اللي جربت ابره الظهربالصباح ياليت تدخل

[yoyo"s mam]

يسعد مساكم
كيفكم ياحلوات
شأخبار الحمال معاكم
ياارب بيهل عليكم وعلي
حبيباتي انا باختصار رح اولد بمشفى الصباح اللي خذت عندهم ابره الظهر ياليت تفيدني بتجربتها معاهم واهم شي بسألها سؤال هما يطلبون تحليل قبل لايعطون الابره لان سمعت في تحليل ويبيلو ساعتين لحدما تطلع نتيجته
ياارب يجزاها الجنه اللي تردعلي
مشكوورات يالغاليات
​

 

[غرومه غنوجه]

اختي اخذتها تقول مو زينه
وياخذون بس الطول والوزن

 

[روح الأحزان]

Up
Up

 

[الأميرة جوري]

الله يسهل عليج

 

[kuwaitiya_84]

حبيبتي اختي خذتها بعد وماتمدحها كلللللش لانه الحين صار لها اربع سنوات من والده ومكان الابره تحس بعوار ومعروف يظل عوارها معاج طول العمر بس وقت الولاده حلوة بس بعد لا نصيحه خلج عالكنام انا ولادتي الثانيه بالصباح وكنت خايفه بس صج ولادتهم حلوة بس عيبهم الغرف والخياط روعه

 

[Om-azooz]

مرت حماي ووحماتي يمدحووونها ارتاااحوا عليها ترا الصبااح زحمه حيييل ووالخيااط مكااان ثاني موو نفس مكان الولاده
الله يسهل عليج ووعلي ووعلى كل الحوامل

 

[أم معاذ الكندري]

خواتي ماخذينها ويقولون موزينه وفعلا مشاءالله عيالهم بالابتدائي ويقولون لي الحين العوار ليلحين
والله يسهل عليج قلبو يويو

 

[ام اغلى الناس]

شلونج ام يويو
انا اول ولاده لي برويال حياه
اخذت ابرة ظهر عند د عمرو
تهبل

هالمره بالصباح باذن الله
وللحين متردده
بس راح اخذ راي الدكتور
والله كريم

 

[أبكاني ذنبي]

ماعندي خبره عن مستشفى الصباح

بس الابره مانصحج فيها ولو اني بجريه بس عواقبها اكثر من راحتها

والله يهون عليج ياارب

 

[ام الحلوااات]

اللـــه يـــســهـــل عـــلـــيـــج

 

[@ام يوسف@]

انا خذيتها مرتين بالصباح بس قيصري ولا ما ياخذون تحاليل ولا الطول بس يسالونج عن وزنج

 

[yoyo"s mam]

اختي اخذتها تقول مو زينه
وياخذون بس الطول والوزن

حبيبتي غرووم مشكوره عالرد
والله يكتبلنا جمييع اللي فيه الخير ياارب

 

[yoyo"s mam]

حبيبتي اختي خذتها بعد وماتمدحها كلللللش لانه الحين صار لها اربع سنوات من والده ومكان الابره تحس بعوار ومعروف يظل عوارها معاج طول العمر بس وقت الولاده حلوة بس بعد لا نصيحه خلج عالكنام انا ولادتي الثانيه بالصباح وكنت خايفه بس صج ولادتهم حلوة بس عيبهم الغرف والخياط روعه

مشكورره ياكويتيه عالمرور
طمنتيني عن ولادتهم انها حلوه
ربي يحفظك

 

[yoyo"s mam]

مرت حماي ووحماتي يمدحووونها ارتاااحوا عليها ترا الصبااح زحمه حيييل ووالخيااط مكااان ثاني موو نفس مكان الولاده
الله يسهل عليج ووعلي ووعلى كل الحوامل

ااامين ام عزوز ربي يسمع منك غلاتي
ماقصرت

 

[yoyo"s mam]

خواتي ماخذينها ويقولون موزينه وفعلا مشاءالله عيالهم بالابتدائي ويقولون لي الحين العوار ليلحين
والله يسهل عليج قلبو يويو

والله شي يحير بس انا خاايفه من الولاده عشان كذا استخرت وحاسه اني رح اخذها انشالله
أم معاذ حياتي ماقصرت يالغاليه وياارب يسهل عليج حبيبتي منوورتيني والله

 

[yoyo"s mam]

شلونج ام يويو
انا اول ولاده لي برويال حياه
اخذت ابرة ظهر عند د عمرو
تهبل

هالمره بالصباح باذن الله
وللحين متردده
بس راح اخذ راي الدكتور
والله كريم

هلا وغلاحبيبتي
والله وانا مثلك متردده بس حاسه اني رح اطلبها
وياارب تكون خير علي وعليك وتريحنا شوي
حدي خايفه من الولاده لاني بكريه
وانشالله ربي يكتبلنا الخير
مشكووره ياعمري فدييتك

 

[yoyo"s mam]

ماعندي خبره عن مستشفى الصباح

بس الابره مانصحج فيها ولو اني بجريه بس عواقبها اكثر من راحتها

والله يهون عليج ياارب

ربي يسمع منك حبيبتي ابكاني
ويعجل بولادتك ويسهلها وتشوفين النونو بين ايدينك

 

[yoyo"s mam]

ام يوسف
روح الاحزان
الاميره جوري
ام الحلوات
مااقصرتم حبيباتي ماانحرم من هالردود الحلوه
ربي يجزاكم الف خيير

 

[alhnan]

حبيبتي ترا شكثر ماخذوا الابره و يفتون علي كيفهم فلانه تقول و فلانه تقول و تذمها جنها مجربتها و ضارتها ! انا اخذتها مره قيصري لان احسن من البنج الكامل بالصباح الولادة اللي وراها الحمدلله طبيعي رحت للصباح ودخلوني ولاده جاني دكتور البنج من نفسه قالي تبين ابرة ظهر قلت اييي واللي يعافيك و طيران حطوها لي بس سالني عن وزني فقط ولا طول ولا بطيخ بس الوزن ولا لها اضرار تهبل رحمه من الله الحمدلله و الشكر

 

[بيت التوت]

اختي خذتها مرا وماعادت تجربتها مرا ثانيه
حست بعوار فضيع من رقبتها لظهرها
سلبياتها اكثر من ايجابياتها