اطفال كثير.......اللي هي تغير الجسم بعد الحمل والولادات المتكرره .................يمكن انا عن نفسي اكثر شي مضايقني هو الخطوط اللي بالصدر اصلا هي معاي من يوم انا بنت لاكن هىذي السنتين كثرت الخطوط وحدي مضايقه منها .....وبصراحه ماثره علي في علاقتي الحميميه لما انا اشوفه ينعكس على مزاجي واتضايق حيل ...........مادري تتوقعون فيه لها حل وشنو انتي يضايقج في جسمج بعد هالولادات المتكرره ......احنا هنا يانواسي بعض او نعطي حلول ..........

 

[Nokia N95]

رد : اللي جابت اربعه اطفال او اكثر تدخل

ان شاء الله البنات يفيدونج ....

 

[سارحة بالغنم]

الحمدللة بس شنسوي الحمال وضريبة الحمال لازم نتغير هي بس وقفت على الخطوط المشكلة الزوج يبي مرتة ماتتغير زين إشلون؟

تدرين ياريت عندنا مركز شامل بالكويت يشيل كل هالبلاوي بعد الحمال....بس وين كريمات وجربنا ومساج .

بس قريت بنات يمدحون زبدة الشيا وكنت مكلمة التاجرة غراس بشتريها بس ناطرة المعاش .


ولاتفكرين كل شي لة حل يلا إحنا هنية نساعد بعض وخليج واثقة من نفسج

أصلا يحمدون ربهم رياجيلنا أخذونا ولا رياجيييييييييييييييل هالوقت ماينصبر عليهم:lololoe:

 

[جـــواهر]

انا من بجري وبطني خطوط همن صدري عادي خلج واثقه من نفسج
اذا الخطوط لونها احمر تقدرين تلاحقين عليها ... هذا حجي الطب
مع اني حاااااااااااااولت بخطوطي وماااراحت ...

اهم شي الثقه لاتفتحين عيون زوجج ع هالسوالف

 

[& شرطان الذهب &]

رد : اللي جابت اربعه اطفال او اكثر تدخل

البنات يفيدددونج

 

[مشكلتي حبك]

رد : اللي جابت اربعه اطفال او اكثر تدخل

نصيحه ::بين كل طفل وطفل خلي لج مجال تعديلين بجسمج عقب الولاده مثلاا::جبتي طفل بعدها اقعدي سنه او سنتين وحاول تسوين رياضه وتخلين جسمج مثل اول وهكذاا..
اما تجبين ورا بعض وبعدين تتحلطمين ..الله يعينج..
وحاولي تدهنين جسمج يوميا عشان ما تطلع الخطوط..
واهم شي بالفراش عاجبته انسي هالخطوط حبيبتي اكثر البنات والمتزوجات يعانون منها بكل مكان..

 

[داريني]

دام ريلج مو فاطم على الخطوط اشحقه شايله هم؟

 

[تعويذه الحب]

ولله حبيبتي انا اللي كان مضايقني بطني والحمدلله سويت عمليه تجميل وافتكيت من الكرش

 

[جوري 2007]

انا الكرشة اهية اللي ملوعة جبدي

يارب انام اقوم الاقيها مختفية

قولوا آمين

واللي تقول آمين بدعيلها بالمثل

اهئ

 

[الأميرة جوري]

رد : اللي جابت اربعه اطفال او اكثر تدخل

^^^^

اميييييييييين ياجوري ...

اختى صاحية الموضوع مادام زوجج مو منبيه لاتضايقين

 

[مدام زيزي]

المشكله صج موبس خطوط ..........هي خطوط ...هي ركب ...لاانا عان علي الحين ابي اصير بيضه مو اللي ناكلها معليج جايعه ابي لوني ابيض يمكن البياض يحل هالمشاكل اللي احنا فيها ويارب كل وخده تروح كرشتها وركبها وخطوطها وكل شي ماذيها ....شرايكم بحبوب التبيض تهقون ماتضر شكلي بخطط عليها

 

[لاحول]

رد : اللي جابت اربعه اطفال او اكثر تدخل

والله يااختي الحال من بعضه لازم يتغير ا لجسم بس حاولي حاولي مايحس انك مضايقك جسمك ابد ابد قولي انا حلوة ماتغيرت هههههههههه صدقيني راح ترجع ثقتك بنفسك شوي شوي مع الايام
واهم شي الصحه والعافيه
تقبلي مروري

 

[ام شووووق]

رد : اللي جابت اربعه اطفال او اكثر تدخل

البنات ماقصروا

 

[الغالي واحشني]

اميييييييييييييييييين ياجوري
الكرش وماادراك ما الكرش

 

[*ريما*]

رد : اللي جابت اربعه اطفال او اكثر تدخل

كل شي يتغير
والله يعين

 

[معكرونه أسبكتى يم يم]

رد : اللي جابت اربعه اطفال او اكثر تدخل

بعد هاليهال صرت حفله عقب ماكنت بنت اصبحت نوكومنت !!

 

[غلامحمد]

رد : اللي جابت اربعه اطفال او اكثر تدخل

بسم اللة عليكم الرجاجيل ماينتبهون الايقزون وينتبهون بس ساكتين
واللة انهم انبه من الحرمه ومن زينهم عاد من غيرحمل وولادة ويحومون الكبد
اهم شي الثقة بالنفس اذى شاف الوحدة واثقة تغاضى خليه يفتح فمه بكلمة من حلاتهم عاد اذى يبي هاللبنانيات اللي بطونهم لوح ولا المغربيات فجسمهم رزقهم هو رواتبهم لاعيال ولارجال وانا بعد ابي امريكي ولالبناني ولاتركي واعيش حياتي وردي فوردي
موكحلي فكحلي لووووووووووووووووووووووووووووووووووووووووووول المتزوجات اكيد بيفهمون فرق الالوان

 

[فاقده ابوهاااا]

رد : اللي جابت اربعه اطفال او اكثر تدخل

الحمدالله انا عندي عيال بس صدقيني انتي بالاول لو مهتمه بجسمج جان ما صار الي صار يعني هالخطوط ما تروح لا بكريمات ولا بطيخ ولحد يقص عليج اعتقد ليزر اهو الي يوخر هالخطوط ولازم انتي من البدايه تحطين كريمات من بوتس علشان لا تطلعلج هالخطوط وبعد الولاده لو تسوين رجيم وترضعين صح وتسوين رياضه صدقيني ما راح تشوفين ترهلات ولا شي يعني بالاول والاخير لازم يكون الاهتمام موجود من البدايه وبالنسبه لي الف حمد وشكر لك ياربي خطوط ما تطلعلي يعني الحمدالله ما اعاني من هالشغله بس الترهل اكيد شي بسيط مهما كان هذا جلد وتمغط لمده 9 شهور مو معقوله بيروح بين يوم وليله كثري من التمارين

 

[amani]

الكرش وما أدراك ما الكرش ايلوع الجبد ومخرب علي شكلي ومضايقني الحين بقوم أقصه بالسجين والسبب إني حملت مرتين ورا بعض واخترب الجسم الصراحه بسوي عملية تجميل وبشيله