اللي جربت الاجهاض

[ام بوحنة +]

السلام عليكم

اللي جربت الاجهاض اشكثر اتنفس جم يوم
الاجهاض بالشهر الخامس
ووين اتراجعون للي عندها اجهاض متكرر
بنات عفية حدة ضايق خلقي
بس جزاكم الله خير اتجاوبوني

 

[shjoonaa]

ماتشوفين شر حبيبتي انا اجهضت بالسادس وتنفست اربعين يوم كنت وايد عبانه ونفسيتي حدث ولا حرج

كنت اراجع عند دكتوره فوزية القطان وكملت علاجي معاها وحملت

انشاءالله تحملين وتشوفين ولدج بحضنج

 

[دمثة]

حبيبتي الاجهاض بالشهر الخامس تنفس اربعيين يوم بالضبط لا الجنين كان يتحرك وكبير


وبالنسبة للعلاج الاجهاااض انصحج ب 2

1- دكتورة خالدة المجيبل برويال حياة اهي متخصصة بهالسالفه وماشاء الله اكثر الاجهاضات يراجعون عندها وماشاء الله تعرف انا وحدة كنت اجض وراجعت وقر عيني في بنتي الحمدالله

2- دكتور ماجد الشمري بالجهراااا ونفس تخصص دكتورة خالدة المجيبل متخصصين بعلم الام والجنين والاجهاااض

لاحد يدلج على طبيب ثاني والله اهم الثنين متخصصين بهالسالفه وبسسسسسسسسسس


عسى الله يقر عينج قريب بطفل صاحي ومعافي يارب ​

 

[ام بوحنة +]

رد : اللي جربت الاجهاض

أنا اراجع عند فوزية بس الصراحه حاشني منها اكثر من موقف ماعجبني
داقين عليها المستشفى ولا عبرتني ويتني ولاحتى كلمتني بالتليفون

المهم انه الحين المستشفى معطيني اجازه اسبوع بس اشلون اتنفس 40 يوم ؟

 

[أم لولووأخواتها]

رد: رد : اللي جربت الاجهاض

الله يعوضج خير يارب
النفاس مهم قد ما تقدرين أكلي أدوية النفاس والمده قد ما تقدرين أصبري على عمرج لأنها ولاده.. البيبي كبير
وعلشان الإجهاض المتكرر حاولي تأجلين الحمال مو أقل من 6 شهور علشان الرحم يرتفع ويقوي ويمسك البيبي إنشالله
وإنشالله تفرحين بضناج بحضنج كامل تام الخلق والخلقه يارب
موفقه خير

 

[& الذاهبه &]

الله يعوضج خير يا قلبي

 

[احلى مريومه]

الله يعوضج خير يا رب انا اجهضت بالرابع ولازم اتنفسين نفس اللي بالنفاس بالضبط والله يعوضج خير يا رب ولازم ترتاحين عالاقل 3 شهور او اكثر على حسب نصيحت دكتورج انا قعدت 4 شهور وعقب حملت والحمدالله الحين انا بالتاسع وبيب احلى بنوته

 

[om al ghaleen]

اول شي الحمدالله على السلامه والله يعوضج ياارب
ماتدرين هذي خيره من رب العالمين

انا جربت الاجهاض بالشهر السادس وتنفست عند امي 40 يوم لانه حالتي النفسيه مو شي
وتعب لاني ولدت بطلق صناعي يعني كأنها ولاده طبيعيه وبالاخص وقتها كنت بجر

وكنت اراجع فتره حمالي عند فوزيه القطان واهي اللي اشرفت علي بالولاده حتى وقتها بالصباح عندها غرفه
بعد الاربعين رحت لها وقالت ل شي تمام ارتاحي ع الاقل 3 شهور وبعدها فكري بالحمل والحمدالله حملت بعد 8 شهور
وتميت مراجعه عندها لين ولدت ..,,
وطبعا انا بكل عيالي وعملياتي عندها بس هالمره وايد زحمه واحسها للحالات الخاصه انا الحمدالله اجهضت اكثر من مره وحاليا محوليني الصباح بس منحاشه منهم لوول لاني اعرفهم وايد يبالغون بصحه الوحده اللي عندها حالات اجهاض



الي عليج تنفسي عدل مدل وان شاء الله دوور هالسنه بحضنج ضنى
ولا تحاتين ترا النفسيه تلعب دور وخليج مراجعه اول بأول بالصباح


