اللي جربتها ترد علي واللي يسلمكم .... !!

[إنسانه وأكثر]

السلام عليكم

شلونكم بنات

بسئلكم عن الكاميره والسماعه اللي حاطينهم بإعلان هني عندنا فووووق اول ماتدخلين المنتدى

في وحده جربتها او احد من اهلها

صج محتاجه احد يكون مجربها

واكون شاكرتلكم لو قلتولي عنها اذا كانت صج قويه وتنفع صج للمراقبه تدرون الوحده فينا تطلع يادوام او مشوار وتحاتي بيتها وعيالها الله يحفظهم وطول الطلعه البال مشغول وماتستمتعين صج انج تستودعينهم الله والنعم بالله سبحانه

بس نحطها احتياط للمواقف وخصوصا اذا تهاوشتي مع هالخدامه قلبج يعورج لاطلعتي وخليتي عيالج عندها الوحده صارت ماتأمن استغفرالله من هالسوالف اللي نسمعها

ادري طولتها بس لاتلوموني


ومشكورين مقدما

 

[ام الدرر]

حبيبتي انصحج اذا مو شايفة شي عالخدامة ومرتاحة لها لا تحطين
لانها بتكرهج بالخدامة
تصوري نفسج محكورة مع يهال موعيالج 24 ساعة ومتغربة عن ديرتج وعيالج
ومعزبة تنطر شغلج كله كامل ومافيه غلط
اكيد بتصدر منج تصرفات باوقات محد يراقبج
يعني ياهل بيطفرج بتصرخين عليه
تبينه يسوي شي المعزبة موصيتج عليه ومو راضي اكيد بتشيلينه غصب وبقوة عشان تنفذين
اشياء وايد
حتى التنظيف والترتيب
احيان الروتين يملل يخليج تتهاونين
كل هذا بيصير مع الخدم وانا اولهم
خدمنا مو ملائكة ياقلبي نفس بشر مهما كانت طيبة وحبوبة اكيد لها طاقة وصبر
عامليها باللي يرضي رب العالمين
واذا طلعتي استودعي عيالح رب العالمين وان شاءالله مو ضارهم شي
عسى الله يسخرهم لنا ويكفينا شرهم​

 

[مزيونة الهيلا]

ما جربتها ولا انصحج تجربينها

 

[إنسانه وأكثر]

مشكورين خواتي

وانا كنت ضد هالسوالف بس والله الوحده من اللي تسمعه و تشوفه استغفر الله صارت تشك بالخدم خلاص ماكو ثقه

وعندي ولدي اسمله عليه الله يحفظه عبثي وفيه طاقه جم مره ارد البيت القاها تبجي بسبته اخاف بيوم تسويله شي حدي خايفه

ودايما استودعهم الله الحمدلله ماانسى هالشي بس ناقزني قلبي

وماقصرتوا ياقلبي

موفقين

 

[حجيه هيونه]

رد : اللي جربتها ترد علي واللي يسلمكم .... !!

والله مادري عنه ماجربته بس هم انا ودي بشي جذي

 

[أوتــار الهــوى]

ماجربته
واب
اب
لعيونك