\\

 

[*الجادل*]

الخامس جنج ولاده تنفسي مثل النفاس بالضبط

 

[خليفة العظماء]

انا اجهضت بسابع وتنفست 40 يوم واصلا لازم تقعدين عند اهلج لأن نفستيج تعبانه على ماتعدل وترتاحين ويرتاح جسمج تردين لبيتج
وربي يعوضني ويعوضج ويعوض الكل:yaaaaaarb:

 

[غنوة ستايل]

ياقلبي اجهاض متكرر روحي عند نزهت في السلام
وقولي لها سالفتج مع الاجهاض
انا راجعت عندها اول حمالي بسبب الاجهاضات المتكررة بس كنت اوصل للهشر 2 ويطيح
النفاس حوالي 25 يوم
بس بالنسبة لج اتوقع بتكونين اطول لان 5 شهور مو شوي

 

[ام بوحنة +]

رد : اللي جربت الاجهاض

بس بنات احس وايد اربعين يومين جذي كل يوم ببجي
بعدين مافي مجال عندي دوام وحدي أسبوعين
يعني مو كافي اذا نظفت

والصراحه ودي أراجع بالصباح بس عند منو ؟
واشلون احول عندهم؟

 

[om al ghaleen]

رد: رد : اللي جربت الاجهاض

اهو صح وايد 40 يوم بس مو القصد انج تقعدين بالبيت لا عادي طلعي بس ديري بالج لايحوشج هوا
واخذي ادويه نفاس انا بالنفتره اللي اجهض فيها ريلي مايخليني بالبيت لانه صج اتعب

فالمقصد انه تعتبرين نفسج والده وتهتمين بصحتج
وبالنسبه للصباح المستوصف يحولج ع الصباح وكلهم هناك شطار
انا قبل دكتوري اجنبي ناسيه اسمه والدكتور محمد الغشيان " صج شطاار

 

[احب المنتدى]

رد : رد: رد : اللي جربت الاجهاض

40يوم

الله يعوضج ياااااااااااااااااااارب

 

[دآنة آلرشآيده]

بعد عمري آم بوحنهـ مآتشوفين شر والله يعوضج خير آن شآآآآء الله
والله يرزقج عآجل غير آجل وعليج بآلدعآء فديتج​

 

[امواج الكويت]

انا اجهضت باخر الخامس وتنفست بس اسبوعين والحمدلله كاني ما فيني شي

 

[حبي عبادي]

يابعد عمري والله نزغه شر وانزاحت ياقلبي لاتحاتين فديتج انا اجهضت شهر 11 اللى طاف بنفس شهرج بالضبط صح تعذبت وااااايد بس الحمد لله الله رزقني شدي حيلج يارووحي


لا ياقلبي تتنفسين عند اهلج وكامل بعد 40 يووووووووم كاملييين ياروحي وتاكلين اكل نفاس وادويه نفااس البيبي اللى طايح منج كامل ياقلبي ولازم تتنفسين حبيبتي اخذيها منى هذا حجي العيياايز يطولنا بعمارهم وحافظي على روحج حبيبتي واكلى عدل لانج راح تتعبين وااايد باول يووم والله يهون عليج ان شاء الله


عسى ربي يرزقج بالذريه الصالحه يااارب وتعينج على اللى انتى فيه

 

[ام بوحنة +]

رد : اللي جربت الاجهاض

مشكورين وماقصرتو
والله يرزقكم ويرزقني بالأطفال السليمين

 

[فله]

حبيبتي انت يارب يعوضج ويشفع لج فيها
بعدين انت مو مجهضة انت والدة ولادة مبكرة يالغالية وانصحج بالدكتور الشمري حيل يمدحونة وقبل كل شي الرقية الشرعية حبيبتي الله يسهل عليج
اما بخصوص التنفس لازم اربعين يوم تاكلين مثل النفاس واذا عالدوام اخذي اجازة اسبوعين تكفيج عادي لكن ديري بالج على عمرج

 

[coco honey]

الله يعوضج انشالله حياتي
انا اول زواجي اجهضت في الشهر الثالث وكانو توم (الحمدلله على كل حال)
بس سويت تنظيفات وامي تقول الي تسوي تنظيفات يعني تحتاج عنايه اكثر من الولاده
انا قعدت في بيت اهلي شهرين